ನವದೆಹಲಿ: ಕಳೆದ ಎರಡು ವರ್ಷಗಳಲ್ಲಿ ಇ–ಕಾಮರ್ಸ್ ಸಂಸ್ಥೆಯಾದ ಫ್ಲಿಪ್ಕಾರ್ಟ್ನ ಮಾರುಕಟ್ಟೆ ಮೌಲ್ಯವು ₹41 ಸಾವಿರ ಕೋಟಿ ಇಳಿಕೆಯಾಗಿದೆ ಎಂದು ಕಂಪನಿಯ ಮಾತೃಸಂಸ್ಥೆಯಾದ ವಾಲ್ಮಾರ್ಟ್ ಹೇಳಿದೆ.
2022ರ ಜನವರಿ ಅಂತ್ಯದಲ್ಲಿ ಫ್ಲಿಪ್ಕಾರ್ಟ್ನ ಮಾರುಕಟ್ಟೆ ಮೌಲ್ಯ ₹3.31 ಲಕ್ಷ ಕೋಟಿ ಇತ್ತು. ಪ್ರಸಕ್ತ ವರ್ಷದ ಜನವರಿ ಅಂತ್ಯಕ್ಕೆ ₹2.90 ಲಕ್ಷ ಕೋಟಿಗೆ ಕುಸಿದಿದೆ. ಫೋನ್ ಪೇ ವಿಭಜನೆಗೊಂಡು ಸ್ವತಂತ್ರ ಕಂಪನಿಯಾಯಿತು. ಇದೇ ಫ್ಲಿಪ್ಕಾರ್ಟ್ನ ಮಾರುಕಟ್ಟೆ ಮೌಲ್ಯದ ಕುಸಿತಕ್ಕೆ ಕಾರಣವಾಗಿದೆ ಎಂದು ಹೇಳಿದೆ.
ಸದ್ಯ ಫ್ಲಿಪ್ಕಾರ್ಟ್ನಲ್ಲಿ ವಾಲ್ಮಾರ್ಟ್ ಶೇ 85ರಷ್ಟು ಷೇರುಗಳ ಮೇಲೆ ಒಡೆತನ ಹೊಂದಿದೆ.