ಭಾನುವಾರ, ಅಕ್ಟೋಬರ್ 25, 2020
23 °C

20ನೇ ವರ್ಷದ ಸಂಭ್ರಮದಲ್ಲಿ ಮಾರುತಿ ಸುಜುಕಿ ಆಲ್ಟೊ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಮಾರುತಿ ಸುಜುಕಿ ಇಂಡಿಯಾದ ಆಲ್ಟೊ ಕಾರು 20ನೇ ವರ್ಷದ ಸಂಭ್ರಮಾಚರಣೆಯಲ್ಲಿದೆ. 20 ವರ್ಷಗಳ ಅವಧಿಯಲ್ಲಿ 40 ಲಕ್ಷಕ್ಕೂ ಅಧಿಕ ಆಲ್ಟೊ ಕಾರುಗಳು ಮಾರಾಟವಾಗಿವೆ. 2000ನೇ ಇಸವಿಯ ಸೆಪ್ಟೆಂಬರ್‌ನಲ್ಲಿ ಇದನ್ನು ಮಾರುಕಟ್ಟೆಗೆ ಬಿಡುಗಡೆ ಮಾಡಲಾಗಿತ್ತು.

ದೇಶದಲ್ಲಿ ಜನಪ್ರಿಯವಾಗಿರುವ ಈ ಸಣ್ಣ ಕಾರು ಹಲವು ಬಾರಿ ಬದಲಾವಣೆಗೆ ಮತ್ತು ಮೇಲ್ದರ್ಜೆಗೆ ಒಳಗಾಗಿದೆ. ಈ ಮೂಲಕ ಗ್ರಾಹಕರ ಅಗತ್ಯಗಳನ್ನು ಈಡೇರಿಸುವ, ಕಾಲಕ್ಕೆ ತಕ್ಕ ವಾಹನವಾಗಿ ಮುಂದುವರಿದಿದೆ ಎಂದು ಕಂಪನಿಯ ಪ್ರಕಟಣೆ ಹೇಳಿದೆ.

‘ಭಾರತದಲ್ಲಿ ಅತಿ ಹೆಚ್ಚು ಮಾರಾಟ ಕಂಡಿರುವ ಕಾರುಗಳ ಸಾಲಿನಲ್ಲಿ ಸತತ 16ನೇ ವರ್ಷವೂ ಮೊದಲ ಸ್ಥಾನ ಅಲಂಕರಿಸಿದೆ’ ಎಂದು ಕಂಪನಿಯ ಮಾರುಕಟ್ಟೆ ವಿಭಾಗದ ಕಾರ್ಯನಿರ್ವಾಹಕ ನಿರ್ದೇಶಕ ಶಶಾಂಕ್‌ ಶ್ರೀವಾಸ್ತವ ಹೇಳಿದ್ದಾರೆ.

ಮೊದಲ ಬಾರಿಗೆ ಕಾರು‌ ಖರೀದಿಸುವವರು ಆಲ್ಟೊವನ್ನು ಆಯ್ಕೆ ಮಾಡಿಕೊಳ್ಳುತ್ತಿದ್ದಾರೆ. 2019–20ರಲ್ಲಿ ಕಾರು ಖರೀದಿಸಲು ಬಯಸಿದವರ ಪೈಕಿ ಶೇಕಡ 76ರಷ್ಟು ಗ್ರಾಹಕರು ಆಲ್ಟೊ ಆಯ್ಕೆ ಮಾಡಿಕೊಂಡಿದ್ದಾರೆ ಎಂದು ಅವರು ಹೇಳಿದ್ದಾರೆ.

40ಕ್ಕೂ ಅಧಿಕ ದೇಶಗಳಿಗೆ ಆಲ್ಟೊ ರಫ್ತು ಮಾಡಲಾಗುತ್ತಿದೆ.

ಮಾರಾಟದ ಮೈಲಿಗಲ್ಲು

2000;ಮಾರುಕಟ್ಟೆಗೆ ಬಿಡುಗಡೆ

2008;10 ಲಕ್ಷ

2012;20 ಲಕ್ಷ

2016;30 ಲಕ್ಷ

2020;40 ಲಕ್ಷ

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು