ಬಿಒಬಿ: ಎರಡು ಹೊಸ ಉಳಿತಾಯ ಯೋಜನೆ

‘ಬರೋಡಾ ಮಹಿಳಾ ಶಕ್ತಿ ಉಳಿತಾಯ ಖಾತೆ’ ಮತ್ತು ‘ಬರೋಡಾ ಹಿರಿಯ ನಾಗರಿಕರ ಉಳಿತಾಯ ಖಾತೆ’ಗಳಿಗೆ, ಬ್ಯಾಂಕ್‌ನ ಸಿಇಒ ಪಿ. ಎಸ್‌. ಜಯಕುಮಾರ್‌ ಅವರು ಚಾಲನೆ ನೀಡಿದ್ದಾರೆ. ಈ ಉಳಿತಾಯ ಖಾತೆ ಆರಂಭಿಸುವವರಿಗೆ ಲಾಕರ್‌ ಬಾಡಿಗೆಯಲ್ಲಿ ರಿಯಾಯ್ತಿ, ಸಾಲ ಮಂಜೂರಾತಿ ಶುಲ್ಕ ವಿನಾಯ್ತಿ ಮತ್ತು ಪ್ರೀಮಿಯಂ ಡೆಬಿಟ್‌ ಕಾರ್ಡ್‌ ನೀಡಲಾಗುವುದು.

ಬರೋಡಾ ಸಮೃದ್ಧಿ ಠೇವಣಿ ಯೋಜನೆಯನ್ನೂ ಬ್ಯಾಂಕ್‌ ಪರಿಚಯಿಸಿದೆ. 444 ದಿನಗಳ ಠೇವಣಿಗೆ ಶೇ 7.15ರಷ್ಟು ಬಡ್ಡಿ ನೀಡಲಾಗುವುದು. ಹಿರಿಯ ನಾಗರಿಕರಿಗೆ ಹೆಚ್ಚುವರಿಯಾಗಿ ಶೇ 0.50ರಷ್ಟು ಬಡ್ಡಿ ನೀಡಲಾಗುವುದು.