ಬ್ಲಾಕ್ಚೈನ್ ತಂತ್ರಜ್ಞಾನವನ್ನು ಬಳಸಿ ಕೆಲಸ ನಿರ್ವಹಿಸುವ ಈ ನಿಯಮವು, ಅನಗತ್ಯ ಹಾಗೂ ವಂಚನೆಯ ಉದ್ದೇಶದ ಎಸ್ಎಂಎಸ್ಗಳನ್ನು ನಿಗ್ರಹಿಸುವ ಗುರಿ ಹೊಂದಿದೆ. ವಾಣಿಜ್ಯ ಉದ್ದೇಶದ ಎಸ್ಎಂಎಸ್ ರವಾನಿಸುವ ಕಂಪನಿಗಳು ತಮ್ಮ ಸಂದೇಶದ ಸ್ವರೂಪ ಹೇಗಿರುತ್ತದೆ ಎಂಬುದನ್ನು ದೂರಸಂಪರ್ಕ ಸೇವಾ ಕಂಪನಿಗಳಲ್ಲಿ ನೋಂದಾಯಿಸಬೇಕು ಎಂದು ನಿಯಮ ಹೇಳುತ್ತದೆ. ಇಂತಹ ಕಂಪನಿಗಳು ಒಟಿಪಿ ಅಥವಾ ಎಸ್ಎಂಎಸ್ ರವಾನಿಸಿದಾಗ, ಅದನ್ನು ಅವರು ಅದಾಗಲೇ ನೋಂದಾಯಿಸಿರುವ ಎಸ್ಎಂಎಸ್ ಸ್ವರೂಪದ ಜೊತೆ ತಾಳೆ ಮಾಡಿ ನೋಡಲಾಗುತ್ತದೆ.