ಮುಂಬೈ: ಆರ್ಥಿಕ ಸ್ಥಿತಿ ಹದಗೆಟ್ಟ, ಠೇವಣಿ ಹಿಂದಿರುಗಿಸಲೂ ಸಾಧ್ಯವಿಲ್ಲದ ಪರಿಸ್ಥಿತಿಗೆ ತಲುಪಿರುವ ಮುಂಬೈನ ಸಿಕೆಪಿ ಕೊ–ಆಪರೇಟಿವ್‌ ಬ್ಯಾಂಕ್‌ನ ಲೈಸನ್ಸ್‌ ಅನ್ನು ಆರ್‌ಬಿಐ ರದ್ದುಮಾಡಿದೆ.
ಕನಿಷ್ಠ ಬಂಡವಾಳ ಪ್ರಮಾಣ ಶೇ 9ರಷ್ಟನ್ನು ಕಾಯ್ದುಕೊಳ್ಳುವಲ್ಲಿ ಬ್ಯಾಂಕ್‌ ವಿಫಲವಾಗಿದ್ದು, ಏಪ್ರಿಲ್ 30ರಿಂದ ಅನ್ವಯಿಸುವಂತೆ ಲೈಸೆನ್ಸ್‌ ರದ್ದುಪಡಿಸಲಾಗಿದೆ ಎಂದು ಆರ್‌ಬಿಐ ತಿಳಿಸಿದೆ.
ಇದರಿಂದಾಗಿ ಠೇವಣಿ ಸ್ವೀಕರಿಸುವುದು, ನೀಡುವುದನ್ನೂ ಒಳಗೊಂಡಂತೆ ಯಾವುದೇ ರೀತಿಯ ಬ್ಯಾಂಕಿಂಗ್‌ ವಹಿವಾಟುಗಳನ್ನು ನಡೆಸುವಂತಿಲ್ಲ. ಠೇವಣಿದಾರರ ಹಣ ಮರಳಿಸುವ ಪ್ರಕ್ರಿಯೆ ಆರಂಭಿಸಬೇಕಾಗಿದೆ ಎಂದೂ ತಿಳಿಸಿದೆ.
