<p>ಸೈಕಲ್ ತುಳಿಯುವುದೆಂದರೆ ಕೆಲವರಿಗೆ ಇಷ್ಟ, ಮತ್ತೆ ಕೆಲವರಿಗೆ ಕಷ್ಟ, ಇನ್ನು ಕೆಲವರಿಗೆ ತಾತ್ಸಾರ. ಅಮೆರಿಕದ ಮೆಸ್ಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ವಿಜ್ಞಾನಿಗಳು ಸೈಕಲ್ ಸವಾರಿಯನ್ನು ಜನಪ್ರಿಯಗೊಳಿಸಲು ಹೊಸತೊಂದು ತಂತ್ರ ಕಂಡು ಹಿಡಿದಿದ್ದಾರೆ.<br /> <br /> ಸೈಕಲ್ ತುಳಿಯುತ್ತಾ ತುಳಿಯುತ್ತಾ ವೇಗ ಹೆಚ್ಚಿದಂತೆ ಸೈಕಲ್ ಚಕ್ರದಿಂದಲೇ ವಿದ್ಯುತ್ ಉತ್ಪಾದನೆಯಾಗುವ ಮತ್ತು ಅದೇ ಶಕ್ತಿಯಲ್ಲಿ ಚಲಿಸುವ ತಂತ್ರಜ್ಞಾನ ಇದು.<br /> <br /> ಇದರಲ್ಲೇನು ವಿಶೇಷ ಈಗಾಗಲೇ ಇಂತಹ ತಂತ್ರಜ್ಞಾನ ಬಂದಿದೆಯಲ್ಲಾ ಎನ್ನಬೇಡಿ. ಇಲ್ಲೇ ಇರುವುದು ವಿಶೇಷ!<br /> ನೀವು ಕೊಪೆನ್ಹೆಗನ್ ಎಂಬ ನಗರದ ಕುರಿತು ಕೇಳಿರಬಹುದು. ಡೆನ್ಮಾರ್ಕ್ನ ರಾಜಧಾನಿಯಾಗಿರುವ ಈ ನಗರ ಪ್ರಪಂಚದಲ್ಲೇ ಸೈಕಲ್ ಸವಾರಿಗೆ ಹೇಳಿ ಮಾಡಿಸಿದ ತಾಣ.<br /> <br /> ಇಲ್ಲಿನ ಒಟ್ಟಾರೆ ಜನಸಂಖ್ಯೆಯಲ್ಲಿ ಶೇ 55ರಷ್ಟು ಜನರು ಸೈಕಲ್ ಬಳಸುತ್ತಾರೆ. ಇವರೆಲ್ಲರು ಪ್ರತಿ ದಿನ ಸೈಕಲ್ ತುಳಿಯುವ ಒಟ್ಟು ದೂರ ಲೆಕ್ಕ ಹಾಕಿದರೆ 120 ಲಕ್ಷ ಕಿ.ಮೀ ದಾಟುತ್ತದೆ. ಹಾಗಾಗಿಯೇ ಬೈಸಿಕಲ್ ಸವಾರಿಯ ಹೊಸ ಸಾಧ್ಯತೆಗಳತ್ತ ಈ ನಗರ ಸದಾ ಕಣ್ಣು ನೆಟ್ಟಿರುತ್ತದೆ. ಈ ನಗರದ ಕಂಪೆನಿಯೊಂದು ‘ಎಂಐಟಿ’ ವಿಜ್ಞಾನಿಗಳು ಅಭಿವೃದ್ಧಿ ಪಡಿಸಿದ ತಂತ್ರಜ್ಞಾನದ ಪರವಾನಗಿ ಪಡೆದುಕೊಂಡಿದೆ.<br /> <br /> ಈ ತಂತ್ರಜ್ಞಾನ ಬಳಸಿ ‘ಕೊಪೆನ್ಹೆಗನ್’ ನಗರದ ಹೆಸರಿನಲ್ಲೇ ‘ಕೊಪೆನ್ಹೆಗನ್ ಸೈಕಲ್ ಚಕ್ರ’ವನ್ನು ಅಭಿವೃದ್ಧಿಪಡಿಸಲಾಗಿದೆ. ನೋಡಲು ಕ್ರೀಡೆಗಳಲ್ಲಿ ಬಳಸುವ ಸೈಕಲ್ಗಳಲ್ಲಿ ಇರುವಂತೆಯೇ ಕಾಣುವ ಈ ಚಕ್ರವನ್ನು ಸುಲಭವಾಗಿ ಯಾವುದೇ ಮಾದರಿಯ ಸೈಕಲ್ಗಳಿಗಾದರೂ ಜೋಡಿಸಿಕೊಳ್ಳಬಹುದು. ಆಮೇಲೆ ಸೈಕಲ್ ಹತ್ತಿ ಹೊರಟರಾಯಿತು.<br /> ಸೈಕಲ್ನ ವೇಗ ಗಂಟೆಗೆ 20 ಮೈಲು ದಾಟುತ್ತಿದ್ದಂತೆ ವಿದ್ಯುತ್ ಉತ್ಪಾದನೆ ಪ್ರಾರಂಭವಾಗುತ್ತದೆ.<br /> <br /> ಹೀಗೆ ಉತ್ಪಾದನೆಯಾಗುವ ವಿದ್ಯುಚ್ಛಕ್ತಿಯು ಸೈಕಲ್ ಚಕ್ರದಲ್ಲಿಯೇ ಅಳವಡಿಸಲಾಗಿರುವ ಬ್ಯಾಟರಿಯಲ್ಲಿ ಸಂಗ್ರಹವಾಗುತ್ತದೆ(ಚಿತ್ರ ನೋಡಿ). ಅಷ್ಟೇ ಅಲ್ಲ, ಈ ತಂತ್ರಜ್ಞಾನದ ಸಂಪೂರ್ಣ ಸದುಪಯೋಗ ಪಡೆದುಕೊಳ್ಳಲು ಕಂಪೆನಿ ವಿಶಿಷ್ಟ ಅಪ್ಲಿಕೇಷನ್ ಒಂದನ್ನೂ ಅಭಿವೃದ್ಧಿಪಡಿಸಿದೆ.<br /> <br /> ನಿಸ್ತಂತು ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುವ ಈ ಅಪ್ಲಿಕೇಷನ್, ಸವಾರನ ಸ್ಮಾರ್ಟ್ಫೋನ್ನಲ್ಲಿ ಸೈಕಲ್ ವೇಗವನ್ನು ಪ್ರದರ್ಶಿಸುತ್ತದೆ. ಸೈಕಲ್ ತುಳಿಯುವ ವ್ಯಕ್ತಿಯ ದೇಹದಲ್ಲಿ ಎಷ್ಟು ಪ್ರಮಾಣದಲ್ಲಿ ಕೊಬ್ಬು ಕರಗಿದೆ ಎನ್ನುವುದನ್ನೂ ನಿಖರವಾಗಿ ತಿಳಿಸುತ್ತದೆ. ಅಲ್ಲದೆ, ಎದೆಬಡಿತ, ರಕ್ತದೊತ್ತಡದ ಮೇಲೆಯೂ ನಿಗಾ ವಹಿಸುತ್ತದೆ.<br /> ಇದೆಲ್ಲ ಅನುಕೂಲಗಳ ಜತೆಗೇ ಇನ್ನೂ ಕೆಲವು ಸೌಲಭ್ಯಗಳು ಈ ಸೈಕಲ್ನಲ್ಲಿದೆ.<br /> <br /> ಸವಾರ ಸೈಕಲ್ ಬಿಟ್ಟು ಬೇರೆಲ್ಲಿಗೋ ಹೋದರೆ, ತನ್ನಿಂದ ತಾನೇ ಸೈಕಲ್ ಲಾಕ್ ಆಗುವಂತೆ ಮಾಡುತ್ತದೆ ಈ ಅಪ್ಲಿಕೇಷನ್. ಹಾಗಾಗಿ ಇದೊಂದು ಬಹಳ ಸ್ಮಾರ್ಟ್ ಆದ ಅಪ್ಲಿಕೇಷನ್ ಎನ್ನುತ್ತಾರೆ ‘ಎಂಎಟಿ’ನಿಂದ ತಂತ್ರಜ್ಞಾನದ ಪರವಾನಗಿ ಪಡೆದುಕೊಂಡಿರುವ ‘ಸೆನ್ಸಬಲ್ ಸಿಟಿ’ ಲ್ಯಾಬ್ನ ಸಹಾಯಕ ನಿರ್ದೇಶಕ ಅಸ್ಸಾಫ್ ಬ್ರೈಡರ್ಮನ್.<br /> <br /> ಈ ವಿಶಿಷ್ಟ ‘ಕೊಪೆನ್ಹೆಗನ್’ ಚಕ್ರದಲ್ಲಿ ಉತ್ಪಾದನೆಯಾಗುವ ವಿದ್ಯುಚ್ಛಕ್ತಿ ಮತ್ತು ಸವಾರನ ಪೆಡಲ್ ತುಳಿಯುವ ಕಾಲಿನ ಶಕ್ತಿಯ ಜತೆಗೆ ಸೇರಿಕೊಂಡಾಗ, ಸಾಮಾನ್ಯ ಸೈಕಲ್ ‘ವಿದ್ಯುತ್ ಚಾಲಿತ’ ವಾಹನದಂತಾಗುತ್ತದೆ. ಈ ಮೂಲಕ ಗಂಟೆಗೆ ಗರಿಷ್ಠ 60 ಕಿ.ಮೀ ವೇಗದಲ್ಲಿಯೂ ಕ್ರಮಿಸಬಹುದಾಗಿದೆ ಎನ್ನುವುದು ಅವರ ವಿವರಣೆ.<br /> <br /> ವಿದ್ಯುಚ್ಛಕ್ತಿ ಉತ್ಪಾದಿಸಿ, ಸಂಗ್ರಹಿಸಿಟ್ಟುಕೊಂಡು ಸೈಕಲ್ಗೆ ವೇಗ ಒದಗಿಸುವಂತಹ ಈ ವಿಶೇಷ ಚಕ್ರದ ಬೆಲೆ 699 ಡಾಲರ್ (ಅಂದಾಜು ರೂ.43 ಸಾವಿರ).<br /> <br /> ಇದು ಬಹಳ ದುಬಾರಿ ಅನಿಸಿದರೂ ದೀರ್ಘಾವಧಿಯಲ್ಲಿ ಹೆಚ್ಚು ಲಾಭ ತರುತ್ತದೆ. ಇಂತಹ ಒಂದು ಸಾವಿರ ಸೈಕಲ್ ಚಕ್ರಗಳು ಈಗಾಗಲೇ ಮಾರಾಟವಾಗಿವೆ. ಅಮೆರಿಕ, ಆಸ್ಟ್ರೇಲಿಯಾ, ಕೀನ್ಯಾ, ಮಡಗಾಸ್ಕರ್ನಲ್ಲಿ ಕೂಪೆನ್ಹೆಗನ್ ಚಕ್ರಕ್ಕೆ ಭಾರಿ ಬೇಡಿಕೆ ವ್ಯಕ್ತವಾಗಿದೆ ಎಂದು ಈ ಸೈಕಲ್ ಚಕ್ರಗಳಿಗೆ ಮುಂಗಡ ಕಾಯ್ದಿರಿಸುವ ವೆಬ್ಸೈಟ್ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಸೈಕಲ್ ತುಳಿಯುವುದೆಂದರೆ ಕೆಲವರಿಗೆ ಇಷ್ಟ, ಮತ್ತೆ ಕೆಲವರಿಗೆ ಕಷ್ಟ, ಇನ್ನು ಕೆಲವರಿಗೆ ತಾತ್ಸಾರ. ಅಮೆರಿಕದ ಮೆಸ್ಸಾಚುಸೆಟ್ಸ್ ಇನ್ಸ್ಟಿಟ್ಯೂಟ್ ಆಫ್ ಟೆಕ್ನಾಲಜಿ (ಎಂಐಟಿ) ವಿಜ್ಞಾನಿಗಳು ಸೈಕಲ್ ಸವಾರಿಯನ್ನು ಜನಪ್ರಿಯಗೊಳಿಸಲು ಹೊಸತೊಂದು ತಂತ್ರ ಕಂಡು ಹಿಡಿದಿದ್ದಾರೆ.<br /> <br /> ಸೈಕಲ್ ತುಳಿಯುತ್ತಾ ತುಳಿಯುತ್ತಾ ವೇಗ ಹೆಚ್ಚಿದಂತೆ ಸೈಕಲ್ ಚಕ್ರದಿಂದಲೇ ವಿದ್ಯುತ್ ಉತ್ಪಾದನೆಯಾಗುವ ಮತ್ತು ಅದೇ ಶಕ್ತಿಯಲ್ಲಿ ಚಲಿಸುವ ತಂತ್ರಜ್ಞಾನ ಇದು.<br /> <br /> ಇದರಲ್ಲೇನು ವಿಶೇಷ ಈಗಾಗಲೇ ಇಂತಹ ತಂತ್ರಜ್ಞಾನ ಬಂದಿದೆಯಲ್ಲಾ ಎನ್ನಬೇಡಿ. ಇಲ್ಲೇ ಇರುವುದು ವಿಶೇಷ!<br /> ನೀವು ಕೊಪೆನ್ಹೆಗನ್ ಎಂಬ ನಗರದ ಕುರಿತು ಕೇಳಿರಬಹುದು. ಡೆನ್ಮಾರ್ಕ್ನ ರಾಜಧಾನಿಯಾಗಿರುವ ಈ ನಗರ ಪ್ರಪಂಚದಲ್ಲೇ ಸೈಕಲ್ ಸವಾರಿಗೆ ಹೇಳಿ ಮಾಡಿಸಿದ ತಾಣ.<br /> <br /> ಇಲ್ಲಿನ ಒಟ್ಟಾರೆ ಜನಸಂಖ್ಯೆಯಲ್ಲಿ ಶೇ 55ರಷ್ಟು ಜನರು ಸೈಕಲ್ ಬಳಸುತ್ತಾರೆ. ಇವರೆಲ್ಲರು ಪ್ರತಿ ದಿನ ಸೈಕಲ್ ತುಳಿಯುವ ಒಟ್ಟು ದೂರ ಲೆಕ್ಕ ಹಾಕಿದರೆ 120 ಲಕ್ಷ ಕಿ.ಮೀ ದಾಟುತ್ತದೆ. ಹಾಗಾಗಿಯೇ ಬೈಸಿಕಲ್ ಸವಾರಿಯ ಹೊಸ ಸಾಧ್ಯತೆಗಳತ್ತ ಈ ನಗರ ಸದಾ ಕಣ್ಣು ನೆಟ್ಟಿರುತ್ತದೆ. ಈ ನಗರದ ಕಂಪೆನಿಯೊಂದು ‘ಎಂಐಟಿ’ ವಿಜ್ಞಾನಿಗಳು ಅಭಿವೃದ್ಧಿ ಪಡಿಸಿದ ತಂತ್ರಜ್ಞಾನದ ಪರವಾನಗಿ ಪಡೆದುಕೊಂಡಿದೆ.<br /> <br /> ಈ ತಂತ್ರಜ್ಞಾನ ಬಳಸಿ ‘ಕೊಪೆನ್ಹೆಗನ್’ ನಗರದ ಹೆಸರಿನಲ್ಲೇ ‘ಕೊಪೆನ್ಹೆಗನ್ ಸೈಕಲ್ ಚಕ್ರ’ವನ್ನು ಅಭಿವೃದ್ಧಿಪಡಿಸಲಾಗಿದೆ. ನೋಡಲು ಕ್ರೀಡೆಗಳಲ್ಲಿ ಬಳಸುವ ಸೈಕಲ್ಗಳಲ್ಲಿ ಇರುವಂತೆಯೇ ಕಾಣುವ ಈ ಚಕ್ರವನ್ನು ಸುಲಭವಾಗಿ ಯಾವುದೇ ಮಾದರಿಯ ಸೈಕಲ್ಗಳಿಗಾದರೂ ಜೋಡಿಸಿಕೊಳ್ಳಬಹುದು. ಆಮೇಲೆ ಸೈಕಲ್ ಹತ್ತಿ ಹೊರಟರಾಯಿತು.<br /> ಸೈಕಲ್ನ ವೇಗ ಗಂಟೆಗೆ 20 ಮೈಲು ದಾಟುತ್ತಿದ್ದಂತೆ ವಿದ್ಯುತ್ ಉತ್ಪಾದನೆ ಪ್ರಾರಂಭವಾಗುತ್ತದೆ.<br /> <br /> ಹೀಗೆ ಉತ್ಪಾದನೆಯಾಗುವ ವಿದ್ಯುಚ್ಛಕ್ತಿಯು ಸೈಕಲ್ ಚಕ್ರದಲ್ಲಿಯೇ ಅಳವಡಿಸಲಾಗಿರುವ ಬ್ಯಾಟರಿಯಲ್ಲಿ ಸಂಗ್ರಹವಾಗುತ್ತದೆ(ಚಿತ್ರ ನೋಡಿ). ಅಷ್ಟೇ ಅಲ್ಲ, ಈ ತಂತ್ರಜ್ಞಾನದ ಸಂಪೂರ್ಣ ಸದುಪಯೋಗ ಪಡೆದುಕೊಳ್ಳಲು ಕಂಪೆನಿ ವಿಶಿಷ್ಟ ಅಪ್ಲಿಕೇಷನ್ ಒಂದನ್ನೂ ಅಭಿವೃದ್ಧಿಪಡಿಸಿದೆ.<br /> <br /> ನಿಸ್ತಂತು ತಂತ್ರಜ್ಞಾನದ ಮೂಲಕ ಕಾರ್ಯನಿರ್ವಹಿಸುವ ಈ ಅಪ್ಲಿಕೇಷನ್, ಸವಾರನ ಸ್ಮಾರ್ಟ್ಫೋನ್ನಲ್ಲಿ ಸೈಕಲ್ ವೇಗವನ್ನು ಪ್ರದರ್ಶಿಸುತ್ತದೆ. ಸೈಕಲ್ ತುಳಿಯುವ ವ್ಯಕ್ತಿಯ ದೇಹದಲ್ಲಿ ಎಷ್ಟು ಪ್ರಮಾಣದಲ್ಲಿ ಕೊಬ್ಬು ಕರಗಿದೆ ಎನ್ನುವುದನ್ನೂ ನಿಖರವಾಗಿ ತಿಳಿಸುತ್ತದೆ. ಅಲ್ಲದೆ, ಎದೆಬಡಿತ, ರಕ್ತದೊತ್ತಡದ ಮೇಲೆಯೂ ನಿಗಾ ವಹಿಸುತ್ತದೆ.<br /> ಇದೆಲ್ಲ ಅನುಕೂಲಗಳ ಜತೆಗೇ ಇನ್ನೂ ಕೆಲವು ಸೌಲಭ್ಯಗಳು ಈ ಸೈಕಲ್ನಲ್ಲಿದೆ.<br /> <br /> ಸವಾರ ಸೈಕಲ್ ಬಿಟ್ಟು ಬೇರೆಲ್ಲಿಗೋ ಹೋದರೆ, ತನ್ನಿಂದ ತಾನೇ ಸೈಕಲ್ ಲಾಕ್ ಆಗುವಂತೆ ಮಾಡುತ್ತದೆ ಈ ಅಪ್ಲಿಕೇಷನ್. ಹಾಗಾಗಿ ಇದೊಂದು ಬಹಳ ಸ್ಮಾರ್ಟ್ ಆದ ಅಪ್ಲಿಕೇಷನ್ ಎನ್ನುತ್ತಾರೆ ‘ಎಂಎಟಿ’ನಿಂದ ತಂತ್ರಜ್ಞಾನದ ಪರವಾನಗಿ ಪಡೆದುಕೊಂಡಿರುವ ‘ಸೆನ್ಸಬಲ್ ಸಿಟಿ’ ಲ್ಯಾಬ್ನ ಸಹಾಯಕ ನಿರ್ದೇಶಕ ಅಸ್ಸಾಫ್ ಬ್ರೈಡರ್ಮನ್.<br /> <br /> ಈ ವಿಶಿಷ್ಟ ‘ಕೊಪೆನ್ಹೆಗನ್’ ಚಕ್ರದಲ್ಲಿ ಉತ್ಪಾದನೆಯಾಗುವ ವಿದ್ಯುಚ್ಛಕ್ತಿ ಮತ್ತು ಸವಾರನ ಪೆಡಲ್ ತುಳಿಯುವ ಕಾಲಿನ ಶಕ್ತಿಯ ಜತೆಗೆ ಸೇರಿಕೊಂಡಾಗ, ಸಾಮಾನ್ಯ ಸೈಕಲ್ ‘ವಿದ್ಯುತ್ ಚಾಲಿತ’ ವಾಹನದಂತಾಗುತ್ತದೆ. ಈ ಮೂಲಕ ಗಂಟೆಗೆ ಗರಿಷ್ಠ 60 ಕಿ.ಮೀ ವೇಗದಲ್ಲಿಯೂ ಕ್ರಮಿಸಬಹುದಾಗಿದೆ ಎನ್ನುವುದು ಅವರ ವಿವರಣೆ.<br /> <br /> ವಿದ್ಯುಚ್ಛಕ್ತಿ ಉತ್ಪಾದಿಸಿ, ಸಂಗ್ರಹಿಸಿಟ್ಟುಕೊಂಡು ಸೈಕಲ್ಗೆ ವೇಗ ಒದಗಿಸುವಂತಹ ಈ ವಿಶೇಷ ಚಕ್ರದ ಬೆಲೆ 699 ಡಾಲರ್ (ಅಂದಾಜು ರೂ.43 ಸಾವಿರ).<br /> <br /> ಇದು ಬಹಳ ದುಬಾರಿ ಅನಿಸಿದರೂ ದೀರ್ಘಾವಧಿಯಲ್ಲಿ ಹೆಚ್ಚು ಲಾಭ ತರುತ್ತದೆ. ಇಂತಹ ಒಂದು ಸಾವಿರ ಸೈಕಲ್ ಚಕ್ರಗಳು ಈಗಾಗಲೇ ಮಾರಾಟವಾಗಿವೆ. ಅಮೆರಿಕ, ಆಸ್ಟ್ರೇಲಿಯಾ, ಕೀನ್ಯಾ, ಮಡಗಾಸ್ಕರ್ನಲ್ಲಿ ಕೂಪೆನ್ಹೆಗನ್ ಚಕ್ರಕ್ಕೆ ಭಾರಿ ಬೇಡಿಕೆ ವ್ಯಕ್ತವಾಗಿದೆ ಎಂದು ಈ ಸೈಕಲ್ ಚಕ್ರಗಳಿಗೆ ಮುಂಗಡ ಕಾಯ್ದಿರಿಸುವ ವೆಬ್ಸೈಟ್ ಹೇಳಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>