<p><strong>ಲಂಡನ್, ಮಾಸ್ಕೊ, ರೋಮ್ (ಪಿಟಿಐ, ಐಎಎನ್ಎಸ್, ಎಫ್ಪಿ): </strong>ಅರಾಜಕತೆಗೆ ಒಳಗಾಗಿರುವ ಸಿರಿಯಾದ ರಾಜಕಾರಣಕ್ಕೆ ಸಂಬಂಧಿಸಿದಂತೆ ವಿನಿಮಯಗೊಂಡಿರುವ 24 ಲಕ್ಷ ಇ-ಮೇಲ್ ಸಂದೇಶಗಳನ್ನು ಬಿಡುಗಡೆಗೊಳಿಸಿರುವುದಾಗಿ ವಿಕಿಲೀಕ್ಸ್ ವೆಬ್ಸೈಟ್ ಹೇಳಿಕೊಂಡಿದೆ.<br /> <br /> 2006ರ ಆಗಸ್ಟ್ನಿಂದ 2012ರ ಮಾರ್ಚ್ವರೆಗೂ ಸಿರಿಯಾದಿಂದ ವಿವಿಧೆಡೆಗೆ ವಿನಿಮಯಗೊಂಡಿರುವ ಮತ್ತು ವಿದೇಶಗಳು ಸೇರಿದಂತೆ ಇತರೆಡೆಯಿಂದ ಸಂವಹನಗೊಂಡಿರುವ 24 ಲಕ್ಷ ಇ-ಮೇಲ್ಗಳನ್ನು ವಿಕಿಲೀಕ್ಸ್ ಬಿಡುಗಡೆ ಮಾಡಿದೆ. <br /> <br /> ಇದರಲ್ಲಿನ ಬಹುತೇಕ ಮೇಲ್ಗಳು ಸಿರಿಯಾ ರಾಜಕಾರಣಕ್ಕೆ ಸಂಬಂಧಿಸಿವೆ. ಅಧ್ಯಕ್ಷರು ಮತ್ತು ಸಚಿವರ ಮೇಲ್ಗಳು, ವಿದೇಶ ವ್ಯವಹಾರ, ಹಣಕಾಸು, ಮಾಹಿತಿ ತಂತ್ರಜ್ಞಾನ, ಸಾರಿಗೆ, ಸಂಸ್ಕೃತಿ ಸೇರಿದಂತೆ ಇನ್ನಿತರ ಕ್ಷೇತ್ರಗಳ ಮಹತ್ವದ ಅಂಶಗಳಿರುವ ಮಾಹಿತಿ ಇವುಗಳಿಂದ ಲಭ್ಯವಾಗಿದೆ ಎಂದು ವಿಕಿಲೀಕ್ಸ್ ತಿಳಿಸಿದೆ.<br /> <br /> ಸಿರಿಯಾ ವಿರೋಧಿಗಳು ಮಾತ್ರವಲ್ಲದೇ, ಸಿರಿಯಾ ಸರ್ಕಾರದ ವಿರುದ್ಧ ಸಿಡಿದೆದ್ದಿರುವ ಬಂಡುಕೋರರು ನಡೆಸಿರುವ ಮಾಹಿತಿ ವಿನಿಮಯದ ಮೇಲ್ಗಳು ತಮಗೆ ಲಭ್ಯವಾಗಿವೆ ಎಂದು ವಿಕಿಲೀಕ್ಸ್ ಸ್ಥಾಪಕ ಜೂಲಿಯಾನ್ ಅಸಾಂಜ್ ಹೇಳಿದ್ದಾರೆ.<br /> <br /> ಸಿರಿಯಾ ಸಚಿವರುಗಳಿಗೆ ವಿದೇಶಗಳಿಂದ ಹರಿದು ಬಂದಿರುವ ಬೇನಾಮಿ ಹಣದ ಮಾಹಿತಿಯೂ ಸಿಕ್ಕಿದೆ. ಲಭ್ಯವಿರುವ ಎಲ್ಲ ಮೇಲ್ಗಳ ವಿಳಾಸ ಮತ್ತು ವ್ಯಕ್ತಿಗಳ ವಿವರಗಳಿವೆ. ವಿಶ್ವದ ನಾನಾ ಭಾಷೆಗಳಲ್ಲಿ ಮೇಲ್ಗಳು ವಿನಿಮಯಗೊಂಡಿವೆ. ಇವುಗಳಲ್ಲಿ ಹೆಚ್ಚಿನವು ಅರೇಬಿಕ್ ಮತ್ತು ರಷ್ಯಾ ಭಾಷೆಯಲ್ಲಿವೆ ಎಂದು ಅಸಾಂಜ್ ಹೇಳಿದ್ದಾರೆ. <br /> <br /> ಇಟಲಿಯ ಅತಿ ದೊಡ್ಡ ರಕ್ಷಣಾ ಸಾಮಗ್ರಿ ತಯಾರಿಕ ಉದ್ಯಮವಾದ ಫಿನ್ಕಾನಿಕ ಕಂಪನಿಯು ಸಿರಿಯಾಕ್ಕೆ ಸಂವಹನ ಸಾಮಗ್ರಿಗಳಾದ ಟೆಲಿಕಾಂ ಉಪಕರಣಗಳು, ಉನ್ನತ ತಂತ್ರಜ್ಞಾನದ ರೇಡಿಯೊಗಳು, ವೈರ್ಲೇಸ್ ಸಾಧನಗಳನ್ನು ನೀಡಿರುವ ಅಂಶ ಬೆಳಕಿಗೆ ಬಂದಿದೆ. <br /> <br /> 2008ರಿಂದ ನಡೆದ ಮೇಲ್ಗಳ ವಿನಿಮಯದಿಂದ ಇದು ಗೊತ್ತಾಗಿದೆ. ಸಿರಿಯಾದಲ್ಲಿ ಅರಾಜಾಕತೆ ಉಂಟಾಗಿದ್ದರೂ ಈ ಉಪಕರಣಗಳ ಸರಬರಾಜು ಮುಂದುವರೆದಿತ್ತು ಎಂದೂ ವಿಕಿಲೀಕ್ಸ್ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಲಂಡನ್, ಮಾಸ್ಕೊ, ರೋಮ್ (ಪಿಟಿಐ, ಐಎಎನ್ಎಸ್, ಎಫ್ಪಿ): </strong>ಅರಾಜಕತೆಗೆ ಒಳಗಾಗಿರುವ ಸಿರಿಯಾದ ರಾಜಕಾರಣಕ್ಕೆ ಸಂಬಂಧಿಸಿದಂತೆ ವಿನಿಮಯಗೊಂಡಿರುವ 24 ಲಕ್ಷ ಇ-ಮೇಲ್ ಸಂದೇಶಗಳನ್ನು ಬಿಡುಗಡೆಗೊಳಿಸಿರುವುದಾಗಿ ವಿಕಿಲೀಕ್ಸ್ ವೆಬ್ಸೈಟ್ ಹೇಳಿಕೊಂಡಿದೆ.<br /> <br /> 2006ರ ಆಗಸ್ಟ್ನಿಂದ 2012ರ ಮಾರ್ಚ್ವರೆಗೂ ಸಿರಿಯಾದಿಂದ ವಿವಿಧೆಡೆಗೆ ವಿನಿಮಯಗೊಂಡಿರುವ ಮತ್ತು ವಿದೇಶಗಳು ಸೇರಿದಂತೆ ಇತರೆಡೆಯಿಂದ ಸಂವಹನಗೊಂಡಿರುವ 24 ಲಕ್ಷ ಇ-ಮೇಲ್ಗಳನ್ನು ವಿಕಿಲೀಕ್ಸ್ ಬಿಡುಗಡೆ ಮಾಡಿದೆ. <br /> <br /> ಇದರಲ್ಲಿನ ಬಹುತೇಕ ಮೇಲ್ಗಳು ಸಿರಿಯಾ ರಾಜಕಾರಣಕ್ಕೆ ಸಂಬಂಧಿಸಿವೆ. ಅಧ್ಯಕ್ಷರು ಮತ್ತು ಸಚಿವರ ಮೇಲ್ಗಳು, ವಿದೇಶ ವ್ಯವಹಾರ, ಹಣಕಾಸು, ಮಾಹಿತಿ ತಂತ್ರಜ್ಞಾನ, ಸಾರಿಗೆ, ಸಂಸ್ಕೃತಿ ಸೇರಿದಂತೆ ಇನ್ನಿತರ ಕ್ಷೇತ್ರಗಳ ಮಹತ್ವದ ಅಂಶಗಳಿರುವ ಮಾಹಿತಿ ಇವುಗಳಿಂದ ಲಭ್ಯವಾಗಿದೆ ಎಂದು ವಿಕಿಲೀಕ್ಸ್ ತಿಳಿಸಿದೆ.<br /> <br /> ಸಿರಿಯಾ ವಿರೋಧಿಗಳು ಮಾತ್ರವಲ್ಲದೇ, ಸಿರಿಯಾ ಸರ್ಕಾರದ ವಿರುದ್ಧ ಸಿಡಿದೆದ್ದಿರುವ ಬಂಡುಕೋರರು ನಡೆಸಿರುವ ಮಾಹಿತಿ ವಿನಿಮಯದ ಮೇಲ್ಗಳು ತಮಗೆ ಲಭ್ಯವಾಗಿವೆ ಎಂದು ವಿಕಿಲೀಕ್ಸ್ ಸ್ಥಾಪಕ ಜೂಲಿಯಾನ್ ಅಸಾಂಜ್ ಹೇಳಿದ್ದಾರೆ.<br /> <br /> ಸಿರಿಯಾ ಸಚಿವರುಗಳಿಗೆ ವಿದೇಶಗಳಿಂದ ಹರಿದು ಬಂದಿರುವ ಬೇನಾಮಿ ಹಣದ ಮಾಹಿತಿಯೂ ಸಿಕ್ಕಿದೆ. ಲಭ್ಯವಿರುವ ಎಲ್ಲ ಮೇಲ್ಗಳ ವಿಳಾಸ ಮತ್ತು ವ್ಯಕ್ತಿಗಳ ವಿವರಗಳಿವೆ. ವಿಶ್ವದ ನಾನಾ ಭಾಷೆಗಳಲ್ಲಿ ಮೇಲ್ಗಳು ವಿನಿಮಯಗೊಂಡಿವೆ. ಇವುಗಳಲ್ಲಿ ಹೆಚ್ಚಿನವು ಅರೇಬಿಕ್ ಮತ್ತು ರಷ್ಯಾ ಭಾಷೆಯಲ್ಲಿವೆ ಎಂದು ಅಸಾಂಜ್ ಹೇಳಿದ್ದಾರೆ. <br /> <br /> ಇಟಲಿಯ ಅತಿ ದೊಡ್ಡ ರಕ್ಷಣಾ ಸಾಮಗ್ರಿ ತಯಾರಿಕ ಉದ್ಯಮವಾದ ಫಿನ್ಕಾನಿಕ ಕಂಪನಿಯು ಸಿರಿಯಾಕ್ಕೆ ಸಂವಹನ ಸಾಮಗ್ರಿಗಳಾದ ಟೆಲಿಕಾಂ ಉಪಕರಣಗಳು, ಉನ್ನತ ತಂತ್ರಜ್ಞಾನದ ರೇಡಿಯೊಗಳು, ವೈರ್ಲೇಸ್ ಸಾಧನಗಳನ್ನು ನೀಡಿರುವ ಅಂಶ ಬೆಳಕಿಗೆ ಬಂದಿದೆ. <br /> <br /> 2008ರಿಂದ ನಡೆದ ಮೇಲ್ಗಳ ವಿನಿಮಯದಿಂದ ಇದು ಗೊತ್ತಾಗಿದೆ. ಸಿರಿಯಾದಲ್ಲಿ ಅರಾಜಾಕತೆ ಉಂಟಾಗಿದ್ದರೂ ಈ ಉಪಕರಣಗಳ ಸರಬರಾಜು ಮುಂದುವರೆದಿತ್ತು ಎಂದೂ ವಿಕಿಲೀಕ್ಸ್ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
