ಅನಿರೀಕ್ಷಿತ ವಿದ್ಯಮಾನ: 6 ಯೋಜನೆ ರದ್ದುಪಡಿಸಿದ ಫ್ರ್ಯಾಂಕ್ಲಿನ್‌ ಟೆಂಪಲ್‌ಟನ್‌

ನವದೆಹಲಿ: ದೇಶದ ಎಂಟನೇ ಅತಿದೊಡ್ಡ ಮ್ಯೂಚುವಲ್ ಫಂಡ್ ಸಂಸ್ಥೆ ಆಗಿರುವ ಫ್ರ್ಯಾಂಕ್ಲಿನ್ ಟೆಂಪಲ್ಟನ್, ತನ್ನ ಆರು ಸಾಲ ನಿಧಿ (ಡೆಟ್ ಸ್ಕೀಮ್) ಯೋಜನೆಗಳನ್ನು ಹಠಾತ್ತಾಗಿ ರದ್ದುಪಡಿಸಿದೆ.

. ಬಾಂಡ್ ಮಾರುಕಟ್ಟೆಯಲ್ಲಿ ಕಂಡು ಬಂದಿರುವ ನಗದು ಕೊರತೆ ಮತ್ತುಹಣ ಹಿಂದೆ ಪಡೆಯಲು ಹೂಡಿಕೆದಾರರಿಂದ ಹೆಚ್ಚಿದ ಒತ್ತಡದ ಕಾರಣಕ್ಕೆ ಅನಿವಾರ್ಯವಾಗಿ ಈ ನಿರ್ಧಾರಕ್ಕೆ ಬರಬೇಕಾಯಿತು ಎಂದು ಸಂಸ್ಥೆಯು ತಿಳಿಸಿದೆ. ಲಾಕ್ಡೌನ್ ಸಂದರ್ಭದಲ್ಲಿ ನಿಧಿ ನಿರ್ವಹಣೆ ಸಂಸ್ಥೆಯೊಂದು ತನ್ನ ಸ್ಕೀಮ್ಗಳನ್ನು ರದ್ದುಪಡಿಸಿದ ಮೊದಲ ನಿದರ್ಶನ ಇದಾಗಿದೆ.

. ಸಂಸ್ಥೆಯು ತನ್ನ ಫ್ರ್ಯಾಂಕ್ಲಿನ್ ಇಂಡಿಯಾ ಲೊ ಡ್ಯುರೇಷನ್ ಫಂಡ್, ,ಡೈನಮಿಕ್ ಅರ್ಕುವಲ್ ಫಂಡ್, ಕ್ರೆಡಿಟ್ ರಿಸ್ಕ್ ಫಂಡ್, ಶಾರ್ಟ್ಟರ್ಮ್ ಇನ್ಕಂ ಪ್ಲ್ಯಾನ್, ಅಲ್ಟ್ರಾ ಶಾರ್ಟ್ ಬಾಂಡ್ ಫಂಡ್ ಮತ್ತು ಇನ್ಕಂ ಅಪಾರ್ಚುನಿಟಿಸ್ ಫಂಡ್ ಸ್ಕೀಮ್ಗಳನ್ನು ರದ್ದುಪಡಿಸಿದೆ.

. ಇದನ್ನೂ ಓದಿ: ಆತಂಕ ಬೇಡ–ಮ್ಯೂಚುವಲ್ ಫಂಡ್ ಹೂಡಿಕೆದಾರರಿಗೆ ಭರವಸೆ

. ಕೋವಿಡ್ ಸೃಷ್ಟಿಸಿರುವ ಬಿಕ್ಕಟ್ಟಿನಿಂದಾಗಿ ಕಾರ್ಪೊರೇಟ್ ಬಾಂಡ್ ಮಾರುಕಟ್ಟೆಯ ಕೆಲ ವಲಯಗಳಲ್ಲಿ ನಗದು ಲಭ್ಯತೆ ಪ್ರಮಾಣವು ನಿರಂತರವಾಗಿ ಕಡಿಮೆಯಾಗುತ್ತಿದೆ. ಸ್ಥಿರ ವರಮಾನ ವಲಯದಲ್ಲಿ ಹೂಡಿಕೆದಾರರು ಮ್ಯೂಚುವಲ್ ಫಂಡ್ ಸ್ಕೀಮ್ಗಳಿಂದ ತಮ್ಮ ಹೂಡಿಕೆ (ಯುನಿಟ್) ರದ್ದುಪಡಿಸಿ ಹಣ ಹಿಂದೆ ಪಡೆಯಲು ಧಾವಂತ ತೋರುತ್ತಿದ್ದಾರೆ.

. ಈ ಯೋಜನೆಗಳಲ್ಲಿ ತೊಡಗಿಸಿದ (ಯೂನಿಟ್ ಮೌಲ್ಯ) ಹಣದ ರಕ್ಷಣೆಗೆ ಮತ್ತು ಹೂಡಿಕೆದಾರರು ವ್ಯವಸ್ಥಿತವಾಗಿ ಹೂಡಿಕೆಯಿಂದ ಹಿಂದೆ ಸರಿಯಲು ಅವಕಾಶ ಮಾಡಿಕೊಡಲು ಈ ನಿರ್ಧಾರಕ್ಕೆ ಬರಲಾಗಿದೆ ಎಂದು ಸಂಸ್ಥೆ ತಿಳಿಸಿದೆ.

. ಏನಿದು ಡೆಟ್ ಫಂಡ್

. ಸರ್ಕಾರಿ ಮತ್ತು ಖಾಸಗಿ ಬಾಂಡ್, ಟ್ರೆಷರಿ ಬಿಲ್ಗಳಂತಹ ಸ್ಥಿರ ಆದಾಯದ ಸಾಲಪತ್ರಗಳಲ್ಲಿ ಮ್ಯೂಚುವಲ್ ಫಂಡ್ಗಳು ಹಣ ತೊಡಗಿಸುವುದಕ್ಕೆ ಡೆಟ್ ಫಂಡ್ಸ್ (Debt funds) ಎನ್ನುತ್ತಾರೆ.

. ಪರಿಣಾಮ ಏನು

. ಈ ವಿದ್ಯಮಾನವು ಇತರ ಡೆಟ್ ಸ್ಕೀಮ್ಗಳ ಮೇಲೆಯೂ ಪರಿಣಾಮ ಬೀರಲಿದೆ ಎನ್ನುವ ಆತಂಕ ಮ್ಯೂಚುವಲ್ ಫಂಡ್ ಉದ್ದಿಮೆಯಲ್ಲಿ ವ್ಯಕ್ತವಾಗುತ್ತಿದೆ. ಹೂಡಿಕೆದಾರರು ಆತಂಕಪಡಬೇಕಾಗಿಲ್ಲ. ಇಂತಹ ಸ್ಕೀಮ್ಗಳಲ್ಲಿ ಸಾಕಷ್ಟು ನಗದು ಲಭ್ಯತೆ ಇದೆ ಎಂದು ಭಾರತದ ಮ್ಯೂಚುವಲ್ ಫಂಡ್ಸ್ ಸಂಘವು (ಎಎಂಎಫ್ಐ) ಭರವಸೆ ನೀಡಿದೆ.

. ಮ್ಯೂಚುವಲ್ ಫಂಡ್ ಬಿಕ್ಕಟ್ಟಿನ ವಿವರ

. * ಕೋವಿಡ್ ಬಿಕ್ಕಟ್ಟಿನ ಕಾರಣಕ್ಕೆ ಕಂಪನಿಗಳು ಮತ್ತು ಹೂಡಿಕೆದಾರರು ತಮ್ಮ ಬಳಿಯಲ್ಲಿ ನಗದು ಹೊಂದಲು ಧಾವಂತ ತೋರುತ್ತಿದ್ದಾರೆ. ಹೂಡಿಕೆದಾರರಿಗೆ ಹಣ ಮರಳಿಸಲು ಸಾಧ್ಯವಾಗದ ಕಾರಣಕ್ಕೆ ಸಂಪತ್ತು ನಿರ್ವಹಣಾ ಸಂಸ್ಥೆಯೊಂದು ತನ್ನ ಆರು ಸಾಲ ನಿಧಿ ಸ್ಕೀಮ್ಗಳನ್ನು ರದ್ದುಪಡಿಸಿದೆ

. * ಮ್ಯೂಚುವಲ್ ಫಂಡ್ ಸ್ಕೀಮ್ಗಳನ್ನು ರದ್ದುಪಡಿಸಿರುವುದು ದೇಶದಲ್ಲಿನ ಮೊದಲ ವಿದ್ಯಮಾನ .

. * ಈ ಬೆಳವಣಿಗೆಯು ಉದ್ದಿಮೆಯಲ್ಲಿ ಕಂಪನ ಮೂಡಿಸಿದೆ. ಹೂಡಿಕೆದಾರರೂ ಕಳವಳಗೊಂಡಿದ್ದಾರೆ

. * ಸ್ಥಿರ ಆದಾಯದ ಉದ್ದೇಶದಿಂದ ಸಾಮಾನ್ಯ ಮತ್ತು ದೊಡ್ಡ ಹೂಡಿಕೆದಾರರು ತೊಡಗಿಸಿದ್ದ ಹಣ ಮರಳಿ ಕೈಸೇರುವುದು ಅನಿಶ್ಚಿತವಾಗಿದೆ

. * ದೇಶಿ ಮ್ಯೂಚುವಲ್ ಫಂಡ್ಸ್ ಉದ್ದಿಮೆಯಲ್ಲಿನ 44 ಸಂಸ್ಥೆಗಳಲ್ಲಿ ಫ್ರ್ಯಾಂಕ್ಲಿನ್ ಟೆಂಪಲ್ಟನ್ 8ನೇಶ್ರೇಯಾಂಕ ಹೊಂದಿದೆ. ದೇಶದಲ್ಲಿ 25 ವರ್ಷಗಳಿಂದ ವಹಿವಾಟು ನಡೆಸುತ್ತಿದೆ

. * ₹ 1 ಲಕ್ಷ ಕೋಟಿ: ಸಂಸ್ಥೆಯು ನಿರ್ವಹಿಸುತ್ತಿರುವ ಸಂಪತ್ತಿನ ಮೌಲ್ಯ

. * ₹ 25,000 ಕೋಟಿಗಳಿಂದ ₹ 30,000 ಕೋಟಿ: ರದ್ದಾದ 6 ಯೋಜನೆಗಳಲ್ಲಿ ಹೂಡಿಕೆಯಾಗಿರುವ ಮೊತ್ತ

. * ಶೇ 1.4: ದೇಶಿ ಮ್ಯೂಚುವಲ್ ಫಂಡ್ಸ್ ಉದ್ದಿಮೆಯ ಒಟ್ಟಾರೆ ಸಂಪತ್ತು ನಿರ್ವಹಣೆಯಲ್ಲಿ ರದ್ದಾಗಿರುವ ಆರು ಸ್ಕೀಮ್ಗಳ ನಿರ್ವಹಣಾ ಸಂಪತ್ತಿನ ಮೊತ್ತ

. * ಹೂಡಿಕೆದಾರರು ಈ 6 ಸ್ಕೀಮ್ಗಳಿಂದ ಸದ್ಯಕ್ಕೆ ಹೊರ ಬರುವಂತಿಲ್ಲ. ಲಾಭಾಂಶವನ್ನೂ ನಿರೀಕ್ಷಿಸುವಂತಿಲ್ಲ. ಹೂಡಿಕೆಯನ್ನೂ ಮಾಡುವ ಹಾಗಿಲ್ಲ. ಸಂಸ್ಥೆಯು ಹೊಂದಿರುವ ಬಾಂಡ್ಗಳನ್ನು ಇತರರು ಖರೀದಿಸಿದ ನಂತರವೇ ಹೂಡಿಕೆದಾರರ ಹಣ ವಾಪಸ್. ಕೆಲ ತಿಂಗಳವರೆಗೆ ಕಾಯುವುದು ಅನಿವಾರ್ಯ

. * ₹ 2 ಲಕ್ಷ ಕೋಟಿ: ಹೂಡಿಕೆ ಹಿಂದೆ ಪಡೆಯಲು ಹೆಚ್ಚಿದ ಒತ್ತಡದ ಕಾರಣಕ್ಕೆ ಉದ್ದಿಮೆಯ ಒಟ್ಟಾರೆ ಡೆಟ್ ಫಂಡ್ಸ್ಗಳಿಂದ ಮಾರ್ಚ್ ತಿಂಗಳಲ್ಲಿ ಹೊರ ಹೋದ ಮೊತ್ತ

. * ಉದ್ದಿಮೆಯಲ್ಲಿ ಒಳಹರಿವಿಗಿಂತ (₹ 12 ಲಕ್ಷ ಕೋಟಿ ಹೂಡಿಕೆ) ಹೊರ ಹರಿವಿನ ಪ್ರಮಾಣವೇ (₹ 14 ಲಕ್ಷ ಕೋಟಿ) ಹೆಚ್ಚು

. * ಡೆಟ್ ಫಂಡ್ಸ್: ಖಾಸಗಿ ಮತ್ತು ಸರ್ಕಾರಿ ಸಾಲ ಪತ್ರಗಳಲ್ಲಿನ ಹಣ ಹೂಡಿಕೆ

. * ‘ಎಯುಎಂ’ ಹೆಚ್ಚಳ: ಐದು ವರ್ಷಗಳಲ್ಲಿ ಉದ್ದಿಮೆಯು ನಿರ್ವಹಿಸುವ ಸಂಪತ್ತಿನ ಮೊತ್ತವು (ಎಯುಎಂ) ಗಮನಾರ್ಹವಾಗಿ ಹೆಚ್ಚಳಗೊಂಡಿದೆ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಅನಿರೀಕ್ಷಿತ ವಿದ್ಯಮಾನ: 6 ಯೋಜನೆ ರದ್ದುಪಡಿಸಿದ ಫ್ರ್ಯಾಂಕ್ಲಿನ್‌ ಟೆಂಪಲ್‌ಟನ್‌

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್

ಜಾವೆಲಿನ್‌ ಥ್ರೊ ಕೂಟ: ಬೆಂಗಳೂರಿನಲ್ಲಿ ಕಣಕ್ಕಿಳಿಯಲು ನೀರಜ್ ಉತ್ಸುಕ

ಬ್ಯಾಡ್ಮಿಂಟನ್: ಕ್ವಾರ್ಟರ್‌ಗೆ ಶ್ರೀಕಾಂತ್‌

ಚೆಸ್‌: ಮುನ್ನಡೆ ಹಂಚಿಕೊಂಡ ಗುಕೇಶ್‌

ವಿಂಬಲ್ಡನ್‌ ಟೆನಿಸ್‌ ಟೂರ್ನಿ: ಎರಡನೇ ಸುತ್ತಿಗೆ ಬಾಲಾಜಿ– ವರೆಲಾ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ: 03 ಜುಲೈ 2025 ಗುರುವಾರ

ಚುರುಮುರಿ | ಬದಲಾವಣೆ ಕ್ರಾಂತಿ!

ಧರ್ಮಪುರ: ಜಂಬೂ ನೇರಳೆಯಿಂದ ಕಾಲು ಕೋಟಿ ಆದಾಯ

ಹೃದಯಾಘಾತ: ಕೋವಿಡ್ ಲಸಿಕೆ ಬಗ್ಗೆ ಸಿದ್ದರಾಮಯ್ಯ ಹೇಳಿಕೆ ಖಂಡಿಸಿದ ಕಿರಣ್ ಮಜುಂದಾರ್