ಹಕ್ಕುಗಳನ್ನು ಪಡೆಯಲು ಮುಂದಾಗಿ

ಪೀಣ್ಯ ದಾಸರಹಳ್ಳಿ: `ಹಕ್ಕುಗಳು ಯಾರೊಬ್ಬರ ಸ್ವತ್ತಲ್ಲ; ಶೋಷಿತರು ಹೋರಾಟದ ಮೂಲಕ ಹಕ್ಕುಗಳನ್ನು ಪಡೆಯಲು ಮುಂದಾಗಬೇಕು~ ಎಂದು ಸಮಾಜ ಕಲ್ಯಾಣ ಸಚಿವ ಎ.ನಾರಾಯಣಸ್ವಾಮಿ ಕರೆ ನೀಡಿದರು.

ಪೀಣ್ಯದ ಆಶ್ರಯನಗರದಲ್ಲಿ ಆಯೋಜಿಸಿದ್ದ ಬಾಬಾ ಸಾಹೇಬ್ ಡಾ.ಬಿ.ಆರ್.ಅಂಬೇಡ್ಕರ್‌ರವರ 121ನೇ ಜನ್ಮ ದಿನಾಚರಣೆಯ ಕಾರ್ಯಕ್ರಮದಲ್ಲಿ ಭಾಗವಹಿಸಿ ಮಾತನಾಡಿದರು.



`ಹೋರಾಟಗಳನ್ನು ಮುಂದಿನ ರಾಜಕಾರಣದ ದೃಷ್ಟಿ ಇಟ್ಟುಕೊಂಡು ಮಾಡಬಾರದು. ದಲಿತ ಸಮಾಜದ ಏಳಿಗೆಗಾಗಿ ಹೋರಾಟಗಳನ್ನು ರೂಪಿಸಿ. ನಿಮ್ಮ ಕೂಗು ಸಂಸತ್, ವಿಧಾನ ಸೌಧ ಮುಟ್ಟುವಂತಾಗಲಿ~ ಎಂದು ಅವರು ಹೇಳಿದರು.



ಜಿಲ್ಲಾ ಸಮಾಜ ಕಲ್ಯಾಣಾಧಿಕಾರಿ ಎಚ್.ನರಸಿಂಹಯ್ಯ, ದಲಿತ ಕ್ರಿಯಾ ಸಮಿತಿ ಅಧ್ಯಕ್ಷ ಚಿ.ನಾ.ರಾಮು, ಮುಖಂಡರಾದ ದಾಸಪ್ಪ, ಗಂಗನರಸಣ್ಣ, ರಾಮಕೃಷ್ಣಯ್ಯ, ಲಿಂಗರಾಜು, ವೀರೇಶ್ ಬಳ್ಳಾರಿ, ಕೆ.ಬಾಲಕೃಷ್ಣ, ನಾಗರಾಜಣ್ಣ, ಪಿಳ್ಳಾರೆಡ್ಡಿ, ಕಾರ್ಯಕ್ರಮ ಅನುಷ್ಠಾನ ಸಮಿತಿ ಅಧ್ಯಕ್ಷೆ ರತ್ನಮ್ಮ ಇತರರು ಹಾಜರಿದ್ದರು.