ಬೆಂಗಳೂರು: ‘ಕೊರೊನಾ–2’ ವೈರಸ್ನಿಂದ ಬರಲಿರುವ ಕಾಯಿಲೆಯ ವೈದ್ಯಕೀಯ ಚಿಕಿತ್ಸೆಗೆ ತನ್ನ ಸಮಗ್ರ ಆರೋಗ್ಯ ವಿಮೆ ಯೋಜನೆಯಡಿ ಪರಿಹಾರ ಸೌಲಭ್ಯ ಲಭ್ಯ ಇರುವುದಾಗಿ ಮಣಿಪಾಲ್ಸಿಗ್ನಾ ಹೆಲ್ತ್ ಇನ್ಶುರೆನ್ಸ್ ತಿಳಿಸಿದೆ.
‘ಕೊರೊನಾ–2 ವೈರಸ್ನಿಂದ ಬರುವ ‘ಕೋವಿಡ್–19’ ಕಾಯಿಲೆಯ ಚಿಕಿತ್ಸಾ ವೆಚ್ಚಕ್ಕೆ ಸಂಬಂಧಿಸಿದ ವಿಮೆ ಪರಿಹಾರ ಮನವಿಗಳನ್ನು ತ್ವರಿತವಾಗಿ ಪರಿಗಣಿಸಿ ಪರಿಹಾರ ವಿತರಿಸಲಾಗುವುದು. ನಮ್ಮ ಗ್ರಾಹಕರ ಸೇವೆ ಮತ್ತು ಸುರಕ್ಷತೆಗೆ ಮೊದಲ ಆದ್ಯತೆ ನೀಡಲಾಗುವುದು’ ಎಂದು ಕಂಪನಿಯ ಸಿಇಒ ಪ್ರಸುನ್ ಸಿಕ್ದರ್ ಹೇಳಿದ್ದಾರೆ.