<p>ಹಂಪಿ (ಹೊಸಪೇಟೆ): ಜಾತಿ, ದೇಶ, ಭಾಷೆ ಮೀರಿದ ಪ್ರೇಮವು ವಿವಾಹದಲ್ಲಿ ಕೊನೆಗೊಂಡ ಘಟನೆ ಇಲ್ಲಿ ನಡೆದಿದೆ. ಹಂಪಿಯ ಹುಡುಗ ಹಾಗೂ ಪೋಲೆಂಡ್ ಹುಡುಗಿ ಮಂಗಳವಾರ ಸಂಜೆ ಶಾಸ್ತ್ರೋಕ್ತವಾಗಿ ಮದುವೆಯಾದರು.<br /> <br /> ಹಂಪಿಯಲ್ಲಿ ವಿದೇಶಿ ಪ್ರವಾಸಿಗರಿಗೆ `ಪ್ರವಾಸಿ ಮಾರ್ಗದರ್ಶಕ~ನಾಗಿ (ಗೈಡ್) ಕೆಲಸ ಮಾಡುತ್ತಿದ್ದ ಶಿವಕುಮಾರ ಶೇಖರ ಅವರು ಭಾರತೀಯ ಸಂಸ್ಕೃತಿಯ ಬಗ್ಗೆ ಅಪಾರ ಮೆಚ್ಚುಗೆ ಹಾಗೂ ಗೌರವ ಹೊಂದಿದ ಪೋಲೆಂಡ್ನ ಶಿಕ್ಷಕಿಯಾಗಿದ್ದ ಮಾಲಗೋರ್ಜಾತ ದುಸುಕಿ ಅವರನ್ನು ಭಾರತೀಯ ಸಂಪ್ರದಾಯದಂತೆ ಮದುವೆಯಾದರು.<br /> ಹಂಪಿಯ ವಿರೂಪಾಕ್ಷೇಶ್ವರ ದೇವಾಲಯದಲ್ಲಿ ಈ ಮದುವೆ ನಡೆಯಿತು.<br /> <br /> ಮೂರನೇ ಬಾರಿಗೆ ಭಾರತಕ್ಕೆ ಬಂದಿರುವ ದುಸುಕಿ ಪ್ರತಿ ಬಾರಿಯೂ ಹಂಪಿಗೂ ಬಂದಿದ್ದಾರೆ. ಎರಡನೇ ಬಾರಿ ಬಂದಾಗಲೇ ಪ್ರೇಮಬಂಧನದಲ್ಲಿ ಸಿಲುಕಿದ್ದರಂತೆ. ತಮ್ಮ ಮನೆಯವರ ಅನುಮತಿ ಪಡೆದಿರುವ ಅವರು ಈ ಬಾರಿಯ ಭೇಟಿ ಸಂದರ್ಭದಲ್ಲಿ ಮದುವೆಯಾದರು.<br /> <br /> ವೃದ್ಧ ತಾಯಿಯನ್ನು ಹೊಂದಿರುವ ದುಸುಕಿ ಅವರು ಭಾರತದಲ್ಲಿ ಹಾಗೂ ಪೋಲೆಂಡ್ನಲ್ಲಿ ಸ್ವಲ್ಪದಿನ ಕಳೆಯುವುದಾಗಿ ಹೇಳಿದರು. ಹಂಪಿ ನಿವಾಸಿಗಳು ಹಾಗೂ ಶೇಖರ ಅವರ ಸ್ನೇಹಿತರು, ಕೆಲ ವಿದೇಶಿ ಪ್ರವಾಸಿಗರು ವಿವಾಹದಲ್ಲಿ ಪಾಲ್ಗೊಂಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಹಂಪಿ (ಹೊಸಪೇಟೆ): ಜಾತಿ, ದೇಶ, ಭಾಷೆ ಮೀರಿದ ಪ್ರೇಮವು ವಿವಾಹದಲ್ಲಿ ಕೊನೆಗೊಂಡ ಘಟನೆ ಇಲ್ಲಿ ನಡೆದಿದೆ. ಹಂಪಿಯ ಹುಡುಗ ಹಾಗೂ ಪೋಲೆಂಡ್ ಹುಡುಗಿ ಮಂಗಳವಾರ ಸಂಜೆ ಶಾಸ್ತ್ರೋಕ್ತವಾಗಿ ಮದುವೆಯಾದರು.<br /> <br /> ಹಂಪಿಯಲ್ಲಿ ವಿದೇಶಿ ಪ್ರವಾಸಿಗರಿಗೆ `ಪ್ರವಾಸಿ ಮಾರ್ಗದರ್ಶಕ~ನಾಗಿ (ಗೈಡ್) ಕೆಲಸ ಮಾಡುತ್ತಿದ್ದ ಶಿವಕುಮಾರ ಶೇಖರ ಅವರು ಭಾರತೀಯ ಸಂಸ್ಕೃತಿಯ ಬಗ್ಗೆ ಅಪಾರ ಮೆಚ್ಚುಗೆ ಹಾಗೂ ಗೌರವ ಹೊಂದಿದ ಪೋಲೆಂಡ್ನ ಶಿಕ್ಷಕಿಯಾಗಿದ್ದ ಮಾಲಗೋರ್ಜಾತ ದುಸುಕಿ ಅವರನ್ನು ಭಾರತೀಯ ಸಂಪ್ರದಾಯದಂತೆ ಮದುವೆಯಾದರು.<br /> ಹಂಪಿಯ ವಿರೂಪಾಕ್ಷೇಶ್ವರ ದೇವಾಲಯದಲ್ಲಿ ಈ ಮದುವೆ ನಡೆಯಿತು.<br /> <br /> ಮೂರನೇ ಬಾರಿಗೆ ಭಾರತಕ್ಕೆ ಬಂದಿರುವ ದುಸುಕಿ ಪ್ರತಿ ಬಾರಿಯೂ ಹಂಪಿಗೂ ಬಂದಿದ್ದಾರೆ. ಎರಡನೇ ಬಾರಿ ಬಂದಾಗಲೇ ಪ್ರೇಮಬಂಧನದಲ್ಲಿ ಸಿಲುಕಿದ್ದರಂತೆ. ತಮ್ಮ ಮನೆಯವರ ಅನುಮತಿ ಪಡೆದಿರುವ ಅವರು ಈ ಬಾರಿಯ ಭೇಟಿ ಸಂದರ್ಭದಲ್ಲಿ ಮದುವೆಯಾದರು.<br /> <br /> ವೃದ್ಧ ತಾಯಿಯನ್ನು ಹೊಂದಿರುವ ದುಸುಕಿ ಅವರು ಭಾರತದಲ್ಲಿ ಹಾಗೂ ಪೋಲೆಂಡ್ನಲ್ಲಿ ಸ್ವಲ್ಪದಿನ ಕಳೆಯುವುದಾಗಿ ಹೇಳಿದರು. ಹಂಪಿ ನಿವಾಸಿಗಳು ಹಾಗೂ ಶೇಖರ ಅವರ ಸ್ನೇಹಿತರು, ಕೆಲ ವಿದೇಶಿ ಪ್ರವಾಸಿಗರು ವಿವಾಹದಲ್ಲಿ ಪಾಲ್ಗೊಂಡಿದ್ದರು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>