ಸೋಮವಾರ, ಮೇ 17, 2021
31 °C

ಹಲವೆಡೆ ಸಾಧಾರಣ ಮಳೆ

ಪ್ರಜಾವಾಣಿ ವಾರ್ತೆ Updated:

ಅಕ್ಷರ ಗಾತ್ರ : | |

ಗೋಣಿಕೊಪ್ಪಲು: ಮಳೆಗಾಗಿ ಕಳೆದ ಮೂರು ತಿಂಗಳಿಂದ ಕಾದಿದ್ದ ದಕ್ಷಿಣ ಕೊಡಗಿನಲ್ಲಿ  ಶನಿವಾರ ಚದುರಿದಂತೆ ತುಂತುರು ಮಳೆ ಬಿದ್ದು ಜನತೆಯಲ್ಲಿ ಹರ್ಷ ಮೂಡಿಸಿತು.  ಹಾತೂರು, ಕುಂದ, ಬಿ.ಶೆಟ್ಟಿಗೇರಿ ಭಾಗಕ್ಕೆ  ಸಾಧಾರಣ ಮಳೆ ಬಿದ್ದಿತು.  ತುಂತುರು ಮಳೆಗೆ ಮಣ್ಣಿನ  ಕಂಪು  ಹೊರಸೂಸಿತು.



ಗುರುವಾರ ಕಾರ್ಮಾಡು, ಕಾನೂರು,  ಬಿಟ್ಟಂಗಾಲ, ಭಾಗಗಳಿಗೆ ಸಾಧಾರಣ ಮಳೆ ಬಿದ್ದಿತ್ತು. ಬೆಳಿಗಿನಿಂದ ಮಳೆಯ ಕಾವಿದ್ದು ಮಧ್ಯಾಹ್ನ ಬಿದ್ದ ಸ್ವಲ್ಪ ಮಳೆಗೆ ನೆಲದ  ಧಗೆ ಮತ್ತಷ್ಟು ಹೆಚ್ಚಾಯಿತು.  ಡಾಂಬರು ರಸ್ತೆ ಮೇಲೆ ಮಳೆಯ ಹನಿ ಬೀಳುತ್ತಿದ್ದರೆ ರಸ್ತೆ ಶಾಖ  ಬೆಂಕಿ ಹೊಗೆಯಂತೆ ಮೇಲೇಳುತಿತ್ತು.  ನೆಲ ತಣಿಯುವಂತೆ ಮಳೆ ಬಿದ್ದಿದ್ದರೆ ವಾತಾವರಣ ತಂಪಾಗುತ್ತಿತ್ತು. ಆದರೆ ಕಳೆದ ಮೂರು ದಿನಗಳಿಂದ ಕೇವಲ ತುಂತುರು ಮಳೆಯಲ್ಲಿಯೇ ಕಾಲ ಕಳೆದು ಹೋಗುತ್ತಿದೆ.



ಭೂಮಿ ತಣಿಯುವಂತೆ ಮಳೆ ಬೀಳದಿದ್ದರೆ  ಮತ್ತಷ್ಟು ಧಗೆ ಹೆಚ್ಚಿ ಅಂತರ್‌ಜಲ ಕಡಿಮೆಯಾಗಲಿದೆ ಎಂಬುದು ಜನತೆಯ ಆತಂಕ.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.