<p><strong>ನವದೆಹಲಿ:</strong> ಡೀಸೆಲ್ ಎಂಜಿನ್ ಕಾರುಗಳ ತಯಾರಿಕೆಯನ್ನು ಮತ್ತೆ ಆರಂಭಿಸುವುದಿಲ್ಲ ಎಂದು ದೇಶದ ಪ್ರಮುಖ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಸ್ಪಷ್ಟಪಡಿಸಿದೆ.</p>.<p>2023ರ ವೇಳೆಗೆ ಮುಂದಿನ ಹಂತದ ಮಾಲಿನ್ಯ ನಿಯಮಗಳು ಜಾರಿಗೆ ಬರಲಿದ್ದು, ಡೀಸೆಲ್ ಕಾರುಗಳ ಮಾರಾಟ ಮತ್ತಷ್ಟು ಕಡಿಮೆಯಾಗಲಿದೆ ಎಂದು ಭಾವಿಸಿರುವುದಾಗಿ ಕಂಪನಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p><strong>ಓದಿ:</strong><a href="https://www.prajavani.net/automobile/vehicle-world/maruti-suzuki-aims-to-drive-in-more-cng-trims-across-its-product-range-883805.html" itemprop="url">ಎಲ್ಲಾ ಕಾರುಗಳಲ್ಲಿಯೂ ಸಿಎನ್ಜಿ ಆಯ್ಕೆ: ಮಾರುತಿ ಇಂಗಿತ</a></p>.<p>ಮುಂದಿನ ಹಂತದ ಮಾಲಿನ್ಯ ನಿಯಮಗಳಿಂದಾಗಿ ಡೀಸೆಲ್ ವಾಹನಗಳ ಬೆಲೆ ಏರಿಕೆಯಾಗಲಿದೆ. ಇದು ಮಾರಾಟದ ಮೇಲೂ ಪರಿಣಾಮ ಬೀರಲಿದೆ. ಕಳೆದ ಕೆಲವು ವರ್ಷಗಳಿಂದ ಆಟೊಮೊಬೈಲ್ ಮಾರುಕಟ್ಟೆಯು ಪೆಟ್ರೋಲ್ ಕಾರುಗಳತ್ತ ವಾಲುತ್ತಾ ಬಂದಿದೆ ಎಂದು ಕಂಪನಿ ಅಭಿಪ್ರಾಯಪಟ್ಟಿದೆ.</p>.<p>‘ನಾವು ಡೀಸೆಲ್ ಕಾರು ತಯಾರಿಸುವತ್ತ ಮುಖಮಾಡುತ್ತಿಲ್ಲ. ಡೀಸೆಲ್ ಕಾರುಗಳ ಕುರಿತು ಅಧ್ಯಯನ ನಡೆಸಿ ಗ್ರಾಹಕರ ಬೇಡಿಕೆ ಇದ್ದರೆ ಆ ಬಗ್ಗೆ ಚಿಂತನೆ ನಡೆಸುತ್ತೇವೆ ಎಂದಷ್ಟೇ ಈ ಹಿಂದೆ ಹೇಳಿದ್ದೆವು. ಆದರೆ, ಸದ್ಯದ ಪರಿಸ್ಥಿತಿಯಲ್ಲಿ ಡೀಸೆಲ್ ಕಾರು ತಯಾರಿಸಲು ಮುಂದಾಗುವುದಿಲ್ಲ. ಇದಕ್ಕೆ ಮುಂದಿನ ಹಂತದ ಮಾಲಿನ್ಯ ನಿಯಮಗಳೇ ಮುಖ್ಯ ಕಾರಣ’ ಎಂದು ಮಾರುತಿ ಸುಜುಕಿಯ ಮುಖ್ಯ ತಾಂತ್ರಿಕ ಅಧಿಕಾರಿ ಸಿ.ವಿ.ರಾಮನ್ ‘ಪಿಟಿಐ’ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<p><strong>ಓದಿ:</strong><a href="https://www.prajavani.net/automobile/new-vehicle/maruti-suzuki-drives-in-all-new-celerio-at-rs-4-lakh-99-thousand-lakh-882557.html" itemprop="url">ಹೊಸ ಸೆಲೆರಿಯೊ ಬೆಲೆ ₹4.99 ಲಕ್ಷದಿಂದ ಆರಂಭ </a></p>.<p>2020ರ ಏಪ್ರಿಲ್ 1ರಿಂದ ಮಾರುತಿ ಸುಜುಕಿಯು ಡೀಸೆಲ್ ಕಾರುಗಳ ಉತ್ಪಾದನೆ ಸ್ಥಗಿತಗೊಳಿಸಿತ್ತು. ಇದಾಗಿ ಹಲವು ತಿಂಗಳುಗಳ ಬಳಿಕ, ಮಾರುತಿ ಸುಜುಕಿಯು ಮತ್ತೆ ಡೀಸೆಲ್ ಕಾರುಗಳ ಉತ್ಪಾದನೆ ಆರಂಭಿಸಲಿದೆ ಎಂಬ ಊಹಾಪೋಹಗಳು ಕೇಳಿಬಂದಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ:</strong> ಡೀಸೆಲ್ ಎಂಜಿನ್ ಕಾರುಗಳ ತಯಾರಿಕೆಯನ್ನು ಮತ್ತೆ ಆರಂಭಿಸುವುದಿಲ್ಲ ಎಂದು ದೇಶದ ಪ್ರಮುಖ ಕಾರು ತಯಾರಿಕಾ ಕಂಪನಿ ಮಾರುತಿ ಸುಜುಕಿ ಸ್ಪಷ್ಟಪಡಿಸಿದೆ.</p>.<p>2023ರ ವೇಳೆಗೆ ಮುಂದಿನ ಹಂತದ ಮಾಲಿನ್ಯ ನಿಯಮಗಳು ಜಾರಿಗೆ ಬರಲಿದ್ದು, ಡೀಸೆಲ್ ಕಾರುಗಳ ಮಾರಾಟ ಮತ್ತಷ್ಟು ಕಡಿಮೆಯಾಗಲಿದೆ ಎಂದು ಭಾವಿಸಿರುವುದಾಗಿ ಕಂಪನಿಯ ಹಿರಿಯ ಅಧಿಕಾರಿಯೊಬ್ಬರು ತಿಳಿಸಿದ್ದಾರೆ.</p>.<p><strong>ಓದಿ:</strong><a href="https://www.prajavani.net/automobile/vehicle-world/maruti-suzuki-aims-to-drive-in-more-cng-trims-across-its-product-range-883805.html" itemprop="url">ಎಲ್ಲಾ ಕಾರುಗಳಲ್ಲಿಯೂ ಸಿಎನ್ಜಿ ಆಯ್ಕೆ: ಮಾರುತಿ ಇಂಗಿತ</a></p>.<p>ಮುಂದಿನ ಹಂತದ ಮಾಲಿನ್ಯ ನಿಯಮಗಳಿಂದಾಗಿ ಡೀಸೆಲ್ ವಾಹನಗಳ ಬೆಲೆ ಏರಿಕೆಯಾಗಲಿದೆ. ಇದು ಮಾರಾಟದ ಮೇಲೂ ಪರಿಣಾಮ ಬೀರಲಿದೆ. ಕಳೆದ ಕೆಲವು ವರ್ಷಗಳಿಂದ ಆಟೊಮೊಬೈಲ್ ಮಾರುಕಟ್ಟೆಯು ಪೆಟ್ರೋಲ್ ಕಾರುಗಳತ್ತ ವಾಲುತ್ತಾ ಬಂದಿದೆ ಎಂದು ಕಂಪನಿ ಅಭಿಪ್ರಾಯಪಟ್ಟಿದೆ.</p>.<p>‘ನಾವು ಡೀಸೆಲ್ ಕಾರು ತಯಾರಿಸುವತ್ತ ಮುಖಮಾಡುತ್ತಿಲ್ಲ. ಡೀಸೆಲ್ ಕಾರುಗಳ ಕುರಿತು ಅಧ್ಯಯನ ನಡೆಸಿ ಗ್ರಾಹಕರ ಬೇಡಿಕೆ ಇದ್ದರೆ ಆ ಬಗ್ಗೆ ಚಿಂತನೆ ನಡೆಸುತ್ತೇವೆ ಎಂದಷ್ಟೇ ಈ ಹಿಂದೆ ಹೇಳಿದ್ದೆವು. ಆದರೆ, ಸದ್ಯದ ಪರಿಸ್ಥಿತಿಯಲ್ಲಿ ಡೀಸೆಲ್ ಕಾರು ತಯಾರಿಸಲು ಮುಂದಾಗುವುದಿಲ್ಲ. ಇದಕ್ಕೆ ಮುಂದಿನ ಹಂತದ ಮಾಲಿನ್ಯ ನಿಯಮಗಳೇ ಮುಖ್ಯ ಕಾರಣ’ ಎಂದು ಮಾರುತಿ ಸುಜುಕಿಯ ಮುಖ್ಯ ತಾಂತ್ರಿಕ ಅಧಿಕಾರಿ ಸಿ.ವಿ.ರಾಮನ್ ‘ಪಿಟಿಐ’ ಸುದ್ದಿಸಂಸ್ಥೆಗೆ ತಿಳಿಸಿದ್ದಾರೆ.</p>.<p><strong>ಓದಿ:</strong><a href="https://www.prajavani.net/automobile/new-vehicle/maruti-suzuki-drives-in-all-new-celerio-at-rs-4-lakh-99-thousand-lakh-882557.html" itemprop="url">ಹೊಸ ಸೆಲೆರಿಯೊ ಬೆಲೆ ₹4.99 ಲಕ್ಷದಿಂದ ಆರಂಭ </a></p>.<p>2020ರ ಏಪ್ರಿಲ್ 1ರಿಂದ ಮಾರುತಿ ಸುಜುಕಿಯು ಡೀಸೆಲ್ ಕಾರುಗಳ ಉತ್ಪಾದನೆ ಸ್ಥಗಿತಗೊಳಿಸಿತ್ತು. ಇದಾಗಿ ಹಲವು ತಿಂಗಳುಗಳ ಬಳಿಕ, ಮಾರುತಿ ಸುಜುಕಿಯು ಮತ್ತೆ ಡೀಸೆಲ್ ಕಾರುಗಳ ಉತ್ಪಾದನೆ ಆರಂಭಿಸಲಿದೆ ಎಂಬ ಊಹಾಪೋಹಗಳು ಕೇಳಿಬಂದಿದ್ದವು.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
