ಜೆಟ್ ಏರ್ವೇಸ್ ಕಂಪನಿಯಲ್ಲಿ ಆಸಕ್ತಿ ವ್ಯಕ್ತಪಡಿಸಿ ಎರಡು ಒಕ್ಕೂಟಗಳು ಬಿಡ್ ಸಲ್ಲಿಸಿದ್ದವು. ಕಲ್ರಾಕ್ ಕ್ಯಾಪಿಟಲ್ ಮತ್ತು ಮುರಾರಿ ಲಾಲ್ ಜಲನ್ ಅವರ ಒಕ್ಕೂಟ ಅವುಗಳಲ್ಲಿ ಒಂದು. ಹರಿಯಾಣ ಮೂಲದ ಫ್ಲೈಟ್ ಸಿಮ್ಯುಲೇಷನ್ ಟೆಕ್ನಿಕ್ ಸೆಂಟರ್, ಮುಂಬೈನ ಬಿಗ್ ಚಾರ್ಟರ್ ಮತ್ತು ಅಬುಧಾಬಿಯ ಇಂಪೀರಿಯಲ್ ಕ್ಯಾಪಿಟಲ್ ಇನ್ವೆಸ್ಟ್ಮೆಂಟ್ಸ್ನ ಒಕ್ಕೂಟ ಇನ್ನೊಂದು. ಜೆಟ್ ಏರ್ವೇಸ್ ಕಂಪನಿಯು 2019ರ ಏಪ್ರಿಲ್ನಿಂದ ಎಲ್ಲ ಬಗೆಯ ಕಾರ್ಯಾಚರಣೆಗಳನ್ನು ಸ್ಥಗಿತಗೊಳಿಸಿದೆ.
