ನವದೆಹಲಿ: ಇಲ್ಲಿನ ಚಿನಿವಾರ ಪೇಟೆಯಲ್ಲಿ ಸತತ ಎರಡನೇ ದಿನವೂ ಚಿನ್ನ, ಬೆಳಿ ದರದಲ್ಲಿ ಇಳಿಕೆ ಆಗಿದೆ.
ಗುರುವಾರ, 10ಗ್ರಾಂ ಚಿನ್ನ₹ 1,492ರಷ್ಟು ಗರಿಷ್ಠ ಇಳಿಕೆ ಕಂಡು ₹ 52,819ರಲ್ಲಿ ಮಾರಾಟವಾಯಿತು. ಬುಧವಾರ ₹650ರಷ್ಟು ಇಳಿಕೆ ಕಂಡಿತ್ತು. ಬೆಳ್ಳಿ ದರ ಕೆ.ಜಿ.ಗೆ ₹ 1,476ರಷ್ಟು ಇಳಿಕೆಯಾಗಿ ₹ 67,924ಕ್ಕೆ ತಲುಪಿತು. ಬುಧವಾರ ₹ 3,112ರಷ್ಟು ಇಳಿಕೆಯಾಗಿತ್ತು.
ಅಂತರರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಚಿನ್ನ, ಬೆಳ್ಳಿ ದರ ಇಳಿಕೆ ಆಗಿರುವುದೇ ದೇಶಿ ಮಾರುಕಟ್ಟೆಯಲ್ಲಿನ ಇಳಿಕೆಗೆ ಕಾರಣ ಎಂದು ಎಚ್ಡಿಎಫ್ಸಿ ಸೆಕ್ಯುರಿಟೀಸ್ ತಿಳಿಸಿದೆ.