ಬೆಂಗಳೂರು: ಐರೋಪ್ಯ ಒಕ್ಕೂಟವು ರಷ್ಯಾದ ಮೇಲೆ ಕಠಿಣ ಆರ್ಥಿಕ ನಿರ್ಬಂಧ ಹೇರಿರುವುದರಿಂದ ಜಾಗತಿಕ ಮಾರುಕಟ್ಟೆಯಲ್ಲಿ ಶುಕ್ರವಾರ ಚಿನ್ನ, ಬೆಳ್ಳಿ ದರ ಇಳಿಕೆ ಕಂಡಿತು. ಇದರಿಂದಾಗಿ ದೇಶಿ ಚಿನಿವಾರ ಪೇಟೆಗಳಲ್ಲಿಯೂ ಚಿನ್ನ, ಬೆಳ್ಳಿ ದರ ಕಡಿಮೆ ಆಯಿತು.
ಬೆಂಗಳೂರಿನಲ್ಲಿ 10 ಗ್ರಾಂ ಚಿನ್ನದ ದರ ₹ 1,660ರಷ್ಟು ಕಡಿಮೆ ಆಗಿ ₹ 52,280ಕ್ಕೆ ತಲುಪಿತು. ಬೆಳ್ಳಿ ಧಾರಣೆ ಕೆ.ಜಿ.ಗೆ ₹ 1,900ರಷ್ಟು ಕಡಿಮೆ ಆಗಿ ₹ 67,100ಕ್ಕೆ ತಲುಪಿದೆ ಎಂದು ಬೆಂಗಳೂರು ಚಿನ್ನಾಭರಣ ವರ್ತಕರ ಸಂಘ ತಿಳಿಸಿದೆ.
ದೆಹಲಿಯಲ್ಲಿ ಚಿನ್ನದ ದರ ₹ 1,274ರಷ್ಟು ಕಡಿಮೆ ಆಗಿದ್ದು 10 ಗ್ರಾಂಗೆ ₹ 50,913ಕ್ಕೆ ಇಳಿಕೆ ಆಗಿದೆ. ಬೆಳ್ಳಿ ಧಾರಣೆ ಕೆ.ಜಿಗೆ ₹ 2,219ರಷ್ಟು ಇಳಿಕೆ ಆಗಿ ₹ 64,809ರಂತೆ ಮಾರಾಟ ಆಗಿದೆ.
