<p>ಜೇಮ್ಸಬಾಂಡ್ ಚಿತ್ರಗಳಲ್ಲಿ ಅಥವಾ ಹಾಲಿವುಡ್ನ ಕಾಲ್ಪನಿಕ ಥ್ರಿಲ್ಲರ್ ಚಿತ್ರಗಳಲ್ಲಿ ರಸ್ತೆಯಲ್ಲಿ ಚಲಿಸುತ್ತಿರುವ ಕಾರು ಆಕಾಶದಲ್ಲಿ ವಿಮಾನದಂತೆ ಹಾರಾಡುವುದನ್ನು ನೋಡಿರಬಹುದು.<br /> <br /> ಭೂಮಿಯಲ್ಲಿ ಸಾಮಾನ್ಯ ಕಾರುಗಳಂತೆ ಚಲಿಸುವ, ಅಗತ್ಯವಿದ್ದಾಗ ಆಗಸದಲ್ಲಿ ಲೋಹದ ಹಕ್ಕಿಗಳಂತೆ ಹಾರಾಡುವ ಕಾರನ್ನು ರೂಪಿಸುವುದು ವಿಶ್ವದ ಹಲವು ವಾಹನ ತಯಾರಿಕಾ ಕಂಪನಿಗಳ ಕನಸೂ ಹೌದು. <br /> <br /> ಕಳೆದ ಒಂದು ವಾರದ ಅವಧಿಯಲ್ಲಿ ಅಮೆರಿಕ ಮತ್ತು ನೆದರ್ಲೆಂಡ್ನಲ್ಲಿ ಎರಡು ಕಾರುಗಳು ಪರೀಕ್ಷಾರ್ಥವಾಗಿ ಆಗಸದಲ್ಲಿ ಯಶಸ್ವಿಯಾಗಿ ಹಾರಾಡುವ ಮೂಲಕ ಕನಸು ನನಸಾಗುವ ವಿಶ್ವಾಸ ಗರಿಗೆದರುವಂತೆ ಮಾಡಿವೆ.<br /> <br /> ನೆದರ್ಲೆಂಡ್ನ `ಪಿಎಎಲ್-ವಿ~ (PAL-V) ಕಂಪನಿ ಮತ್ತು ಅಮೆರಿಕದ ಮೆಸಾಚುಸೆಟ್ಸ್ನ `ಟೆರ್ರಾಫ್ಯುಜಿಯಾ~ ಕಂಪನಿ ಈ ಎರಡು ಹಾರುವ ಕಾರಿನ ರೂವಾರಿಗಳು. ಎರಡೂ ಕಾರುಗಳ ವಿನ್ಯಾಸ, ಕಾರ್ಯನಿರ್ವಹಣೆವಿಭಿನ್ನವಾಗಿರುವುದು ವಿಶೇಷ. `ಪಿಎಎಲ್-ವಿ~ ರೂಪಿಸಿರುವ ಕಾರು ಹೆಲಿಕಾಪ್ಟರ್ನಂತೆ ಕಂಡರೆ, ಟೆರ್ರಾಫ್ಯುಜಿಯಾ ಕಂಪೆನಿಯ ಕಾರು ಸಂಪೂರ್ಣವಾಗಿ ವಿಮಾನವನ್ನು ಹೋಲುತ್ತದೆ.<br /> <br /> <strong>ಪಿಎಎಲ್-ವಿ-ಒನ್<br /> </strong>`ಪಿಎಎಲ್-ವಿ~ ಕಂಪನಿಯು ತಾನು ರೂಪಿಸಿರುವ ಹಾರುವ ಕಾರಿಗೆ `ಪಿಎಎಲ್-ವಿ ಒನ್~ (ಅಔ್ಖ ಘೆಉ) ಎಂದು ಹೆಸರಿಟ್ಟಿದೆ. ನೆದರ್ಲೆಂಡ್ನ ಅತ್ಯುನ್ನತ ಎಂಜಿನಿಯರ್ಗಳ ಶ್ರಮ ಈ ಕಾರಿನ ಹಿಂದಿದೆ. ಹಾರುವ ಕಾರಿನ ಅಭಿವೃದ್ಧಿಗೆ ಅಲ್ಲಿನ ಹಲವು ಕಂಪನಿಗಳು, ಖ್ಯಾತ ಶೈಕ್ಷಣಿಕ ಸಂಸ್ಥೆಗಳೂ ಸಹಕಾರ ನೀಡಿವೆ. <br /> <br /> ಸರ್ಕಾರದ ಮೂರು ಸಚಿವಾಲಯಗಳೂ ಈ ಸಾಧನೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿವೆ.ರಸ್ತೆಯಲ್ಲಿ ಚಲಿಸುವ ಕಾರಿನ ಮೂಲ ಮಾದರಿಯನ್ನು `ಪಿಎಎಲ್-ವಿ~ ಸಂಸ್ಥೆ 2009ರಲ್ಲೇ ಪರೀಕ್ಷೆಗೊಳಪಡಿಸಿತ್ತು. ಕಳೆದ ವಾರ ನಡೆಸಿದ ಪರೀಕ್ಷಾರ್ಥ ಹಾರಾಟದಲ್ಲಿ `ಪಿಎಎಲ್-ವಿ ಒನ್~ ಯಶಸ್ವಿಯಾಗಿ ತನ್ನ ಗುರಿ ತಲುಪಿತು. <br /> <br /> ಈ ಪ್ರಾಯೋಗಿಕ ಹಾರಾಟ ನಡೆಸುವುದಕ್ಕಿಂತಲೂ ಎರಡು ವಾರಗಳ ಮೊದಲು ಕಾರಿನ ಕಾರ್ಯನಿರ್ವಹಣೆಯನ್ನು ದೃಢಪಡಿಸಿಕೊಳ್ಳಲು ಹಲವು ಬಾರಿ ಪಿಎಎಲ್-ವಿ ಒನ್~, ಹಾರಾಟದ ತಾಲೀಮು ನಡೆಸಿತ್ತು. <br /> <br /> ಎರಡು ಆಸನ ಸಾಮರ್ಥ್ಯದ ಮೂರು ಚಕ್ರಗಳನ್ನು ಹೊಂದಿರುವ `ಪಿಎಎಲ್-ವಿ ಒನ್~ ಆಗಸದಲ್ಲಿ ಹೆಲಿಕಾಪ್ಟರ್ನಂತೆ ಹಾರಾಡಿದರೆ ರಸ್ತೆಯಲ್ಲಿ ಸ್ಪೋರ್ಟ್ಸ್ ಕಾರಿನಂತೆ ಚಲಿಸುತ್ತದೆ!<br /> <br /> `ಪಿಎಎಲ್-ವಿ ಒನ್~ ಕಾರಿನ ಕಾರ್ಯನಿರ್ವಹಣೆಗೆ ಪ್ರತ್ಯೇಕವಾಗಿ ಯಾವುದೇ ಮೂಲ ಸೌಕರ್ಯಗಳನ್ನು ಒದಗಿಸುವ ಅಗತ್ಯವಿಲ್ಲ. ಈಗ ಲಭ್ಯವಿರುವ ಮೂಲಸೌಕರ್ಯಗಳಲ್ಲೇ ಇದನ್ನು ಬಳಸಬಹುದು ಎನ್ನುವುದೇ ಇದರ ಹೆಗ್ಗಳಿಕೆ. ಸಾಮಾನ್ಯ ಕಾರಿನಲ್ಲಿ ಬಳಸುವ ಇಂಧನವನ್ನೇ (ಪೆಟ್ರೋಲ್) ಇದರಲ್ಲೂ ಬಳಸಲಾಗಿದೆ. <br /> <br /> ಜೈವಿಕ ಡೀಸೆಲ್ ಮತ್ತು ಜೈವಿಕ ಇಥೆನಾಲ್ಗಳಿಂದಲೂ ಓಡಿಸಬಹುದಾದ/ಹಾರಿಸಬಹುದಾದ ಕಾರನ್ನೂ `ಪಿಎಎಲ್-ವಿ~ ರೂಪಿಸಿದೆ. ರಸ್ತೆಯಲ್ಲಿ ಮತ್ತು ಆಗಸದಲ್ಲಿ ಗಂಟೆಗೆ 180 ಕಿ.ಮೀ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಇದಕ್ಕಿದೆ. ಹಾರಾಟದ ವಿಷಯಕ್ಕೆ ಬಂದರೆ ಈ ಕಾರು ಹೆಲಿಕಾಪ್ಟರ್ನಂತೆಯೇ ಕೆಲಸ ಮಾಡುತ್ತದೆ.<br /> <br /> ನಿಧಾನವಾಗಿಯೇ ಟೇಕ್ ಆಫ್ ಮತ್ತು ಲ್ಯಾಂಡ್ ಆಗುವ `ಪಿಎಎಲ್-ವಿ ಒನ್~ಗೆ ಟೇಕ್ ಆಫ್ ಆಗಲು ಕೇವಲ 165 ಮೀಟರ್ನಷ್ಟು ಸ್ಥಳಾವಕಾಶ ಇದ್ದರೆ ಸಾಕು ಎಂದು ಸಂಸ್ಥೆ ಹೇಳಿದೆ. ಅದು ಹುಲ್ಲಿನಿಂದ ಕೂಡಿದ ನೆಲವಾದರೂ ಆಗಬಹುದು ಅಥವಾ ರಸ್ತೆಯೂ ಆಗಬಹುದು.<br /> <br /> ಈ ಕಾರಿನ ಚಾಲನಾ ಪರವಾನಗಿ ಪಡೆಯಬೇಕಾದರೆ ವ್ಯಕ್ತಿಯೊಬ್ಬರು ಕನಿಷ್ಠ 20ರಿಂದ 30 ಗಂಟೆ ತರಬೇತಿ ಪಡೆಯಬೇಕು. ವೃತ್ತಿಪರರು, ಕಾರ್ಪೊರೇಟ್ ಸಂಸ್ಥೆಗಳು, ತನಿಖಾ ಸಂಸ್ಥೆಗಳು `ಪಿಎಎಲ್-ವಿ ಒನ್~ ಕುರಿತು ಹೆಚ್ಚು ಆಸಕ್ತಿ ತೋರಿವೆ ಎಂದು ಸಂಸ್ಥೆ ಹೇಳಿದೆ. <br /> <br /> <strong>ಟ್ರಾನ್ಸಿಷನ್</strong><br /> ಅಮೆೆರಿಕದ ಮೆಸಾಚ್ಯುಸೆಟ್ಸ್ನ ಟೆರ್ರಾಪ್ಯುಜಿಯಾ ಕಂಪನಿ ನಿರ್ಮಿಸಿರುವ `ಟ್ರಾನ್ಸಿಷನ್~ ಹಾರುವ ಕಾರು `ಪಿಎಎಲ್-ವಿ ಒನ್~ಗಿಂತ ಸಾಕಷ್ಟು ವಿಭಿನ್ನವಾಗಿದೆ. `ಟ್ರಾನ್ಸಿಷನ್~ ಸಂಪೂರ್ಣವಾಗಿ ವಿಮಾನವನ್ನೇ ಹೋಲುತ್ತದೆ. ಅದರ ಕಾರ್ಯನಿರ್ವಹಣೆ ಕೂಡ ವಿಮಾನದಂತೆಯೇ.<br /> <br /> ಕಳೆದವಾರ ನಡೆದ ಪ್ರಾಯೋಗಿಕವಾಗಿ ನಡೆದ ಪರೀಕ್ಷೆಯಲ್ಲಿ `ಟ್ರಾನ್ಸಿಷನ್~ ಕಾರು-ವಿಮಾನ ಮಾದರಿ, ಎಂಟು ನಿಮಿಷಗಳ ಕಾಲ ಆಗಸದಲ್ಲಿ ಹಾರಾಡಿ ಯಶಸ್ವಿಯಾಗಿ ಧರೆಗಿಳಿದಿದೆ.<br /> <br /> ನಾಲ್ಕು ಚಕ್ರಗಳನ್ನು ಹೊಂದಿರುವ ಎರಡು ಆಸನ ಸಾಮರ್ಥ್ಯದ `ಟ್ರಾನ್ಸಿಷನ್~ನ ಬೆಲೆ 2.79 ಲಕ್ಷ ಡಾಲರ್! (ಸುಮಾರು ರೂ 1,39,50,000 ). ಈಗಾಗಲೇ ಇಂತಹ 100 ಕಾರುಗಳಿಗೆ ಬೇಡಿಕೆ ಬಂದಿದೆ ಎಂದು ಟೆರ್ರಾಫ್ಯುಜಿಯಾ ಹೇಳಿದೆ. ಈ ಹಾರುವ ಕಾರನ್ನು ಮುಂದಿನ ವರ್ಷ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಯತ್ನ ಅದರದ್ದು.<br /> <br /> ಮಡಚುವ ರೆಕ್ಕೆಗಳನ್ನು ಹೊಂದಿರುವ `ಟ್ರಾನ್ಸಿಷನ್~ ಗೆ ಟೇಕ್ ಆಫ್ ಆಗಲು 2500 ಅಡಿ ಉದ್ದದ ರನ್ವೇ ಬೇಕು. ಹಾಗಾಗಿ ಈ ಕಾರು ಹಾರಾಟಕ್ಕೆ ವಿಮಾನ ನಿಲ್ದಾಣಗಳನ್ನೇ ಅವಲಂಬಿಸಬೇಕು. ಇಲ್ಲವೇ ಅದಕ್ಕಾಗಿ ಪ್ರತ್ಯೇಕವಾದ ರನ್ ವೇ ನಿರ್ಮಿಸಬೇಕು. `ಪಿಎಎಲ್-ವಿ ಒನ್~ಗೆ ಹೋಲಿಸಿದರೆ ಟ್ರಾನ್ಸಿಷನ್ನಿನ ಬಹುದೊಡ್ಡ ಮಿತಿ ಇದು.<br /> <br /> ಸಾಮಾನ್ಯ ಕಾರಿನ ಗಾತ್ರವನ್ನೇ ಟ್ರಾನ್ಸಿಷನ್ ಹೊಂದಿದೆ. ರೆಕ್ಕೆಗಳನ್ನು ಮಡಿಸಬಹುದಾದ್ದರಿಂದ ಸಾಮಾನ್ಯ ಕಾರನ್ನು ನಿಲ್ಲಿಸಬಹುದಾದ ಸ್ಥಳದಲ್ಲೇ ಇದನ್ನು ನಿಲುಗಡೆ ಮಾಡಬಹುದು.<br /> <br /> ಈ ಕಾರನ್ನು ಚಾಲನೆ ಮಾಡಬೇಕಾದರೆ ಕಾರಿನ ಮಾಲೀಕ, ಚಾಲನಾ ಪರವಾನಗಿ ಮತ್ತು ಪೈಲಟ್ ಪರವಾನಗಿಯನ್ನೂ ಪಡೆಯಬೇಕು. ಪೈಲಟ್ ಪರವಾನಗಿ ಪಡೆಯಬೇಕಾದರೆ ಕನಿಷ್ಠ 20 ಗಂಟೆಗಳ ಹಾರಾಟದ ಅನುಭವವೂ ಆತನಿಗಿರಬೇಕು.<br /> <br /> <strong>ಕ್ರಮಿಸಬೇಕು ದೂರ...</strong><br /> ಹಾರುವ ಕಾರುಗಳ ನಿರ್ಮಾಣದ ಯತ್ನಗಳನ್ನು ಹಲವು ಕಂಪನಿಗಳು ಮಾಡುತ್ತಲೇ ಬಂದಿವೆ. ಎಲ್ಲ ಕಂಪನಿಗಳೂ ಪ್ರಯೋಗದಲ್ಲೇ ನಿರತವಾಗಿವೆ. ಅವುಗಳಲ್ಲಿ ಯಶಸ್ವಿಯಾದವು ಬಹಳ ಕಡಿಮೆ. <br /> <br /> ಈಗ ಯಶಸ್ವಿಯಾಗಿರುವ ಎರಡು ಹಾರುವ ಕಾರಿನ ಯತ್ನಗಳು ಪ್ರಯೋಗಳಷ್ಟೇ. ವಾಣಿಜ್ಯ ಬಳಕೆಗೆ ಅವುಗಳನ್ನು ಬಳಸಬೇಕಾದರೆ ಇನ್ನೂ ಹೆಚ್ಚಿನ ಸಂಶೋಧನೆ ನಡೆಯಬೇಕು. ಅದಕ್ಕೆ ಹೆಚ್ಚಿನ ಬಂಡವಾಳವೂ ಬೇಕು. <br /> <br /> ಕನಿಷ್ಠ ಕೆಲವರ ಮನೆಯ ಅಂಗಳದಲ್ಲಿಯಾದರೂ ಹಾರುವ ಕಾರು ಬಂದು ನಿಲ್ಲಬೇಕಾದರೆ ಕೆಲವು ವರ್ಷಗಳು ಬೇಕಾಗಬಹುದು ಎಂಬುದು ತಜ್ಞರ ಅಂಬೋಣ.<br /> ಕೇವಲ ವಿಜ್ಞಾನದ ಕಾಲ್ಪನಿಕ ಕತೆಗಳಿಗೆ, ಹಾಲಿವುಡ್ ಚಿತ್ರಗಳಿಗೆ ಮೀಸಲಾಗಿದ್ದ ಹಾರುವ ಕಾರಿನ ಕಲ್ಪನೆ ವಾಸ್ತವ ಜಗತ್ತಿನಲ್ಲಿ ನಮ್ಮ ಕಣ್ಣ ಮುಂದೆ ನಿಜವಾಗುತ್ತಿದೆ ಎಂಬುದೇ ಕೌತುಕದ ವಿಷಯ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p>ಜೇಮ್ಸಬಾಂಡ್ ಚಿತ್ರಗಳಲ್ಲಿ ಅಥವಾ ಹಾಲಿವುಡ್ನ ಕಾಲ್ಪನಿಕ ಥ್ರಿಲ್ಲರ್ ಚಿತ್ರಗಳಲ್ಲಿ ರಸ್ತೆಯಲ್ಲಿ ಚಲಿಸುತ್ತಿರುವ ಕಾರು ಆಕಾಶದಲ್ಲಿ ವಿಮಾನದಂತೆ ಹಾರಾಡುವುದನ್ನು ನೋಡಿರಬಹುದು.<br /> <br /> ಭೂಮಿಯಲ್ಲಿ ಸಾಮಾನ್ಯ ಕಾರುಗಳಂತೆ ಚಲಿಸುವ, ಅಗತ್ಯವಿದ್ದಾಗ ಆಗಸದಲ್ಲಿ ಲೋಹದ ಹಕ್ಕಿಗಳಂತೆ ಹಾರಾಡುವ ಕಾರನ್ನು ರೂಪಿಸುವುದು ವಿಶ್ವದ ಹಲವು ವಾಹನ ತಯಾರಿಕಾ ಕಂಪನಿಗಳ ಕನಸೂ ಹೌದು. <br /> <br /> ಕಳೆದ ಒಂದು ವಾರದ ಅವಧಿಯಲ್ಲಿ ಅಮೆರಿಕ ಮತ್ತು ನೆದರ್ಲೆಂಡ್ನಲ್ಲಿ ಎರಡು ಕಾರುಗಳು ಪರೀಕ್ಷಾರ್ಥವಾಗಿ ಆಗಸದಲ್ಲಿ ಯಶಸ್ವಿಯಾಗಿ ಹಾರಾಡುವ ಮೂಲಕ ಕನಸು ನನಸಾಗುವ ವಿಶ್ವಾಸ ಗರಿಗೆದರುವಂತೆ ಮಾಡಿವೆ.<br /> <br /> ನೆದರ್ಲೆಂಡ್ನ `ಪಿಎಎಲ್-ವಿ~ (PAL-V) ಕಂಪನಿ ಮತ್ತು ಅಮೆರಿಕದ ಮೆಸಾಚುಸೆಟ್ಸ್ನ `ಟೆರ್ರಾಫ್ಯುಜಿಯಾ~ ಕಂಪನಿ ಈ ಎರಡು ಹಾರುವ ಕಾರಿನ ರೂವಾರಿಗಳು. ಎರಡೂ ಕಾರುಗಳ ವಿನ್ಯಾಸ, ಕಾರ್ಯನಿರ್ವಹಣೆವಿಭಿನ್ನವಾಗಿರುವುದು ವಿಶೇಷ. `ಪಿಎಎಲ್-ವಿ~ ರೂಪಿಸಿರುವ ಕಾರು ಹೆಲಿಕಾಪ್ಟರ್ನಂತೆ ಕಂಡರೆ, ಟೆರ್ರಾಫ್ಯುಜಿಯಾ ಕಂಪೆನಿಯ ಕಾರು ಸಂಪೂರ್ಣವಾಗಿ ವಿಮಾನವನ್ನು ಹೋಲುತ್ತದೆ.<br /> <br /> <strong>ಪಿಎಎಲ್-ವಿ-ಒನ್<br /> </strong>`ಪಿಎಎಲ್-ವಿ~ ಕಂಪನಿಯು ತಾನು ರೂಪಿಸಿರುವ ಹಾರುವ ಕಾರಿಗೆ `ಪಿಎಎಲ್-ವಿ ಒನ್~ (ಅಔ್ಖ ಘೆಉ) ಎಂದು ಹೆಸರಿಟ್ಟಿದೆ. ನೆದರ್ಲೆಂಡ್ನ ಅತ್ಯುನ್ನತ ಎಂಜಿನಿಯರ್ಗಳ ಶ್ರಮ ಈ ಕಾರಿನ ಹಿಂದಿದೆ. ಹಾರುವ ಕಾರಿನ ಅಭಿವೃದ್ಧಿಗೆ ಅಲ್ಲಿನ ಹಲವು ಕಂಪನಿಗಳು, ಖ್ಯಾತ ಶೈಕ್ಷಣಿಕ ಸಂಸ್ಥೆಗಳೂ ಸಹಕಾರ ನೀಡಿವೆ. <br /> <br /> ಸರ್ಕಾರದ ಮೂರು ಸಚಿವಾಲಯಗಳೂ ಈ ಸಾಧನೆಯಲ್ಲಿ ತಮ್ಮನ್ನು ತೊಡಗಿಸಿಕೊಂಡಿವೆ.ರಸ್ತೆಯಲ್ಲಿ ಚಲಿಸುವ ಕಾರಿನ ಮೂಲ ಮಾದರಿಯನ್ನು `ಪಿಎಎಲ್-ವಿ~ ಸಂಸ್ಥೆ 2009ರಲ್ಲೇ ಪರೀಕ್ಷೆಗೊಳಪಡಿಸಿತ್ತು. ಕಳೆದ ವಾರ ನಡೆಸಿದ ಪರೀಕ್ಷಾರ್ಥ ಹಾರಾಟದಲ್ಲಿ `ಪಿಎಎಲ್-ವಿ ಒನ್~ ಯಶಸ್ವಿಯಾಗಿ ತನ್ನ ಗುರಿ ತಲುಪಿತು. <br /> <br /> ಈ ಪ್ರಾಯೋಗಿಕ ಹಾರಾಟ ನಡೆಸುವುದಕ್ಕಿಂತಲೂ ಎರಡು ವಾರಗಳ ಮೊದಲು ಕಾರಿನ ಕಾರ್ಯನಿರ್ವಹಣೆಯನ್ನು ದೃಢಪಡಿಸಿಕೊಳ್ಳಲು ಹಲವು ಬಾರಿ ಪಿಎಎಲ್-ವಿ ಒನ್~, ಹಾರಾಟದ ತಾಲೀಮು ನಡೆಸಿತ್ತು. <br /> <br /> ಎರಡು ಆಸನ ಸಾಮರ್ಥ್ಯದ ಮೂರು ಚಕ್ರಗಳನ್ನು ಹೊಂದಿರುವ `ಪಿಎಎಲ್-ವಿ ಒನ್~ ಆಗಸದಲ್ಲಿ ಹೆಲಿಕಾಪ್ಟರ್ನಂತೆ ಹಾರಾಡಿದರೆ ರಸ್ತೆಯಲ್ಲಿ ಸ್ಪೋರ್ಟ್ಸ್ ಕಾರಿನಂತೆ ಚಲಿಸುತ್ತದೆ!<br /> <br /> `ಪಿಎಎಲ್-ವಿ ಒನ್~ ಕಾರಿನ ಕಾರ್ಯನಿರ್ವಹಣೆಗೆ ಪ್ರತ್ಯೇಕವಾಗಿ ಯಾವುದೇ ಮೂಲ ಸೌಕರ್ಯಗಳನ್ನು ಒದಗಿಸುವ ಅಗತ್ಯವಿಲ್ಲ. ಈಗ ಲಭ್ಯವಿರುವ ಮೂಲಸೌಕರ್ಯಗಳಲ್ಲೇ ಇದನ್ನು ಬಳಸಬಹುದು ಎನ್ನುವುದೇ ಇದರ ಹೆಗ್ಗಳಿಕೆ. ಸಾಮಾನ್ಯ ಕಾರಿನಲ್ಲಿ ಬಳಸುವ ಇಂಧನವನ್ನೇ (ಪೆಟ್ರೋಲ್) ಇದರಲ್ಲೂ ಬಳಸಲಾಗಿದೆ. <br /> <br /> ಜೈವಿಕ ಡೀಸೆಲ್ ಮತ್ತು ಜೈವಿಕ ಇಥೆನಾಲ್ಗಳಿಂದಲೂ ಓಡಿಸಬಹುದಾದ/ಹಾರಿಸಬಹುದಾದ ಕಾರನ್ನೂ `ಪಿಎಎಲ್-ವಿ~ ರೂಪಿಸಿದೆ. ರಸ್ತೆಯಲ್ಲಿ ಮತ್ತು ಆಗಸದಲ್ಲಿ ಗಂಟೆಗೆ 180 ಕಿ.ಮೀ ವೇಗದಲ್ಲಿ ಚಲಿಸುವ ಸಾಮರ್ಥ್ಯ ಇದಕ್ಕಿದೆ. ಹಾರಾಟದ ವಿಷಯಕ್ಕೆ ಬಂದರೆ ಈ ಕಾರು ಹೆಲಿಕಾಪ್ಟರ್ನಂತೆಯೇ ಕೆಲಸ ಮಾಡುತ್ತದೆ.<br /> <br /> ನಿಧಾನವಾಗಿಯೇ ಟೇಕ್ ಆಫ್ ಮತ್ತು ಲ್ಯಾಂಡ್ ಆಗುವ `ಪಿಎಎಲ್-ವಿ ಒನ್~ಗೆ ಟೇಕ್ ಆಫ್ ಆಗಲು ಕೇವಲ 165 ಮೀಟರ್ನಷ್ಟು ಸ್ಥಳಾವಕಾಶ ಇದ್ದರೆ ಸಾಕು ಎಂದು ಸಂಸ್ಥೆ ಹೇಳಿದೆ. ಅದು ಹುಲ್ಲಿನಿಂದ ಕೂಡಿದ ನೆಲವಾದರೂ ಆಗಬಹುದು ಅಥವಾ ರಸ್ತೆಯೂ ಆಗಬಹುದು.<br /> <br /> ಈ ಕಾರಿನ ಚಾಲನಾ ಪರವಾನಗಿ ಪಡೆಯಬೇಕಾದರೆ ವ್ಯಕ್ತಿಯೊಬ್ಬರು ಕನಿಷ್ಠ 20ರಿಂದ 30 ಗಂಟೆ ತರಬೇತಿ ಪಡೆಯಬೇಕು. ವೃತ್ತಿಪರರು, ಕಾರ್ಪೊರೇಟ್ ಸಂಸ್ಥೆಗಳು, ತನಿಖಾ ಸಂಸ್ಥೆಗಳು `ಪಿಎಎಲ್-ವಿ ಒನ್~ ಕುರಿತು ಹೆಚ್ಚು ಆಸಕ್ತಿ ತೋರಿವೆ ಎಂದು ಸಂಸ್ಥೆ ಹೇಳಿದೆ. <br /> <br /> <strong>ಟ್ರಾನ್ಸಿಷನ್</strong><br /> ಅಮೆೆರಿಕದ ಮೆಸಾಚ್ಯುಸೆಟ್ಸ್ನ ಟೆರ್ರಾಪ್ಯುಜಿಯಾ ಕಂಪನಿ ನಿರ್ಮಿಸಿರುವ `ಟ್ರಾನ್ಸಿಷನ್~ ಹಾರುವ ಕಾರು `ಪಿಎಎಲ್-ವಿ ಒನ್~ಗಿಂತ ಸಾಕಷ್ಟು ವಿಭಿನ್ನವಾಗಿದೆ. `ಟ್ರಾನ್ಸಿಷನ್~ ಸಂಪೂರ್ಣವಾಗಿ ವಿಮಾನವನ್ನೇ ಹೋಲುತ್ತದೆ. ಅದರ ಕಾರ್ಯನಿರ್ವಹಣೆ ಕೂಡ ವಿಮಾನದಂತೆಯೇ.<br /> <br /> ಕಳೆದವಾರ ನಡೆದ ಪ್ರಾಯೋಗಿಕವಾಗಿ ನಡೆದ ಪರೀಕ್ಷೆಯಲ್ಲಿ `ಟ್ರಾನ್ಸಿಷನ್~ ಕಾರು-ವಿಮಾನ ಮಾದರಿ, ಎಂಟು ನಿಮಿಷಗಳ ಕಾಲ ಆಗಸದಲ್ಲಿ ಹಾರಾಡಿ ಯಶಸ್ವಿಯಾಗಿ ಧರೆಗಿಳಿದಿದೆ.<br /> <br /> ನಾಲ್ಕು ಚಕ್ರಗಳನ್ನು ಹೊಂದಿರುವ ಎರಡು ಆಸನ ಸಾಮರ್ಥ್ಯದ `ಟ್ರಾನ್ಸಿಷನ್~ನ ಬೆಲೆ 2.79 ಲಕ್ಷ ಡಾಲರ್! (ಸುಮಾರು ರೂ 1,39,50,000 ). ಈಗಾಗಲೇ ಇಂತಹ 100 ಕಾರುಗಳಿಗೆ ಬೇಡಿಕೆ ಬಂದಿದೆ ಎಂದು ಟೆರ್ರಾಫ್ಯುಜಿಯಾ ಹೇಳಿದೆ. ಈ ಹಾರುವ ಕಾರನ್ನು ಮುಂದಿನ ವರ್ಷ ಮಾರುಕಟ್ಟೆಗೆ ಬಿಡುಗಡೆ ಮಾಡುವ ಯತ್ನ ಅದರದ್ದು.<br /> <br /> ಮಡಚುವ ರೆಕ್ಕೆಗಳನ್ನು ಹೊಂದಿರುವ `ಟ್ರಾನ್ಸಿಷನ್~ ಗೆ ಟೇಕ್ ಆಫ್ ಆಗಲು 2500 ಅಡಿ ಉದ್ದದ ರನ್ವೇ ಬೇಕು. ಹಾಗಾಗಿ ಈ ಕಾರು ಹಾರಾಟಕ್ಕೆ ವಿಮಾನ ನಿಲ್ದಾಣಗಳನ್ನೇ ಅವಲಂಬಿಸಬೇಕು. ಇಲ್ಲವೇ ಅದಕ್ಕಾಗಿ ಪ್ರತ್ಯೇಕವಾದ ರನ್ ವೇ ನಿರ್ಮಿಸಬೇಕು. `ಪಿಎಎಲ್-ವಿ ಒನ್~ಗೆ ಹೋಲಿಸಿದರೆ ಟ್ರಾನ್ಸಿಷನ್ನಿನ ಬಹುದೊಡ್ಡ ಮಿತಿ ಇದು.<br /> <br /> ಸಾಮಾನ್ಯ ಕಾರಿನ ಗಾತ್ರವನ್ನೇ ಟ್ರಾನ್ಸಿಷನ್ ಹೊಂದಿದೆ. ರೆಕ್ಕೆಗಳನ್ನು ಮಡಿಸಬಹುದಾದ್ದರಿಂದ ಸಾಮಾನ್ಯ ಕಾರನ್ನು ನಿಲ್ಲಿಸಬಹುದಾದ ಸ್ಥಳದಲ್ಲೇ ಇದನ್ನು ನಿಲುಗಡೆ ಮಾಡಬಹುದು.<br /> <br /> ಈ ಕಾರನ್ನು ಚಾಲನೆ ಮಾಡಬೇಕಾದರೆ ಕಾರಿನ ಮಾಲೀಕ, ಚಾಲನಾ ಪರವಾನಗಿ ಮತ್ತು ಪೈಲಟ್ ಪರವಾನಗಿಯನ್ನೂ ಪಡೆಯಬೇಕು. ಪೈಲಟ್ ಪರವಾನಗಿ ಪಡೆಯಬೇಕಾದರೆ ಕನಿಷ್ಠ 20 ಗಂಟೆಗಳ ಹಾರಾಟದ ಅನುಭವವೂ ಆತನಿಗಿರಬೇಕು.<br /> <br /> <strong>ಕ್ರಮಿಸಬೇಕು ದೂರ...</strong><br /> ಹಾರುವ ಕಾರುಗಳ ನಿರ್ಮಾಣದ ಯತ್ನಗಳನ್ನು ಹಲವು ಕಂಪನಿಗಳು ಮಾಡುತ್ತಲೇ ಬಂದಿವೆ. ಎಲ್ಲ ಕಂಪನಿಗಳೂ ಪ್ರಯೋಗದಲ್ಲೇ ನಿರತವಾಗಿವೆ. ಅವುಗಳಲ್ಲಿ ಯಶಸ್ವಿಯಾದವು ಬಹಳ ಕಡಿಮೆ. <br /> <br /> ಈಗ ಯಶಸ್ವಿಯಾಗಿರುವ ಎರಡು ಹಾರುವ ಕಾರಿನ ಯತ್ನಗಳು ಪ್ರಯೋಗಳಷ್ಟೇ. ವಾಣಿಜ್ಯ ಬಳಕೆಗೆ ಅವುಗಳನ್ನು ಬಳಸಬೇಕಾದರೆ ಇನ್ನೂ ಹೆಚ್ಚಿನ ಸಂಶೋಧನೆ ನಡೆಯಬೇಕು. ಅದಕ್ಕೆ ಹೆಚ್ಚಿನ ಬಂಡವಾಳವೂ ಬೇಕು. <br /> <br /> ಕನಿಷ್ಠ ಕೆಲವರ ಮನೆಯ ಅಂಗಳದಲ್ಲಿಯಾದರೂ ಹಾರುವ ಕಾರು ಬಂದು ನಿಲ್ಲಬೇಕಾದರೆ ಕೆಲವು ವರ್ಷಗಳು ಬೇಕಾಗಬಹುದು ಎಂಬುದು ತಜ್ಞರ ಅಂಬೋಣ.<br /> ಕೇವಲ ವಿಜ್ಞಾನದ ಕಾಲ್ಪನಿಕ ಕತೆಗಳಿಗೆ, ಹಾಲಿವುಡ್ ಚಿತ್ರಗಳಿಗೆ ಮೀಸಲಾಗಿದ್ದ ಹಾರುವ ಕಾರಿನ ಕಲ್ಪನೆ ವಾಸ್ತವ ಜಗತ್ತಿನಲ್ಲಿ ನಮ್ಮ ಕಣ್ಣ ಮುಂದೆ ನಿಜವಾಗುತ್ತಿದೆ ಎಂಬುದೇ ಕೌತುಕದ ವಿಷಯ.<br /> <br /> </p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>