<p><strong>ನವದೆಹಲಿ</strong>: ಚಿನ್ನದ ವಿನಿಮಯ ವಹಿವಾಟು ನಿಧಿಗಳಲ್ಲಿ (ಇಟಿಎಫ್) ಬಂಡವಾಳ ಹೂಡಿಕೆಯು 2022ಕ್ಕೆ ಹೋಲಿಸಿದರೆ 2023ರಲ್ಲಿ ಏರಿಕೆಯಾಗಿದೆ. ಜತೆಗೆ, ನಿರ್ವಹಣಾ ಸಂಪತ್ತಿನ ಮೌಲ್ಯವೂ ವೃದ್ಧಿಸಿದೆ ಎಂದು ಭಾರತೀಯ ಮ್ಯೂಚುವಲ್ ಫಂಡ್ ಕಂಪನಿಗಳ ಒಕ್ಕೂಟ (ಎಎಂಎಫ್ಐ) ತಿಳಿಸಿದೆ.</p>.<p>2022ರಲ್ಲಿ ₹459 ಕೋಟಿ ಹೂಡಿಕೆ ಆಗಿತ್ತು. 2023ರಲ್ಲಿ ₹2,920 ಕೋಟಿ ಹೂಡಿಕೆಯಾಗಿದೆ. ಒಟ್ಟಾರೆ ಆರು ಪಟ್ಟು ಏರಿಕೆಯಾಗಿದೆ. ಆಗಸ್ಟ್ನಲ್ಲಿ ₹1,028 ಕೋಟಿ ಹೂಡಿಕೆಯಾಗಿದೆ. ಇದು ತಿಂಗಳವಾರು ಲೆಕ್ಕದಲ್ಲಿ ಆಗಿರುವ ಗರಿಷ್ಠ ಹೂಡಿಕೆಯಾಗಿದೆ ಎಂದು ವಿವರಿಸಿದೆ.</p>.<p>‘ನಿರೀಕ್ಷೆಗಿಂತಲೂ ಹಣದುಬ್ಬರ ಮತ್ತು ಬಡ್ಡಿದರ ಹೆಚ್ಚಳವಾಗಿದೆ. ಹಾಗಾಗಿ, ಸಾಂಪ್ರದಾಯಿಕ ಚಿನ್ನದ ಹೂಡಿಕೆಯತ್ತ ಹೂಡಿಕೆದಾರರ ಚಿತ್ತ ಹರಿದಿದೆ. ಇಸ್ರೇಲ್ ಮತ್ತು ಹಮಾಸ್ ಬಂಡುಕೋರರ ನಡುವಿನ ಕದನದ ಸುತ್ತಲಿನ ಅನಿಶ್ಚಿತತೆ ಕೂಡ ಹೂಡಿಕೆದಾರರಲ್ಲಿ ಚಿನ್ನವು ಸುರಕ್ಷಿತ ಎನ್ನುವ ಭಾವನೆ ಮೂಡಿಸಿದೆ. ಈ ಅಂಶಗಳೇ ಬಂಡವಾಳದ ಒಳಹರಿವು ಹೆಚ್ಚಲು ಕಾರಣವಾಗಿವೆ’ ಎಂದು ಮಾರ್ನಿಂಗ್ಸ್ಟಾರ್ ಇನ್ವೆಸ್ಟ್ಮೆಂಟ್ ರಿಸರ್ಚ್ ಇಂಡಿಯಾದ ಸಹ ನಿರ್ದೇಶಕ ಹಿಮಾಂಶು ಶ್ರೀವಾಸ್ತವ್ ಹೇಳಿದ್ದಾರೆ.</p>.<p>ನಿಧಿ ನಿರ್ವಹಣಾ ಮೌಲ್ಯ ಹೆಚ್ಚಳ: ಚಿನ್ನದ ನಿಧಿಗಳ ನಿರ್ವಹಣಾ (ಎಯುಎಂ) ಮೌಲ್ಯವು ಶೇ 27ರಷ್ಟು ಏರಿಕೆ ಕಂಡಿದೆ. 2022ರ ಡಿಸೆಂಬರ್ ಅಂತ್ಯಕ್ಕೆ ನಿರ್ವಹಣಾ ಮೌಲ್ಯವು ₹21,455 ಕೋಟಿ ಇತ್ತು. 2023ರ ಡಿಸೆಂಬರ್ನಲ್ಲಿ ₹27,336 ಕೋಟಿಗೆ ಹೆಚ್ಚಳವಾಗಿದೆ.</p>.<p>2022ರ ಅಂತ್ಯದಲ್ಲಿ ಚಿನ್ನದ ಇಟಿಎಫ್ಗಳಲ್ಲಿ ಹೂಡಿಕೆದಾರರ ಖಾತೆಗಳ ಸಂಖ್ಯೆ 46.38 ಲಕ್ಷ ಇತ್ತು. 2023ರಲ್ಲಿ 49.11 ಲಕ್ಷಕ್ಕೆ ಏರಿಕೆ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
<p><strong>ನವದೆಹಲಿ</strong>: ಚಿನ್ನದ ವಿನಿಮಯ ವಹಿವಾಟು ನಿಧಿಗಳಲ್ಲಿ (ಇಟಿಎಫ್) ಬಂಡವಾಳ ಹೂಡಿಕೆಯು 2022ಕ್ಕೆ ಹೋಲಿಸಿದರೆ 2023ರಲ್ಲಿ ಏರಿಕೆಯಾಗಿದೆ. ಜತೆಗೆ, ನಿರ್ವಹಣಾ ಸಂಪತ್ತಿನ ಮೌಲ್ಯವೂ ವೃದ್ಧಿಸಿದೆ ಎಂದು ಭಾರತೀಯ ಮ್ಯೂಚುವಲ್ ಫಂಡ್ ಕಂಪನಿಗಳ ಒಕ್ಕೂಟ (ಎಎಂಎಫ್ಐ) ತಿಳಿಸಿದೆ.</p>.<p>2022ರಲ್ಲಿ ₹459 ಕೋಟಿ ಹೂಡಿಕೆ ಆಗಿತ್ತು. 2023ರಲ್ಲಿ ₹2,920 ಕೋಟಿ ಹೂಡಿಕೆಯಾಗಿದೆ. ಒಟ್ಟಾರೆ ಆರು ಪಟ್ಟು ಏರಿಕೆಯಾಗಿದೆ. ಆಗಸ್ಟ್ನಲ್ಲಿ ₹1,028 ಕೋಟಿ ಹೂಡಿಕೆಯಾಗಿದೆ. ಇದು ತಿಂಗಳವಾರು ಲೆಕ್ಕದಲ್ಲಿ ಆಗಿರುವ ಗರಿಷ್ಠ ಹೂಡಿಕೆಯಾಗಿದೆ ಎಂದು ವಿವರಿಸಿದೆ.</p>.<p>‘ನಿರೀಕ್ಷೆಗಿಂತಲೂ ಹಣದುಬ್ಬರ ಮತ್ತು ಬಡ್ಡಿದರ ಹೆಚ್ಚಳವಾಗಿದೆ. ಹಾಗಾಗಿ, ಸಾಂಪ್ರದಾಯಿಕ ಚಿನ್ನದ ಹೂಡಿಕೆಯತ್ತ ಹೂಡಿಕೆದಾರರ ಚಿತ್ತ ಹರಿದಿದೆ. ಇಸ್ರೇಲ್ ಮತ್ತು ಹಮಾಸ್ ಬಂಡುಕೋರರ ನಡುವಿನ ಕದನದ ಸುತ್ತಲಿನ ಅನಿಶ್ಚಿತತೆ ಕೂಡ ಹೂಡಿಕೆದಾರರಲ್ಲಿ ಚಿನ್ನವು ಸುರಕ್ಷಿತ ಎನ್ನುವ ಭಾವನೆ ಮೂಡಿಸಿದೆ. ಈ ಅಂಶಗಳೇ ಬಂಡವಾಳದ ಒಳಹರಿವು ಹೆಚ್ಚಲು ಕಾರಣವಾಗಿವೆ’ ಎಂದು ಮಾರ್ನಿಂಗ್ಸ್ಟಾರ್ ಇನ್ವೆಸ್ಟ್ಮೆಂಟ್ ರಿಸರ್ಚ್ ಇಂಡಿಯಾದ ಸಹ ನಿರ್ದೇಶಕ ಹಿಮಾಂಶು ಶ್ರೀವಾಸ್ತವ್ ಹೇಳಿದ್ದಾರೆ.</p>.<p>ನಿಧಿ ನಿರ್ವಹಣಾ ಮೌಲ್ಯ ಹೆಚ್ಚಳ: ಚಿನ್ನದ ನಿಧಿಗಳ ನಿರ್ವಹಣಾ (ಎಯುಎಂ) ಮೌಲ್ಯವು ಶೇ 27ರಷ್ಟು ಏರಿಕೆ ಕಂಡಿದೆ. 2022ರ ಡಿಸೆಂಬರ್ ಅಂತ್ಯಕ್ಕೆ ನಿರ್ವಹಣಾ ಮೌಲ್ಯವು ₹21,455 ಕೋಟಿ ಇತ್ತು. 2023ರ ಡಿಸೆಂಬರ್ನಲ್ಲಿ ₹27,336 ಕೋಟಿಗೆ ಹೆಚ್ಚಳವಾಗಿದೆ.</p>.<p>2022ರ ಅಂತ್ಯದಲ್ಲಿ ಚಿನ್ನದ ಇಟಿಎಫ್ಗಳಲ್ಲಿ ಹೂಡಿಕೆದಾರರ ಖಾತೆಗಳ ಸಂಖ್ಯೆ 46.38 ಲಕ್ಷ ಇತ್ತು. 2023ರಲ್ಲಿ 49.11 ಲಕ್ಷಕ್ಕೆ ಏರಿಕೆ ಆಗಿದೆ.</p>.<div><p><strong>ಪ್ರಜಾವಾಣಿ ಆ್ಯಪ್ ಇಲ್ಲಿದೆ: <a href="https://play.google.com/store/apps/details?id=com.tpml.pv">ಆಂಡ್ರಾಯ್ಡ್ </a>| <a href="https://apps.apple.com/in/app/prajavani-kannada-news-app/id1535764933">ಐಒಎಸ್</a> | <a href="https://whatsapp.com/channel/0029Va94OfB1dAw2Z4q5mK40">ವಾಟ್ಸ್ಆ್ಯಪ್</a>, <a href="https://www.twitter.com/prajavani">ಎಕ್ಸ್</a>, <a href="https://www.fb.com/prajavani.net">ಫೇಸ್ಬುಕ್</a> ಮತ್ತು <a href="https://www.instagram.com/prajavani">ಇನ್ಸ್ಟಾಗ್ರಾಂ</a>ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.</strong></p></div>
