<p>ಕೆಲವು ಪ್ರಕಾರಗಳ ಸ್ತನ ಕಾಯಿಲೆಗಳು ತೀವ್ರ ಸ್ವರೂಪದ್ದಾಗಿರುತ್ತವೆ. ಆದರೆ ಹೆಚ್ಚಿನವು ತಾತ್ಕಾಲಿಕ ಬೇನೆಗಳಾಗಿರುತ್ತವೆಯಷ್ಟೆ.ಯಾವುವು ಸಾಮಾನ್ಯ ಮತ್ತು ಯಾವುವು ತೀವ್ರ ಕಾಯಿಲೆ ಎಂಬ ಬಗ್ಗೆ ಮಹಿಳೆಯರಲ್ಲಿ ಸ್ಪಷ್ಟವಾದ ತಿಳಿವಳಿಕೆ ಇರಬೇಕು.<br /> <br /> ಒಬ್ಬ ಮಹಿಳೆ ಸ್ತನ ತೊಂದರೆಗೆ ಒಳಗಾದಾಗ, ಅದು ಹೆಚ್ಚಾಗಿ ಸ್ತನ ಬೆಳವಣಿಗೆಯ ಸಾಮಾನ್ಯ ಬದಲಾವಣೆಯಾಗಿರುತ್ತದೆ. ಈ ಬದಲಾವಣೆಗಳೆಂದರೆ ಸ್ತನಗಳು ಮೃದುವಾಗುವುದು/ ನೋವು, ತೊಟ್ಟುಗಳಲ್ಲಿ ಬದಲಾವಣೆ, ತುರಿಕೆ ..... ಇತ್ಯಾದಿ. <br /> <br /> ಈ ಎಲ್ಲಾ ಬದಲಾವಣೆಗಳು ಮಹಿಳೆಯರ ಹಾರ್ಮೋನುಗಳ ಏರುಪೇರುಗಳಿಂದ ಉಂಟಾಗಿರುತ್ತವೆ. ಕೆಲವು ಪ್ರಕರಣಗಳಲ್ಲಿ ಮಾತ್ರ ಈ ತೊಂದರೆಗಳು ಅತಿರೇಕಕ್ಕೆ ಹೋಗಿ ಮಾರಣಾಂತಿಕ ಕಾಯಿಲೆಗಳಾಗಬಹುದು.<br /> <br /> <strong>ಸಾಮಾನ್ಯ ಬದಲಾವಣೆ ಹಾಗೂ ಸ್ವ-ಪರೀಕ್ಷೆ</strong><br /> ಸ್ತನಗಳಲ್ಲಿ ಸಾಮಾನ್ಯ ಬದಲಾವಣೆ ಯಾವುದೇ ಒಂದು ವಯೋಮಾನಕ್ಕೆ ಸೀಮಿತವಾದ ಪ್ರಕ್ರಿಯೆಯಲ್ಲ. ಜೀವನ ಪೂರ್ತಿ ನಡೆಯುವ ಕ್ರಿಯೆ. ಅವು ಯಾವ ಯಾವ ಹಂತದಲ್ಲಿ ಹೇಗೆ ಬದಲಾಗುತ್ತವೆ ಎಂಬ ಬಗ್ಗೆ ತಿಳಿವಳಿಕೆ ಇದ್ದಾಗ ಅನಗತ್ಯ ಆತಂಕ ಉಂಟಾಗದು. <br /> <br /> ಅತಿರೇಕದ ತೊಂದರೆಗಳು ಕಂಡುಬಂದಲ್ಲಿ ಕೂಡಲೇ ವೈದ್ಯರನ್ನು ಕಾಣಲೂ ನೆರವಾಗುವುದು. ಪ್ರತಿ ತಿಂಗಳು ನಿಮ್ಮ ಸ್ತನಗಳ ಸ್ವ-ಪರೀಕ್ಷೆಯನ್ನು ನಿರ್ವಹಿಸಿಕೊಳ್ಳುವುದರಿಂದ ಸಾಮಾನ್ಯ ಬದಲಾವಣೆಗಳನ್ನು ಗುರುತಿಸಬಹುದು. ಆದರೆ ಈ ಸ್ವ-ಪರೀಕ್ಷೆಯನ್ನು ಪ್ರತಿ ತಿಂಗಳು ಒಂದೇ ಸಮಯಕ್ಕೆ ಸೂಕ್ತ. <br /> <br /> ಸಾಮಾನ್ಯವಾಗಿ ಮುಟ್ಟಾಗಿ 3 ರಿಂದ 5 ದಿನಗಳ ಒಳಗೆ ಪರೀಕ್ಷಿಸಿಕೊಳ್ಳುವುದು ಒಳ್ಳೆಯದು. ಮುಟ್ಟು ನಿಂತ ನಂತರವೂ ಸರಿಯಾಗಿ ಅದೇ ಸಮಯಕ್ಕೆ ಪರೀಕ್ಷೆ ಮಾಡಿಕೊಳ್ಳುವುದು ಉತ್ತಮ.<br /> <br /> * ಸ್ತನದ ಗಾತ್ರ, ಆಕಾರ ಅಥವಾ ಬಣ್ಣದಲ್ಲಿ ವ್ಯತ್ಯಾಸ.<br /> <br /> * ಸ್ತನದಲ್ಲಿ ಅಥವಾ ಅದರ ಸುತ್ತಮುತ್ತ ಗಡ್ಡೆ.<br /> <br /> * ತೋಳಿನಲ್ಲಿ ಉಂಟಾದ ಗಡ್ಡೆ ಮುಟ್ಟು ಕೊನೆಗೊಂಡ ನಂತರವೂ ಉಳಿದಾಗ.<br /> <br /> * ತೊಟ್ಟಿನ ಗಾತ್ರ ಹಾಗೂ ಬಣ್ಣದಲ್ಲಿ ವ್ಯತ್ಯಾಸ.<br /> <br /> * ತೊಟ್ಟು ಕೆಂಪಾದಾಗ, ತೊಟ್ಟಿನಿಂದ ದ್ರವ ಹರಿದಾಗ.<br /> <br /> * ಸ್ತನದ ಒಂದು ಭಾಗದಲ್ಲಿ ನಿಯಮಿತವಾಗಿ ನೋವು ಕಾಣಿಸಿಕೊಂಡಾಗ.<br /> <br /> <strong>ಚಿಕಿತ್ಸೆ</strong><br /> ನಿಮ್ಮ ವೈದ್ಯರು ತೊಂದರೆ ಏನೆಂಬುದನ್ನು ಪತ್ತೆ ಹಚ್ಚುವ ಅಗತ್ಯಕ್ಕೆ ಅನುಗುಣವಾಗಿ ಅಲ್ಟ್ರಾಸೊನೊಗ್ರಫಿ, ಮ್ಯಾಮೊಗ್ರಫಿ, ಸಿಟಿ ಸ್ಕ್ಯಾನ್ ಹಾಗೂ ಎಫ್ಎನ್ಎಸಿಯಂತಹ ಪರೀಕ್ಷೆಗಳನ್ನು ಮಾಡಬಹುದು. ರೋಗಿಗಳ ವಯೋಮಾನ, ಕಾಯಿಲೆಯ ಪ್ರಕಾರ ಹಾಗೂ ತೀವ್ರತೆಯನ್ನು ಗಮನದಲ್ಲಿಟ್ಟುಕೊಂಡು ಇವುಗಳಲ್ಲಿ ಯಾವುದಾದರೂ ಅಥವಾ ಅನೇಕ ಚಿಕಿತ್ಸೆಗಳನ್ನು ಮಾಡಬಹುದು.<br /> <br /> ಶೇ 80 ರಷ್ಟು ಸ್ತನ ಕಾಯಿಲೆಗಳು ಸಾಮಾನ್ಯವಾಗಿರುತ್ತವೆ. ಆದ್ದರಿಂದ ಇಂತಹ ಲಕ್ಷಣಗಳು ಕಂಡು ಬಂದಾಗ ಕಂಗಾಲಾಗುವ ಅಗತ್ಯವಿಲ್ಲ. ಇಂತಹ ಗಂಭೀರವಲ್ಲದ ಸ್ತನ ತೊಂದರೆಗಳಿಗೆ ಕಾರಣಗಳೆಂದರೆ:<br /> <br /> * ಸಾಮಾನ್ಯ ಸ್ತನ ಬದಲಾವಣೆ, ಸೋಂಕು ಅಥವಾ ಗಾಯ<br /> <br /> * ಕೆಲವು ಪ್ರಕಾರಗಳ ವೈದ್ಯಕೀಯ ಚಿಕಿತ್ಸೆಗಳೂ ಕೂಡ ಸ್ತನ ಬದಲಾವಣೆಗೆ ಕಾರಣವಾಗಬಹುದು. ಉದಾ: ಕುಟುಂಬ ಯೋಜನೆಯ ಮಾತ್ರೆಗಳು, ಹಾರ್ಮೋನು ಪುನರ್ಜೋಡಣಾ ಚಿಕಿತ್ಸೆ.<br /> ಪ್ರಕಾರಗಳು<br /> <br /> * ಗಡ್ಡೆಗಳ (ಫಿಬ್ರಾಸಿಸ್ಟಿಕ್) ಬದಲಾವಣೆ - ಸಾಮಾನ್ಯವಾಗಿ ಮುಟ್ಟಿನ ಸಮಯದಲ್ಲಿ ಉಂಟಾಗುವ ಹಾರ್ಮೋನು ಬದಲಾವಣೆಗಳಿಂದ ಇವು ಕಾಣಿಸಿಕೊಳ್ಳುತ್ತವೆ. 35 ರಿಂದ 50 ವರ್ಷಗಳ ನಡುವಿನ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಇದು ಇಂದು ಅಥವಾ ಎರಡೂ ಸ್ತನಗಳಲ್ಲಿ ಸಣ್ಣ, ದ್ರವ ತುಂಬಿದ ಕಿರುಚೀಲದಂತೆ ಕಾಣಿಸಿಕೊಳ್ಳಬಹುದು. <br /> <br /> ಈ ಗಡ್ಡೆಗಳು ಗಡುಸಾಗಿರಬಹುದು ಅಥವಾ ಮೃದುವಾಗಿರಬಹುದು ಗಡ್ಡೆಯ ಗಾತ್ರ ಸಾಮಾನ್ಯವಾಗಿ ಮುಟ್ಟಾಗುವ ಒಂದು ವಾರ ಮುಂಚೆ ಹಿಗ್ಗುತ್ತವೆ ಹಾಗೂ ಒಂದು ವಾರದ ನಂತರ ಇಳಿಯುತ್ತವೆ. <br /> <br /> * ಪೊಳ್ಳುಕೋಶ ಸಾಮಾನ್ಯವಾದ ದ್ರವ ತುಂಬಿದ ಸಣ್ಣ ಸಣ್ಣ ಬೊಕ್ಕೆಗಳಾಗಿದ್ದು ಎರಡೂ ಸ್ತನಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಇವುಗಳನ್ನು ಸೂಜಿಯಿಂದ ತೆಗೆಯಬಹುದು. ಆ ಬೊಕ್ಕೆಗಳಿಂದ ದ್ರವವನ್ನು ಹೊರಗೆ ತೆಗೆದ ನಂತರ ಬೊಕ್ಕೆಗಳು ಮಾಯವಾಗುತ್ತವೆ.<br /> <br /> * ಫೈಬ್ರೊ ಅಡಿನಾಮಸ್: ಇವು ಗಟ್ಟಿಯಾದ, ದುಂಡನೆಯ ಗಡ್ಡೆಗಳಾಗಿದ್ದು, ಸ್ತನದಲ್ಲಿ ಸ್ಥಳಾಂತರ ಹೊಂದುತ್ತಿರುತ್ತವೆ. ಇವುಗಳಲ್ಲಿ ನೋವು ಇರುವುದಿಲ್ಲ. <br /> <br /> * ಇಂಟ್ರಾಡಕ್ಟಲ್ ಪಪಿಲ್ಲೊಮಸ್: ಇದು ನರೂಲಿಯಾಕಾರದ ಒಂದು ಸಣ್ಣ ಗುಳ್ಳೆ. ಸ್ತನದ ತೊಟ್ಟಿನ ಹತ್ತಿರ ಬೆಳೆಯುತ್ತದೆ. ಸಾಮಾನ್ಯವಾಗಿ * 0 ರಿಂದ 50ನೇ ವಯೋಮಾನದಲ್ಲಿ ಕಂಡುಬರುವ ಈ ಸಮಸ್ಯೆಯಿಂದ ತೊಟ್ಟಿನಲ್ಲಿ ರಕ್ತ ಸೂಸಬಹುದು.<br /> <br /> * ಟ್ರೌಮ್ಯಾಟಿಕ್ ಫಾಟ್ ನೆಕ್ರೊಸಿಸ್: ಸಾಮಾನ್ಯವಾಗಿ ಸ್ತನದ ಶಸ್ತ್ರಚಿಕಿತ್ಸೆ ಅಥವಾ ಸ್ತನಕ್ಕೆ ಗಾಯವಾದಾಗ ಈ ತೊಂದರೆ ಕಾಣಿಸಿಕೊಳ್ಳುತ್ತದೆ. ಇದರಿಂದ ಗಟ್ಟಿಯಾದ ಗಡ್ಡೆ ಸ್ತನದಲ್ಲಿ ಕಾಣಿಸಿಕೊಳ್ಳುತ್ತದೆ. ಕೆಲವು ಸಂದರ್ಭಗಳಲ್ಲಿ ತೊಟ್ಟಿನಿಂದ ದ್ರವ ಹೊರಗೆ ಬಂದು ನೋವು ಕಾಣಿಸಿಕೊಳ್ಳಬಹುದು.<br /> <br /> <strong>(ಲೇಖಕರ ಮೊಬೈಲ್: 98* 50903* 2)</strong><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಕೆಲವು ಪ್ರಕಾರಗಳ ಸ್ತನ ಕಾಯಿಲೆಗಳು ತೀವ್ರ ಸ್ವರೂಪದ್ದಾಗಿರುತ್ತವೆ. ಆದರೆ ಹೆಚ್ಚಿನವು ತಾತ್ಕಾಲಿಕ ಬೇನೆಗಳಾಗಿರುತ್ತವೆಯಷ್ಟೆ.ಯಾವುವು ಸಾಮಾನ್ಯ ಮತ್ತು ಯಾವುವು ತೀವ್ರ ಕಾಯಿಲೆ ಎಂಬ ಬಗ್ಗೆ ಮಹಿಳೆಯರಲ್ಲಿ ಸ್ಪಷ್ಟವಾದ ತಿಳಿವಳಿಕೆ ಇರಬೇಕು.<br /> <br /> ಒಬ್ಬ ಮಹಿಳೆ ಸ್ತನ ತೊಂದರೆಗೆ ಒಳಗಾದಾಗ, ಅದು ಹೆಚ್ಚಾಗಿ ಸ್ತನ ಬೆಳವಣಿಗೆಯ ಸಾಮಾನ್ಯ ಬದಲಾವಣೆಯಾಗಿರುತ್ತದೆ. ಈ ಬದಲಾವಣೆಗಳೆಂದರೆ ಸ್ತನಗಳು ಮೃದುವಾಗುವುದು/ ನೋವು, ತೊಟ್ಟುಗಳಲ್ಲಿ ಬದಲಾವಣೆ, ತುರಿಕೆ ..... ಇತ್ಯಾದಿ. <br /> <br /> ಈ ಎಲ್ಲಾ ಬದಲಾವಣೆಗಳು ಮಹಿಳೆಯರ ಹಾರ್ಮೋನುಗಳ ಏರುಪೇರುಗಳಿಂದ ಉಂಟಾಗಿರುತ್ತವೆ. ಕೆಲವು ಪ್ರಕರಣಗಳಲ್ಲಿ ಮಾತ್ರ ಈ ತೊಂದರೆಗಳು ಅತಿರೇಕಕ್ಕೆ ಹೋಗಿ ಮಾರಣಾಂತಿಕ ಕಾಯಿಲೆಗಳಾಗಬಹುದು.<br /> <br /> <strong>ಸಾಮಾನ್ಯ ಬದಲಾವಣೆ ಹಾಗೂ ಸ್ವ-ಪರೀಕ್ಷೆ</strong><br /> ಸ್ತನಗಳಲ್ಲಿ ಸಾಮಾನ್ಯ ಬದಲಾವಣೆ ಯಾವುದೇ ಒಂದು ವಯೋಮಾನಕ್ಕೆ ಸೀಮಿತವಾದ ಪ್ರಕ್ರಿಯೆಯಲ್ಲ. ಜೀವನ ಪೂರ್ತಿ ನಡೆಯುವ ಕ್ರಿಯೆ. ಅವು ಯಾವ ಯಾವ ಹಂತದಲ್ಲಿ ಹೇಗೆ ಬದಲಾಗುತ್ತವೆ ಎಂಬ ಬಗ್ಗೆ ತಿಳಿವಳಿಕೆ ಇದ್ದಾಗ ಅನಗತ್ಯ ಆತಂಕ ಉಂಟಾಗದು. <br /> <br /> ಅತಿರೇಕದ ತೊಂದರೆಗಳು ಕಂಡುಬಂದಲ್ಲಿ ಕೂಡಲೇ ವೈದ್ಯರನ್ನು ಕಾಣಲೂ ನೆರವಾಗುವುದು. ಪ್ರತಿ ತಿಂಗಳು ನಿಮ್ಮ ಸ್ತನಗಳ ಸ್ವ-ಪರೀಕ್ಷೆಯನ್ನು ನಿರ್ವಹಿಸಿಕೊಳ್ಳುವುದರಿಂದ ಸಾಮಾನ್ಯ ಬದಲಾವಣೆಗಳನ್ನು ಗುರುತಿಸಬಹುದು. ಆದರೆ ಈ ಸ್ವ-ಪರೀಕ್ಷೆಯನ್ನು ಪ್ರತಿ ತಿಂಗಳು ಒಂದೇ ಸಮಯಕ್ಕೆ ಸೂಕ್ತ. <br /> <br /> ಸಾಮಾನ್ಯವಾಗಿ ಮುಟ್ಟಾಗಿ 3 ರಿಂದ 5 ದಿನಗಳ ಒಳಗೆ ಪರೀಕ್ಷಿಸಿಕೊಳ್ಳುವುದು ಒಳ್ಳೆಯದು. ಮುಟ್ಟು ನಿಂತ ನಂತರವೂ ಸರಿಯಾಗಿ ಅದೇ ಸಮಯಕ್ಕೆ ಪರೀಕ್ಷೆ ಮಾಡಿಕೊಳ್ಳುವುದು ಉತ್ತಮ.<br /> <br /> * ಸ್ತನದ ಗಾತ್ರ, ಆಕಾರ ಅಥವಾ ಬಣ್ಣದಲ್ಲಿ ವ್ಯತ್ಯಾಸ.<br /> <br /> * ಸ್ತನದಲ್ಲಿ ಅಥವಾ ಅದರ ಸುತ್ತಮುತ್ತ ಗಡ್ಡೆ.<br /> <br /> * ತೋಳಿನಲ್ಲಿ ಉಂಟಾದ ಗಡ್ಡೆ ಮುಟ್ಟು ಕೊನೆಗೊಂಡ ನಂತರವೂ ಉಳಿದಾಗ.<br /> <br /> * ತೊಟ್ಟಿನ ಗಾತ್ರ ಹಾಗೂ ಬಣ್ಣದಲ್ಲಿ ವ್ಯತ್ಯಾಸ.<br /> <br /> * ತೊಟ್ಟು ಕೆಂಪಾದಾಗ, ತೊಟ್ಟಿನಿಂದ ದ್ರವ ಹರಿದಾಗ.<br /> <br /> * ಸ್ತನದ ಒಂದು ಭಾಗದಲ್ಲಿ ನಿಯಮಿತವಾಗಿ ನೋವು ಕಾಣಿಸಿಕೊಂಡಾಗ.<br /> <br /> <strong>ಚಿಕಿತ್ಸೆ</strong><br /> ನಿಮ್ಮ ವೈದ್ಯರು ತೊಂದರೆ ಏನೆಂಬುದನ್ನು ಪತ್ತೆ ಹಚ್ಚುವ ಅಗತ್ಯಕ್ಕೆ ಅನುಗುಣವಾಗಿ ಅಲ್ಟ್ರಾಸೊನೊಗ್ರಫಿ, ಮ್ಯಾಮೊಗ್ರಫಿ, ಸಿಟಿ ಸ್ಕ್ಯಾನ್ ಹಾಗೂ ಎಫ್ಎನ್ಎಸಿಯಂತಹ ಪರೀಕ್ಷೆಗಳನ್ನು ಮಾಡಬಹುದು. ರೋಗಿಗಳ ವಯೋಮಾನ, ಕಾಯಿಲೆಯ ಪ್ರಕಾರ ಹಾಗೂ ತೀವ್ರತೆಯನ್ನು ಗಮನದಲ್ಲಿಟ್ಟುಕೊಂಡು ಇವುಗಳಲ್ಲಿ ಯಾವುದಾದರೂ ಅಥವಾ ಅನೇಕ ಚಿಕಿತ್ಸೆಗಳನ್ನು ಮಾಡಬಹುದು.<br /> <br /> ಶೇ 80 ರಷ್ಟು ಸ್ತನ ಕಾಯಿಲೆಗಳು ಸಾಮಾನ್ಯವಾಗಿರುತ್ತವೆ. ಆದ್ದರಿಂದ ಇಂತಹ ಲಕ್ಷಣಗಳು ಕಂಡು ಬಂದಾಗ ಕಂಗಾಲಾಗುವ ಅಗತ್ಯವಿಲ್ಲ. ಇಂತಹ ಗಂಭೀರವಲ್ಲದ ಸ್ತನ ತೊಂದರೆಗಳಿಗೆ ಕಾರಣಗಳೆಂದರೆ:<br /> <br /> * ಸಾಮಾನ್ಯ ಸ್ತನ ಬದಲಾವಣೆ, ಸೋಂಕು ಅಥವಾ ಗಾಯ<br /> <br /> * ಕೆಲವು ಪ್ರಕಾರಗಳ ವೈದ್ಯಕೀಯ ಚಿಕಿತ್ಸೆಗಳೂ ಕೂಡ ಸ್ತನ ಬದಲಾವಣೆಗೆ ಕಾರಣವಾಗಬಹುದು. ಉದಾ: ಕುಟುಂಬ ಯೋಜನೆಯ ಮಾತ್ರೆಗಳು, ಹಾರ್ಮೋನು ಪುನರ್ಜೋಡಣಾ ಚಿಕಿತ್ಸೆ.<br /> ಪ್ರಕಾರಗಳು<br /> <br /> * ಗಡ್ಡೆಗಳ (ಫಿಬ್ರಾಸಿಸ್ಟಿಕ್) ಬದಲಾವಣೆ - ಸಾಮಾನ್ಯವಾಗಿ ಮುಟ್ಟಿನ ಸಮಯದಲ್ಲಿ ಉಂಟಾಗುವ ಹಾರ್ಮೋನು ಬದಲಾವಣೆಗಳಿಂದ ಇವು ಕಾಣಿಸಿಕೊಳ್ಳುತ್ತವೆ. 35 ರಿಂದ 50 ವರ್ಷಗಳ ನಡುವಿನ ಮಹಿಳೆಯರಲ್ಲಿ ಹೆಚ್ಚಾಗಿ ಕಂಡು ಬರುತ್ತದೆ. ಇದು ಇಂದು ಅಥವಾ ಎರಡೂ ಸ್ತನಗಳಲ್ಲಿ ಸಣ್ಣ, ದ್ರವ ತುಂಬಿದ ಕಿರುಚೀಲದಂತೆ ಕಾಣಿಸಿಕೊಳ್ಳಬಹುದು. <br /> <br /> ಈ ಗಡ್ಡೆಗಳು ಗಡುಸಾಗಿರಬಹುದು ಅಥವಾ ಮೃದುವಾಗಿರಬಹುದು ಗಡ್ಡೆಯ ಗಾತ್ರ ಸಾಮಾನ್ಯವಾಗಿ ಮುಟ್ಟಾಗುವ ಒಂದು ವಾರ ಮುಂಚೆ ಹಿಗ್ಗುತ್ತವೆ ಹಾಗೂ ಒಂದು ವಾರದ ನಂತರ ಇಳಿಯುತ್ತವೆ. <br /> <br /> * ಪೊಳ್ಳುಕೋಶ ಸಾಮಾನ್ಯವಾದ ದ್ರವ ತುಂಬಿದ ಸಣ್ಣ ಸಣ್ಣ ಬೊಕ್ಕೆಗಳಾಗಿದ್ದು ಎರಡೂ ಸ್ತನಗಳಲ್ಲಿ ಕಾಣಿಸಿಕೊಳ್ಳುತ್ತವೆ. ಇವುಗಳನ್ನು ಸೂಜಿಯಿಂದ ತೆಗೆಯಬಹುದು. ಆ ಬೊಕ್ಕೆಗಳಿಂದ ದ್ರವವನ್ನು ಹೊರಗೆ ತೆಗೆದ ನಂತರ ಬೊಕ್ಕೆಗಳು ಮಾಯವಾಗುತ್ತವೆ.<br /> <br /> * ಫೈಬ್ರೊ ಅಡಿನಾಮಸ್: ಇವು ಗಟ್ಟಿಯಾದ, ದುಂಡನೆಯ ಗಡ್ಡೆಗಳಾಗಿದ್ದು, ಸ್ತನದಲ್ಲಿ ಸ್ಥಳಾಂತರ ಹೊಂದುತ್ತಿರುತ್ತವೆ. ಇವುಗಳಲ್ಲಿ ನೋವು ಇರುವುದಿಲ್ಲ. <br /> <br /> * ಇಂಟ್ರಾಡಕ್ಟಲ್ ಪಪಿಲ್ಲೊಮಸ್: ಇದು ನರೂಲಿಯಾಕಾರದ ಒಂದು ಸಣ್ಣ ಗುಳ್ಳೆ. ಸ್ತನದ ತೊಟ್ಟಿನ ಹತ್ತಿರ ಬೆಳೆಯುತ್ತದೆ. ಸಾಮಾನ್ಯವಾಗಿ * 0 ರಿಂದ 50ನೇ ವಯೋಮಾನದಲ್ಲಿ ಕಂಡುಬರುವ ಈ ಸಮಸ್ಯೆಯಿಂದ ತೊಟ್ಟಿನಲ್ಲಿ ರಕ್ತ ಸೂಸಬಹುದು.<br /> <br /> * ಟ್ರೌಮ್ಯಾಟಿಕ್ ಫಾಟ್ ನೆಕ್ರೊಸಿಸ್: ಸಾಮಾನ್ಯವಾಗಿ ಸ್ತನದ ಶಸ್ತ್ರಚಿಕಿತ್ಸೆ ಅಥವಾ ಸ್ತನಕ್ಕೆ ಗಾಯವಾದಾಗ ಈ ತೊಂದರೆ ಕಾಣಿಸಿಕೊಳ್ಳುತ್ತದೆ. ಇದರಿಂದ ಗಟ್ಟಿಯಾದ ಗಡ್ಡೆ ಸ್ತನದಲ್ಲಿ ಕಾಣಿಸಿಕೊಳ್ಳುತ್ತದೆ. ಕೆಲವು ಸಂದರ್ಭಗಳಲ್ಲಿ ತೊಟ್ಟಿನಿಂದ ದ್ರವ ಹೊರಗೆ ಬಂದು ನೋವು ಕಾಣಿಸಿಕೊಳ್ಳಬಹುದು.<br /> <br /> <strong>(ಲೇಖಕರ ಮೊಬೈಲ್: 98* 50903* 2)</strong><br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>