ನಿಂಬೆ ಇಳುವರಿ ಕುಸಿವ ಭೀತಿ

ವಿಜಯಪುರ: ಜಿಲ್ಲೆಯಲ್ಲಿ ಮುಂಗಾರು, ಹಿಂಗಾರು ಎರಡೂ ಕೈಕೊಟ್ಟಿವೆ. ಮಳೆ ಇಲ್ಲದೇ ಕೊಳವೆಬಾವಿಗಳು ಬತ್ತುತ್ತಿವೆ. ಸಕಾಲಕ್ಕೆ ಸಾಕಷ್ಟು ನೀರು ಸಿಗದೆ ನಿಂಬೆಗಿಡಗಳಲ್ಲಿನ ಹೂವು– ಹೀಚು ಉದುರುತ್ತಿದ್ದು, ಬೆಳೆಗಾರರು ಕಂಗಾಲಾಗಿದ್ದಾರೆ.

. ಅಕ್ಟೋಬರ್ ಆರಂಭದಲ್ಲಿ ನಿಂಬೆ ಗಿಡಗಳು ಹೂವು ಬಿಟ್ಟು ಹಸಿರಿನಿಂದ ಕಂಗೊಳಿಸುತ್ತಿದ್ದವು. ಆದರೆ, ನೀರಿಲ್ಲದೆ ತಿಂಗಳ ಕೊನೆಯಲ್ಲಿ ಅರ್ಧಕ್ಕೂ ಹೆಚ್ಚು ಹೂವು ಉದುರಿವೆ.

. ಗಿಡ ಉಳಿದರೆ ಸಾಕು: ‘ನಿಂಬೆ ವರ್ಷವಿಡೀ ಸಿಗುವ ಬೆಳೆ. ಬೇಸಿಗೆಯಲ್ಲಿ ದೊರಕುವ ಹಣ್ಣುಗಳೇ ಆದಾಯ ತರುವಂಥವು. ಉಳಿದ ಅವಧಿಯಲ್ಲಿನ ಬೆಳೆಯು ಖರ್ಚಿಗೇ ಸರಿಯಾಗಲಿದೆ. ಇದರಲ್ಲೇ ಮನೆಯನ್ನು ನಿಭಾಯಿಸುತ್ತಿದ್ದೆವು. ದೀಪಾವಳಿ, ಎಳ್ಳಮಾವಾಸ್ಯೆ ಆಸುಪಾಸು ನಿಂಬೆ ಗಿಡಗಳು ಹೊಸದಾಗಿ ಚಿಗುರಿ, ಹೂವು ಬಿಡುತ್ತವೆ. ಈ ಹೂವೇ ಬೇಸಿಗೆ ಬೆಳೆ. ಇದೇ ನಮ್ಮ ಜೀವನಾಧಾರ. ಆದರೆ ಈ ಬಾರಿ, ಈಗಾಗಲೇ ಅರ್ಧಕ್ಕರ್ಧ ಹೂವು ಉದುರಿವೆ. ಇದೀಗ ಹೀಚು ಉದುರಲಾರಂಭಿಸಿದೆ’ ಎಂದು ತಾಂಬಾದ ನಿಂಬೆ ಬೆಳೆಗಾರ ಅಡಿವೆಪ್ಪ ಶಿವಪ್ಪ ರೊಟ್ಟಿ ಹೇಳಿದರು.

. ‘ವಾರಕ್ಕೆ, ಗಿಡವೊಂದಕ್ಕೆ ಕನಿಷ್ಠ 500 ಲೀಟರ್ ನೀರುಣಿಸಿದರೆ ಭರ್ಜರಿ ಫಸಲು ಸಿಗಲಿದೆ. ಆದರೆ, ಈಗ ಕೇವಲ 100 ಲೀಟರ್ ನೀರುಣಿಸುತ್ತಿದ್ದೇವೆ. ಬೇಸಿಗೆ ಉತ್ಪನ್ನ ಪಡೆಯುವ ಆಸೆ ಕೈ ಬಿಟ್ಟಿದ್ದೇವೆ. ಈ ವರ್ಷ ಗಿಡ ಉಳಿಸಿಕೊಂಡರೆ ಸಾಕು ಎಂದು ಹರಸಾಹಸ ನಡೆಸಿದ್ದೇವೆ’ ಎಂದು ಅವರು ಹೇಳಿದರು.

. ‘ನೀರು ಕಡಿಮೆಯಾಗಿ, ‘ಸುರಳಿ ಪೂಚಿ’ ರೋಗ ಉಲ್ಬಣಿಸಿದೆ. ಇದರಿಂದ ಬಹುತೇಕ ಗಿಡಗಳಲ್ಲಿ ಹೂವು ಬಿಟ್ಟೇ ಇಲ್ಲ. ಔಷಧಿ ಸಿಂಪಡಿಸಿದರೂ ಪ್ರಯೋಜನ ಸಿಗದಾಗಿದೆ’ ಎಂದು ತಾಂಬಾ ಗ್ರಾಮದ ರೈತ ಬೀರಪ್ಪ ವಗ್ಗಿ ‘ಪ್ರಜಾವಾಣಿ’ ಬಳಿ ಅಳಲು ತೋಡಿಕೊಂಡರು.

. ಇಳುವರಿಗೆ ಹೊಡೆತ ‘ನೀರಿನ ಕೊರತೆಯಿಂದ ನಿಂಬೆ ಗಿಡದಲ್ಲಿನ ಹೂವು ಉದುರುತ್ತಿದೆ. ಇದು ವಾರ್ಷಿಕ ಉತ್ಪನ್ನದ ಮೇಲೆ ತೀವ್ರ ಪರಿಣಾಮ ಬೀರಲಿದೆ’ ಎನ್ನುತ್ತಾರೆ ತೋಟಗಾರಿಕೆ ಇಲಾಖೆಯ ಉಪ ನಿರ್ದೇಶಕ ಸಂತೋಷ ಇನಾಮದಾರ.

. ವಿಜಯಪುರ ಜಿಲ್ಲೆ ರಾಜ್ಯದಲ್ಲಿನ ನಿಂಬೆ ಕಣಜ. ರಾಜ್ಯದಲ್ಲಿ ಬೆಳೆಯುವ ನಿಂಬೆಯಲ್ಲಿ ಅರ್ಧಕ್ಕೂ ಹೆಚ್ಚು ಜಿಲ್ಲೆಯದೇ ಪಾಲು. ಇಂಡಿ ತಾಲ್ಲೂಕು ಒಂದರಲ್ಲೇ ಹೆಚ್ಚಿನ ಪ್ರಮಾಣದ ಬೆಳೆಯಿದೆ.

. ಅಂದಾಜಿನ ಪ್ರಕಾರ ವಾರ್ಷಿಕವಾಗಿ ಜಿಲ್ಲೆಯೊಂದರಲ್ಲೇ 1.80 ಲಕ್ಷ ಟನ್ ನಿಂಬೆ ಬೆಳೆಯಲಾಗುತ್ತದೆ. ಆದರೆ ಈ ಬಾರಿಶೇ 30ರಿಂದ ಶೇ 40ರಷ್ಟು ಇಳುವರಿ ಕುಸಿಯಬಹುದು ಎಂದು ಅಂದಾಜಿಸಲಾಗಿದೆ ಎಂದು ಅವರು ತಿಳಿಸಿದರು.

. * ನಿಂಬೆ ಗಿಡದಲ್ಲಿನ ಹೂವು–ಹೀಚು ಉದುರುವುದು ಹೆಚ್ಚುತ್ತಿದೆ. ಇದು, ನಮ್ಮ ಬೇಸಿಗೆ ಬೆಳೆಯ ಕನಸನ್ನೇ ಕಮರಿಸಿದೆ. –ಅಡಿವೆಪ್ಪ ಶಿವಪ್ಪ ರೊಟ್ಟಿ, ನಿಂಬೆ ಬೆಳೆಗಾರ

. * ಇದೇ ಪರಿಸ್ಥಿತಿ ಮುಂದುವರೆದರೆ ನಿಂಬೆ ಸಂಪೂರ್ಣ ನಾಶವಾಗುವ ಭಯ ಕಾಡ್ತಿದೆ. –ಮಹಾದೇವ ಮಸಳಿ, ನಿಂಬೆ ಬೆಳೆಗಾರ

. ಬೆಳೆಯ ಚಿತ್ರಣ * 7,150 ಹೆಕ್ಟೇರ್ನಲ್ಲಿ ಬೆಳೆ * 8000 ರಿಂದ 9000 ಬೆಳೆಗಾರರು * ಶೇ 30ರಿಂದ ಶೇ 40ರಷ್ಟು ಇಳುವರಿ ಕುಸಿತ * 1 ಎಕರೆಗೆ 10 ಟನ್ ಸಹಜ ಇಳುವರಿ * 6 ರಿಂದ 7 ಟನ್ ಇಳುವರಿ ಪ್ರಸ್ತುತ ಬೇಸಿಗೆಯಲ್ಲಿ (ಆಧಾರ: ಜಿಲ್ಲಾ ತೋಟಗಾರಿಕೆ ಇಲಾಖೆ)

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ನಿಂಬೆ ಇಳುವರಿ ಕುಸಿವ ಭೀತಿ

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಪ್ರೀತ್ಸೋದ್ ತಪ್ಪಾ..?ಚಿತ್ರದ ಹಾಡಿಗೆ ಹೆಜ್ಜೆ ಹಾಕಿದ ರವಿಚಂದ್ರನ್-ಶಿಲ್ಪಾ ಶೆಟ್ಟಿ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು

ವಿಚ್ಛೇದನ ಘೋಷಿಸಿದ ಸೈನಾ–ಕಶ್ಯಪ್‌ ದಂಪತಿ

ಜವಾರೆ ಎಸ್‌ ಪೂನಾವಾಲ ಬೆಂಗಳೂರು ಬೇಸಿಗೆ ಡರ್ಬಿ: ಫಿನ್‌ಬಾಸ್‌ಗೆ ಡರ್ಬಿ ಕಿರೀಟ

IND vs ENG | ಕುತೂಹಲದ ಘಟ್ಟದಲ್ಲಿ ಲಾರ್ಡ್ಸ್‌ ಟೆಸ್ಟ್‌

ಹರಿಕೃಷ್ಣ ಎ.ಆರ್. 87ನೇ ಚೆಸ್‌ ಗ್ರ್ಯಾಂಡ್‌ ಮಾಸ್ಟರ್‌

ಒಳನೋಟ: ವ್ಯಾಮೋಹದ ಜಿಮ್‌, ಸ್ಟೆರಾಯ್ಡ್‌

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಮದುವೆಯಾಗಿ ಮೂರೇ ತಿಂಗಳಿಗೆ ಗಂಡನನ್ನು ಕೃಷ್ಣಾ ನದಿಗೆ ತಳ್ಳಿದ ಪತ್ನಿ! ಹೈಡ್ರಾಮಾ

ಪ್ರೀತ್ಸೋದ್ ತಪ್ಪಾ..?ಚಿತ್ರದ ಹಾಡಿಗೆ ಹೆಜ್ಜೆ ಹಾಕಿದ ರವಿಚಂದ್ರನ್-ಶಿಲ್ಪಾ ಶೆಟ್ಟಿ

ಚಿನಕುರುಳಿ Cartoon: 13 ಜುಲೈ 2025

ವಾರ ಭವಿಷ್ಯ: 2025 ಜುಲೈ 13ರಿಂದ 19ರವರೆಗೆ– ಉದ್ಯೋಗದಲ್ಲಿ ಅಭಿವೃದ್ಧಿ ಕಾಣಬಹುದು