<p><strong>ಬೆಂಗಳೂರು:</strong> ‘ಕೊವಿಡ್-19’ ಪಿಡುಗಿನ ಹಿನ್ನೆಲೆಯಲ್ಲಿ ನಾಗರಿಕರಿಗೆ ಅನುಕೂಲ ಮಾಡಿಕೊಡಲು ಇ–ಕಾಮರ್ಸ್ ಕಂಪನಿ ಫ್ಲಿಪ್ಕಾರ್ಟ್, ವಿಮೆ ಕಂಪನಿಗಳಾದ ಐಸಿಐಸಿಐ ಲೋಂಬಾರ್ಡ್ ಮತ್ತು ಡಿಜಿಟ್ ಇನ್ಶುರೆನ್ಸ್ ಸಹಭಾಗಿತ್ವದಲ್ಲಿ ಆರೋಗ್ಯ ವಿಮೆ ಪರಿಚಯಿಸಿದೆ.</p>.<p>ವೈದ್ಯಕೀಯ ಪರೀಕ್ಷೆಗಳ ಅಗತ್ಯವಿಲ್ಲದೇ ಈ ಆರೋಗ್ಯ ವಿಮೆಗಳನ್ನು ಖರೀದಿಸುವ ಅವಕಾಶ ಇಲ್ಲಿದೆ. ವಿಮೆ ಪಾಲಿಸಿದಾರರು ತಕ್ಷಣದಿಂದಲೇ ಇವುಗಳ ಪ್ರಯೋಜನ ಪಡೆಯಬಹುದಾಗಿದೆ. ಈ ಆರೋಗ್ಯ ವಿಮೆ ಸೌಲಭ್ಯಗಳು ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿನ ಚಿಕಿತ್ಸಾ ವೆಚ್ಚ ಸೇರಿದಂತೆ ಸುಲಭವಾಗಿ ಪರಿಹಾರ (ಕ್ಲೇಮ್) ಪಡೆಯುವ ಸೌಲಭ್ಯ ಹೊಂದಿವೆ ಎಂದು ಫ್ಲಿಪ್ಕಾರ್ಟ್ ವಕ್ತಾರರು ತಿಳಿಸಿದ್ದಾರೆ.</p>.<p>ಐಸಿಐಸಿಐ ಲೋಂಬಾರ್ಡ್ನ ‘‘COVID-19 Protection Cover’ ಪಾಲಿಸಿ ಖರೀದಿಸುವ ಗ್ರಾಹಕರಿಗೆ ಕೊವಿಡ್-19 ಪಾಸಿಟಿವ್ ಇದೆ ಎಂದು ದೃಢವಾಗುತ್ತಿದ್ದಂತೆಯೇ ₹ 25 ಸಾವಿರ ಪರಿಹಾರ ನೀಡಲಿದೆ. ಈ ಪಾಲಿಸಿಯ ವಾರ್ಷಿಕ ಪ್ರೀಮಿಯಂ ₹ 159 ಇದೆ. ಫ್ಲಿಪ್ಕಾರ್ಟ್ ಗ್ರಾಹಕರು ವಿಮೆ ಕಂಪನಿಗೆ ಡಿಜಿಟಲ್ ಸ್ವರೂಪದಲ್ಲಿ ಅರ್ಜಿ ಸಲ್ಲಿಸಿ ಪರಿಹಾರ ಪಡೆಯಬಹುದು.</p>.<p>ಡಿಜಿಟ್ ಇನ್ಶುರೆನ್ಸ್ ಕಂಪನಿಯ ‘Digit Illness Group Insurance’ ಪಾಲಿಸಿಯು ಆಸ್ಪತ್ರೆಗೆ ದಾಖಲಾದಾಗ ಆಗುವ ಚಿಕಿತ್ಸಾ ವೆಚ್ಚ ಭರಿಸಲು ನೆರವಾಗುವ ದೃಷ್ಟಿಯಿಂದ ₹ 1 ಲಕ್ಷ ವಿಮೆ ಪರಿಹಾರ ನೀಡಲಿದೆ. ಇದರ ವಾರ್ಷಿಕ ಪ್ರೀಮಿಯಂ ದರ ₹ 511 ಇದೆ. ಈ ವಿಮೆಯು ಆಸ್ಪತ್ರೆಗೆ ದಾಖಲಾಗುವ 30 ದಿನಗಳ ಮುನ್ನ ಮತ್ತು ಆಸ್ಪತ್ರೆಯಿಂದ ಬಿಡುಗಡೆಯಾದ 60 ದಿನಗಳವರೆಗೆ ಆಸ್ಪತ್ರೆ ಶುಲ್ಕಕ್ಕೂ ಪರಿಹಾರ ನೀಡಲಿದೆ. ಈ ಎರಡೂ ಪಾಲಿಸಿಗಳು ಫ್ಲಿಪ್ಕಾರ್ಟ್ ತಾಣದಲ್ಲಿ ಲಭ್ಯ ಇವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ಬೆಂಗಳೂರು:</strong> ‘ಕೊವಿಡ್-19’ ಪಿಡುಗಿನ ಹಿನ್ನೆಲೆಯಲ್ಲಿ ನಾಗರಿಕರಿಗೆ ಅನುಕೂಲ ಮಾಡಿಕೊಡಲು ಇ–ಕಾಮರ್ಸ್ ಕಂಪನಿ ಫ್ಲಿಪ್ಕಾರ್ಟ್, ವಿಮೆ ಕಂಪನಿಗಳಾದ ಐಸಿಐಸಿಐ ಲೋಂಬಾರ್ಡ್ ಮತ್ತು ಡಿಜಿಟ್ ಇನ್ಶುರೆನ್ಸ್ ಸಹಭಾಗಿತ್ವದಲ್ಲಿ ಆರೋಗ್ಯ ವಿಮೆ ಪರಿಚಯಿಸಿದೆ.</p>.<p>ವೈದ್ಯಕೀಯ ಪರೀಕ್ಷೆಗಳ ಅಗತ್ಯವಿಲ್ಲದೇ ಈ ಆರೋಗ್ಯ ವಿಮೆಗಳನ್ನು ಖರೀದಿಸುವ ಅವಕಾಶ ಇಲ್ಲಿದೆ. ವಿಮೆ ಪಾಲಿಸಿದಾರರು ತಕ್ಷಣದಿಂದಲೇ ಇವುಗಳ ಪ್ರಯೋಜನ ಪಡೆಯಬಹುದಾಗಿದೆ. ಈ ಆರೋಗ್ಯ ವಿಮೆ ಸೌಲಭ್ಯಗಳು ಆಸ್ಪತ್ರೆಗೆ ದಾಖಲಾದ ಸಂದರ್ಭದಲ್ಲಿನ ಚಿಕಿತ್ಸಾ ವೆಚ್ಚ ಸೇರಿದಂತೆ ಸುಲಭವಾಗಿ ಪರಿಹಾರ (ಕ್ಲೇಮ್) ಪಡೆಯುವ ಸೌಲಭ್ಯ ಹೊಂದಿವೆ ಎಂದು ಫ್ಲಿಪ್ಕಾರ್ಟ್ ವಕ್ತಾರರು ತಿಳಿಸಿದ್ದಾರೆ.</p>.<p>ಐಸಿಐಸಿಐ ಲೋಂಬಾರ್ಡ್ನ ‘‘COVID-19 Protection Cover’ ಪಾಲಿಸಿ ಖರೀದಿಸುವ ಗ್ರಾಹಕರಿಗೆ ಕೊವಿಡ್-19 ಪಾಸಿಟಿವ್ ಇದೆ ಎಂದು ದೃಢವಾಗುತ್ತಿದ್ದಂತೆಯೇ ₹ 25 ಸಾವಿರ ಪರಿಹಾರ ನೀಡಲಿದೆ. ಈ ಪಾಲಿಸಿಯ ವಾರ್ಷಿಕ ಪ್ರೀಮಿಯಂ ₹ 159 ಇದೆ. ಫ್ಲಿಪ್ಕಾರ್ಟ್ ಗ್ರಾಹಕರು ವಿಮೆ ಕಂಪನಿಗೆ ಡಿಜಿಟಲ್ ಸ್ವರೂಪದಲ್ಲಿ ಅರ್ಜಿ ಸಲ್ಲಿಸಿ ಪರಿಹಾರ ಪಡೆಯಬಹುದು.</p>.<p>ಡಿಜಿಟ್ ಇನ್ಶುರೆನ್ಸ್ ಕಂಪನಿಯ ‘Digit Illness Group Insurance’ ಪಾಲಿಸಿಯು ಆಸ್ಪತ್ರೆಗೆ ದಾಖಲಾದಾಗ ಆಗುವ ಚಿಕಿತ್ಸಾ ವೆಚ್ಚ ಭರಿಸಲು ನೆರವಾಗುವ ದೃಷ್ಟಿಯಿಂದ ₹ 1 ಲಕ್ಷ ವಿಮೆ ಪರಿಹಾರ ನೀಡಲಿದೆ. ಇದರ ವಾರ್ಷಿಕ ಪ್ರೀಮಿಯಂ ದರ ₹ 511 ಇದೆ. ಈ ವಿಮೆಯು ಆಸ್ಪತ್ರೆಗೆ ದಾಖಲಾಗುವ 30 ದಿನಗಳ ಮುನ್ನ ಮತ್ತು ಆಸ್ಪತ್ರೆಯಿಂದ ಬಿಡುಗಡೆಯಾದ 60 ದಿನಗಳವರೆಗೆ ಆಸ್ಪತ್ರೆ ಶುಲ್ಕಕ್ಕೂ ಪರಿಹಾರ ನೀಡಲಿದೆ. ಈ ಎರಡೂ ಪಾಲಿಸಿಗಳು ಫ್ಲಿಪ್ಕಾರ್ಟ್ ತಾಣದಲ್ಲಿ ಲಭ್ಯ ಇವೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
