ಶನಿವಾರ, ಜೂನ್ 19, 2021
23 °C

ರಕ್ಷಣಾ ಸಾಮಗ್ರಿ ರಫ್ತಿಗೆ ಉತ್ತೇಜನ

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಭಾರತದಲ್ಲೇ ತಯಾರಾದ ರಕ್ಷಣಾ ಉಪಕರಣಗಳು ಹಾಗೂ ಶಸ್ತ್ರಾಸ್ತ್ರಗಳ ರಫ್ತಿಗೆ ಉತ್ತೇಜನ ನೀಡಲು ಕೇಂದ್ರ ಸರ್ಕಾರವು ಯೋಜನೆ ರೂಪಿಸಿದ್ದು, ಅದಕ್ಕೆ ರಾಜತಾಂತ್ರಿಕ ಮಾರ್ಗಗಳನ್ನೂ ಬಳಸಿಕೊಳ್ಳಲಾಗುವುದು ಎಂದು ರಕ್ಷಣಾ ಸಚಿವಾಲಯದ ಅಧಿಕಾರಿಯೊಬ್ಬರು ತಿಳಿಸಿದರು.

ದೇಶಿ ರಕ್ಷಣಾ ಉಪಕರಣ ಉದ್ಯಮವನ್ನು ಪ್ರೋತ್ಸಾಹಿಸುವ ಉದ್ದೇಶದಿಂದ ರಕ್ಷಣಾ ಸಚಿವ ರಾಜನಾಥ್ ಸಿಂಗ್ ಅವರು ಈಚೆಗೆ ಪ್ರಮುಖ ನೀತಿಯೊಂದನ್ನು ಪ್ರಕಟಿಸಿದ್ದರು. ಇದರ ಅನ್ವಯ, ಒಟ್ಟು 101 ಬಗೆಯ ರಕ್ಷಣಾ ಉಪಕರಣಗಳು ಹಾಗೂ ಶಸ್ತ್ರಾಸ್ತ್ರಗಳ ಆಮದನ್ನು ಹಂತ ಹಂತವಾಗಿ ನಿಷೇಧಿಸಲಾಗುತ್ತದೆ.

‘ಭಾರತದ ಜೊತೆ ಸ್ನೇಹದಿಂದ ಇರುವ ರಾಷ್ಟ್ರಗಳ ಪ್ರತಿನಿಧಿಗಳ ಜೊತೆ ದೇಶಿ ರಕ್ಷಣಾ ಉ‍ಪಕರಣ ಉದ್ಯಮದ ಪ್ರತಿನಿಧಿಗಳು ವೆಬ್ ಮಾಧ್ಯಮದ ಮೂಲಕವೇ ಮಾತುಕತೆ ನಡೆಸಲಿದ್ದಾರೆ. ಆ ದೇಶಗಳಿಗೆ ಯಾವ ಬಗೆಯ ಉತ್ಪನ್ನಗಳು, ಉಪಕರಣಗಳ ಅಗತ್ಯ ಇದೆ ಎಂಬುದನ್ನು ಅರಿಯಲಿದ್ದಾರೆ’ ಎಂದು ರಕ್ಷಣಾ ಉುತ್ಪಾದನೆ ಇಲಾಖೆಯ ಕಾರ್ಯದರ್ಶಿ ರಾಜ್‌ ಕುಮಾರ್ ಅವರು ವೆಬಿನಾರ್‌ ಒಂದರಲ್ಲಿ ಹೇಳಿದರು.

‘ಭಾರತದ ಮಿತ್ರರಾಷ್ಟ್ರಗಳಿಗೆ ಅಗತ್ಯವಿರಬಹುದಾದ ಉತ್ಪನ್ನಗಳ ಪಟ್ಟಿಯನ್ನು ನಾವು ಸಿದ್ಧಪಡಿಸುತ್ತಿದ್ದೇವೆ. ಹಾಗಾಗಿ, ಈ ಉದ್ಯಮದ ನೇತೃತ್ವದಲ್ಲಿಯೇ ವೆಬ್ ಮಾಧ್ಯಮದ ಮೂಲಕ ಮಾತುಕತೆ ನಡೆಸಲು ಆಲೋಚನೆ ಹಾಕಿಕೊಂಡಿದ್ದೇವೆ’ ಎಂದು ಅವರು ಹೇಳಿದರು. ರಕ್ಷಣಾ ಉತ್ಪನ್ನಗಳು ಹಾಗೂ ಉಪಕರಣಗಳ ರಫ್ತಿಗೆ ಉತ್ತೇಜನ ನೀಡಲು ಸರ್ಕಾರವು ತನ್ನ ರಾಜತಾಂತ್ರಿಕ ಮಾರ್ಗಗಳ ಮೂಲಕ ಉದ್ಯಮಕ್ಕೆ ಹೆಗಲು ಕೊಡಲಿದೆ ಎಂದೂ ಅವರು ಭರವಸೆ ನೀಡಿದರು.

ಫಲಿತಾಂಶ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು