ಹಾಸ್ಯ ಕಲಾವಿದ ಜಿಮ್ಮಿ ಗ್ವಾಟೆಮಾಲಾದ ಅಧ್ಯಕ್ಷ

ಗ್ವಾಟೆಮಾಲಾ, ಸೆಂಟ್ರಲ್ ಅಮೆರಿಕ (ಎಎಫ್‌ಪಿ): ಇಲ್ಲಿನ ಹಾಸ್ಯ ಕಲಾವಿದ ಜಿಮ್ಮಿ ಮೊರೆಲ್ಸ್‌ (46) ಗ್ವಾಟೆಮಾಲಾದ ನೂತನ ಅಧ್ಯಕ್ಷರಾಗಿ ಶುಕ್ರವಾರ ಅಧಿಕಾರ ಸ್ವೀಕರಿಸಿದ್ದಾರೆ.



ಕಳೆದ 15 ವರ್ಷಗಳಿಂದ ಜಿಮ್ಮಿ ಮೊರೆಲ್ಸ್ ಟಿವಿ ಷೋವೊಂದರಲ್ಲಿ ಹಾಸ್ಯ ಕಾರ್ಯಕ್ರಮ ನಡೆಸಿಕೊಡುತ್ತಿದ್ದು, ವೀಕ್ಷಕರ ಪ್ರೀತಿಗೆ ಪಾತ್ರರಾಗಿದ್ದಾರೆ.



2011ರ  ಪುರಸಭೆ ಚುನಾವಣೆಯಲ್ಲಿ ಸೋತಿದ್ದ ಜಿಮ್ಮಿ ಅವರಿಗೆ, ಕಳೆದ ಅಕ್ಟೋಬರ್‌ನಲ್ಲಿ ನಡೆದ ಚುನಾವಣೆಯಲ್ಲಿ ಅಧ್ಯಕ್ಷ ಗಾದಿ ಒಲಿದು ಬಂದಿತ್ತು.  ಹಿಂದಿನ ಅಧ್ಯಕ್ಷರ ವಿರುದ್ಧ ಭ್ರಷ್ಟಾಚಾರದ ಆರೋಪ ಕೇಳಿಬಂದಿತ್ತು.