ಕೆಎಸ್‌ಡಿಸಿ ಜೊತೆಗೆ ಫ್ಲಿಪ್ಕಾರ್ಟ್ ಒಪ್ಪಂದ
ಅಕ್ಷರ ಗಾತ್ರ :ಆ |ಆ |ಆ
ಬೆಂಗಳೂರು: ಲಾಜಿಸ್ಟಿಕ್‌ ಉದ್ಯಮದ ಕೌಶಲ ಕೊರತೆ ನಿವಾರಿಸಲು ಫ್ಲಿಪ್ಕಾರ್ಟ್ ಸಂಸ್ಥೆಯು ಕರ್ನಾಟಕ ಕೌಶಲ ಅಭಿವೃದ್ಧಿ ಮಂಡಳಿ (ಕೆಎಸ್‌ಡಿಸಿ) ಮೂಲಕ ಸ್ಥಾಪಿಸಿರುವ ಲಾಜಿಸ್ಟಿಕ್ಸ್ ಕೌಶಲ ವಲಯ ಕೇಂದ್ರದೊಂದಿಗೆ (ಎಸ್‌ಎಲ್‌ಸಿ) ಒಪ್ಪಂದ ಮಾಡಿಕೊಂಡಿದೆ.
ಇದರ ಭಾಗವಾಗಿ ಇ-ಕಾಮರ್ಸ್ ಉದ್ಯಮಕ್ಕಾಗಿ ನುರಿತ ಮತ್ತು ತರಬೇತಿ ಪಡೆದ ಕಾರ್ಯಪಡೆಯೊಂದನ್ನು ನಿರ್ಮಿಸಲು ಫ್ಲಿಪ್ಕಾರ್ಟ್ ‘ಉತ್ಕೃಷ್ಠತೆಯ ಕೇಂದ್ರ’ (ಸಿಒಇ) ಆರಂಭಿಸಿದೆ. ಇದು ಪದವಿ ಪೂರ್ವ ವಿದ್ಯಾಭ್ಯಾಸಕ್ಕೆ ಸಮಾನವಾಗಿರಲಿದೆ.
ಲಾಜಿಸ್ಟಿಕ್ಸ್ ಉದ್ಯಮದಲ್ಲಿ ಕೆಲಸ ಮಾಡಲು ಬಯಸುವ ಆಕಾಂಕ್ಷಿಗಳಿಗೆ ಈ ಕೇಂದ್ರ ಮುಕ್ತವಾಗಿದೆ. ನಗರದಲ್ಲಿ ಇ–ಕಾಮರ್ಸ್ ಪೂರೈಕೆ ಸರಪಳಿ, ಅಭ್ಯರ್ಥಿಗಳ ಸರ್ವತೋಮುಖ ಅಭಿವೃದ್ಧಿಗೆ ತರಬೇತಿ ನೀಡಲಾಗುವುದು.
ತರಬೇತಿ ಪಡೆಯುವ ಆಯ್ದ ಅಭ್ಯರ್ಥಿಗಳು ಫ್ಲಿಪ್‌ಕಾರ್ಟ್‌ನೊಂದಿಗೆ ಅಪ್ರೆಂಟಿಸ್‌ಶಿಪ್ ಕಾರ್ಯಕ್ರಮಕ್ಕೆ ಸೇರಲು ಅವಕಾಶ ಪಡೆಯಲಿದ್ದಾರೆ. 60 ದಿನಗಳ ತರಬೇತಿ ಇ-ಕಾಮರ್ಸ್ ಕ್ಷೇತ್ರದಲ್ಲಿ ಉದ್ಯೋಗಾವಕಾಶವನ್ನು ಹೆಚ್ಚಿಸಲಿದೆ.
ತರಬೇತಿ ಪೂರ್ಣಗೊಳಿಸಿದ ಅಭ್ಯರ್ಥಿಗಳು ರಾಷ್ಟ್ರೀಯ ಕೌಶಲ ಅರ್ಹತಾ ಫ್ರೇಂವರ್ಕ್‌ನಡಿ (ಎನ್‌ಎಸ್‌ಎಫ್‌ಕ್ಯೂ) ಪ್ರಮಾಣ ಪತ್ರ ಪಡೆಯಲಿದ್ದಾರೆ.
ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.
ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.
ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.
