ಚರ್ಮ, ಕೂದಲು ಸದೃಢವಾಗಲು 7 ದಿನಗಳ ಆಹಾರ ಯೋಜನೆ ಹೀಗಿರಲಿ

ಸುಂದರ ಚರ್ಮ ಮತ್ತು ಸದೃಢ ಕೂದಲು ಕೇವಲ ಕ್ರೀಮ್ಗಳಿಂದ ಅಲ್ಲ ದೇಹದ ಒಳಗಿನ ಪೋಷಣೆಯಿಂದ ಬರುತ್ತವೆ. ಆಯುರ್ವೇದದಲ್ಲಿ ‘ಒಳಗಿನ ಸಮತೋಲನವೇ ಹೊರಗಿನ ಸೌಂದರ್ಯ’ ಎಂಬ ಮಾತಿದೆ. ಆದ್ದರಿಂದ ಪ್ರತಿದಿನದ ಆಹಾರವೇ ನಮಗೆ ಮುಖ್ಯ ಚಿಕಿತ್ಸೆ.

.ಮಂಡ್ಯ: ಕೂದಲು ವ್ಯಾಪಾರಿಗಳಿಂದ ದೇಗುಲಕ್ಕೆ ಕನ್ನ.ಮಹಾ ಶಿವರಾತ್ರಿ ಹಬ್ಬದ ವಿಶೇಷ: ಹೀಗಿರಲಿ ಭಕ್ತರ ಲಘು ಉಪವಾಸದ ಉಪಾಹಾರ. ಮುಖ್ಯ ಆಹಾರ ನಿಯಮಗಳು

ರಕ್ತ ಶುದ್ಧೀಕರಣಕ್ಕೆ: ಬೀಟ್ರೂಟ್, ಕ್ಯಾರೆಟ್, ದಾಳಿಂಬೆ, ಪಾಲಕ್ ಇವುಗಳು ಮುಖದ ಕಾಂತಿ ಹೆಚ್ಚಿಸಿ ಮೊಡವೆ ಕಡಿಮೆ ಮಾಡುತ್ತವೆ.

ಕೂದಲಿನ ಬಲಕ್ಕೆ: ಕಪ್ಪು ಎಳ್ಳು, ಕಡಲೆಕಾಯಿ, ಬಾದಾಮಿ, ಅಕ್ರೋಟ್, ಹಾಲು, ತುಪ್ಪ, ಮೊಟ್ಟೆ ತಿನ್ನುವವರಿಗೆ ಸದೃಢ ಕೂದಲು ಬರುತ್ತವೆ.

ಇವುಗಳನ್ನು ತಪ್ಪಿಸಿ: ಜಂಕ್ ಫುಡ್, ಹೆಚ್ಚು ಖಾರ, ಎಣ್ಣೆ, ಅತಿ ಉಪ್ಪು, ತಡರಾತ್ರಿ ಊಟ ಇವುಗಳು ಕೂದಲು ಉದುರುವಿಕೆಗೆ ಕಾರಣವಾಗುತ್ತವೆ.

ವಾರದ ಪೌಷ್ಟಿಕ ಯೋಜನೆ ಹೀಗಿರಲಿ

ಸೋಮವಾರ: ಹಸಿರು ಸೊಪ್ಪು, 15 ಬಾದಾಮಿ ಮತ್ತು 2 ಮೊಟ್ಟೆ ಸೇವಿಸಿ.

ಮಂಗಳವಾರ: ನೆಲ್ಲಿಕಾಯಿ ಜ್ಯೂಸ್, 100 ಗ್ರಾಮ್ ಪನೀರ್, ಚಪಾತಿ, ತರಕಾರಿ ಪಲ್ಯ ಇವುಗಳು ಯೌವನ, ರೋಗನಿರೋಧಕ ಶಕ್ತಿಯನ್ನು ಹೆಚ್ಚುಸುತ್ತವೆ.

ಬುಧವಾರ: ಹೆಸರು ಕಾಳು ಸೂಪ್, ಪಲಾವ್, 1 ಗ್ಲಾಸ್ ಮಜ್ಜಿಗೆ, ಬಾದಾಮಿ, 2 ಅಕ್ರೋಟ್ (ಒಮೆಗಾ-3 → ಹೊಳಪು ಚರ್ಮ) ತಿನ್ನಿ.

ಗುರುವಾರ: ಅಕ್ಕಿ ಪಾಯಸ, 10 ಎಂಎಲ್ ತುಪ್ಪ, ತರಕಾರಿ ಪಲ್ಯ, ಚಪಾತಿ ಸೇವಿಸಿ.

ಶುಕ್ರವಾರ: 2 ಮೊಟ್ಟೆ, ಅನ್ನ, ತರಕಾರಿ ಸಾಂಬಾರ್, ಕ್ಯಾರೆಟ್-ಬೀಟ್ರೂಟ್ ರಸ ಇದು ರಕ್ತ ಶುದ್ಧೀಕರಣಕ್ಕೆ ಸಹಾಯಕಾರಿಯಾಗುತ್ತದೆ.

ಶನಿವಾರ: ಅಕ್ಕಿ ರೊಟ್ಟಿ, ಬೆಂಡೆಕಾಯಿ ಪಲ್ಯ, 2 ಮೊಟ್ಟೆ ಜೊತೆಗೆ ಪ್ರತಿಯೊಂದು ಊಟದಲ್ಲಿ 1 ಚಮಚ ತುಪ್ಪ ಸೇವಿಸಿ.

ಭಾನುವಾರ: ಹೆಸರುಬೇಳೆ ಕಿಚಡಿ/ತರಕಾರಿ ಸೂಪ್, ರಾತ್ರಿ ಮಲಗುವ ಮುನ್ನ ತ್ರಿಫಲ ಕಷಾಯ ಸೇವಿಸಿ. ಈ ತ್ರಿಫಲ ಹರಿತಕಿ (ಅಳಲೆಕಾಯಿ), ವಿಭೀತಕಿ (ತಾರೆಕಾಯಿ), ಮತ್ತು ಅಮಲಕಿ (ನೆಲ್ಲಿಕಾಯಿ) ಎಂಬ ಮೂರು ಒಣಗಿದ ಹಣ್ಣುಗಳ ಮಿಶ್ರಣವಾಗಿದೆ.

. ನಿಮ್ಮ ಚರ್ಮ ಮತ್ತು ಕೂದಲು ಆರೋಗ್ಯ ಹೆಚ್ಚಿಸಲು ಇಲ್ಲಿವೆ ಕೆಲವು ಸೂತ್ರಗಳು

ಬಿಸಿ ನೀರು: ಸೂರ್ಯೋದಯಕ್ಕೂ ಮುನ್ನ ಎದ್ದು 1 ಗ್ಲಾಸ್ ಬಿಸಿ ನೀರು ಕುಡಿದರೆ ದೇಹದ ವಿಷಕಾರಿ ಅಂಶಗಳು ಹೊರಹೋಗುತ್ತವೆ.

ವ್ಯಾಯಾಮ: ಪ್ರತಿ ದಿನ ವ್ಯಾಯಾಮ ಮಾಡಿದರೆ, ದೇಹ ಸದೃಢವಾಗುತ್ತದೆ. ಇದರಿಂದ ಚರ್ಮದ ಕಾಂತಿಯೂ ಹೆಚ್ಚುತ್ತದೆ.

ನಿದ್ರೆ: ರಾತ್ರಿ 10 ಗಂಟೆಗೆ ಮಲಗಿ. 6 ರಿಂದ 7 ಗಂಟೆಗಳ ಕಾಲ ನಿದ್ದೆ ಮಾಡಿ ಇದರಿಂದ ಚರ್ಮ, ವೇಗವಾಗಿ ಕೂದಲು ಬೆಳೆಯುತ್ತದೆ.

ತುಪ್ಪ: ಹಾಲಿನ ಜೊತೆ ತುಪ್ಪ ಮಿಶ್ರಣ ಮಾಡಿ ಹಚ್ಚುವುದರಿಂದ ಚರ್ಮಕ್ಕೆ ಬೇಕಾದ ಬಹುತೇಕ ವಿಟಮಿನ್ಸ್ ಮತ್ತು ಖನಿಜಗಳನ್ನು ಪೂರೈಸಬಹುದು.

ಅಭ್ಯಂಗ: ಪ್ರತಿದಿನ ತಲೆಗೆ ಮತ್ತು ಮೈಗೆ ಎಣ್ಣೆ ಹಚ್ಚಿ ಸ್ನಾನ ಮಾಡುವುದರಿಂದ ದೇಹದ ಕಾಂತಿ ಕ್ರಮೇಣವಾಗಿ ಹೆಚ್ಚುತ್ತಾ ಬರುತ್ತದೆ.

ಮನಸ್ಸು: ದೇಹದ ಜೊತೆ ಮನಸ್ಸು ಉಲ್ಲಾಸಭರಿತವಾಗಿದ್ದರೆ ಆರೋಗ್ಯವೂ ಉತ್ತಮವಾಗಿರುತ್ತದೆ. ಪ್ರತಿದಿನ ಬೆಳಿಗ್ಗೆ ಎದ್ದ ತಕ್ಷಣ 10 ನಿಮಿಷ ಧ್ಯಾನ ಮಾಡುವ ಅಭ್ಯಾಸ ಬೆಳೆಸಿಕೊಳ್ಳಿ.

ಈ ಮೇಲಿನ ಸರಳ ಅಭ್ಯಾಸಗಳನ್ನು ಅನುಸರಿಸಿದರೆ ಯಾವುದೇ ಅಡ್ಡಪರಿಣಾಮವಿಲ್ಲದೆ ಆರೋಗ್ಯಕರ ಚರ್ಮ ಮತ್ತು ದಟ್ಟ ಕೂದಲು ಪಡೆಯಬಹುದು.

. (ಲೇಖಕರು: ಡಾ.ಶಮೀಮ್ ಬಾನು ನಬೀಸಾಬ್, ಸಹಾಯಕ ಪ್ರಾಧ್ಯಾಪಕರು ಪಂಚಕರ್ಮ ವಿಭಾಗ, ಎಸ್ಡಿಎಂ ಆಯುರ್ವೇದ ಕಾಲೇಜು ಮತ್ತು ಆಸ್ಪತ್ರೆ, ಹಾಸನ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಚರ್ಮ, ಕೂದಲು ಸದೃಢವಾಗಲು 7 ದಿನಗಳ ಆಹಾರ ಯೋಜನೆ ಹೀಗಿರಲಿ

ಚಿನಕುರುಳಿ: 2026ರ ಫೆಬ್ರುವರಿ 7, ಶನಿವಾರ

ಚಿನಕುರುಳಿ: 2026ರ ಫೆಬ್ರುವರಿ 6, ಶುಕ್ರವಾರ

ಯತೀಂದ್ರ ನಮ್ಮ ಹೈಕಮಾಂಡ್, ಅವರು ಹೇಳಿದ ಮೇಲೆ ಇನ್ನೇನಿದೆ: ಡಿಕೆಶಿ

ಗುಂಡಣ್ಣ: 2026ರ ಫೆಬ್ರುವರಿ 7, ಶನಿವಾರ

T20 World Cup 2026: ಮೊದಲ ಪಂದ್ಯದಲ್ಲಿ ಬೂಮ್ರಾ ಕಣಕ್ಕಿಳಿಯುವುದು ಅನುಮಾನ

World Cup: ಚುಟುಕು ವಿಶ್ವಕಪ್‌ಗೆ ಚಾಲನೆ; ಚಿತ್ರಮಂದಿರದಲ್ಲಿ ಕ್ರಿಕೆಟ್ ನೋಡಬಹುದು

T20 World Cup: ಆಟಗಾರರಿಗೆ ಭಾರತದ ಬೇರು

ಆಳ–ಅಗಲ: ಟಿ20 ಕ್ರಿಕೆಟ್ ಶಕ್ತಿಕೇಂದ್ರ

ಒಳನೋಟ | ಕುಸಿದ ಬೆಲೆ: ರಬ್ಬರ್‌ ಉಳಿಯುವುದೇ?

ಒಳನೋಟ: ಪ್ರತಿಜೀವಕಗಳೇ ಜೀವಕ್ಕೆ ಕುತ್ತು?

ಒಳನೋಟ: ಕಾಡು ಕಾಯುವವರ ವ್ಯಥೆ

ಒಳನೋಟ: ಪಶ್ಚಿಮಘಟ್ಟಕ್ಕೆ ಅಭಿವೃದ್ಧಿಯ ಕುತ್ತು

ಚಿನಕುರುಳಿ: 2026ರ ಫೆಬ್ರುವರಿ 7, ಶನಿವಾರ

ಚಿನಕುರುಳಿ: 2026ರ ಫೆಬ್ರುವರಿ 6, ಶುಕ್ರವಾರ

ಯತೀಂದ್ರ ನಮ್ಮ ಹೈಕಮಾಂಡ್, ಅವರು ಹೇಳಿದ ಮೇಲೆ ಇನ್ನೇನಿದೆ: ಡಿಕೆಶಿ

ಗುಂಡಣ್ಣ: 2026ರ ಫೆಬ್ರುವರಿ 7, ಶನಿವಾರ