ಬೆಂಗಳೂರು: ಹೊಸ ಬೊಲೆರೊ ಮ್ಯಾಕ್ಸ್ ಪಿಕಪ್ ಸರಣಿಯ ವಾಹನಗಳ ತಯಾರಿಕೆಯು 16 ತಿಂಗಳಿನಲ್ಲಿಯೇ 1 ಲಕ್ಷದ ಮೈಲಿಗಲ್ಲು ತಲುಪಿದೆ ಎಂದು ಮಹೀಂದ್ರ ಆ್ಯಂಡ್ ಮಹೀಂದ್ರ ಕಂಪನಿಯು ಹೇಳಿದೆ.
‘ಗ್ರಾಹಕರು ನಮ್ಮ ಮೇಲೆ ಇಟ್ಟಿರುವ ನಂಬಿಕೆ ಮತ್ತು ವಿಶ್ವಾಸವನ್ನು ಇದು ಸೂಚಿಸುತ್ತಿದೆ. ಆಧುನಿಕ ತಂತ್ರಜ್ಞಾನ ಹೊಂದಿರುವ, ಸಮರ್ಥವಾದ ಪಿಕಪ್ಗಳನ್ನು ನೀಡುವುದರತ್ತ ಹೆಚ್ಚಿನ ಗಮನ ಹರಿಸಲಾಗುವುದು ಎಂದು ಕಂಪನಿಯ ಆಟೊಮೊಟಿವ್ ವಿಭಾಗದ ಸಿಇಒ ನಳಿನಿಕಾಂತ ಗೊಲ್ಲಗುಂಟ ಹೇಳಿದ್ದಾರೆ.
