ನವದೆಹಲಿ: ಕೇಂದ್ರ ಸರ್ಕಾರವು ಎಲೆಕ್ಟ್ರಿಕಲ್‌ ಸಾಧನಗಳು, ಅಲ್ಯುಮಿನಿಯಂ, ತಾಮ್ರದ ಉತ್ಪನ್ನಗಳ ಗುಣಮಟ್ಟ ನಿಯಂತ್ರಣಕ್ಕೆ ಸಂಬಂಧಿಸಿದ 58 ಆದೇಶಗಳನ್ನು ಆರು ತಿಂಗಳಿನಲ್ಲಿ ನೀಡಲಿದೆ ಎಂದು ಕೈಗಾರಿಕೆ ಉತ್ತೇಜನ ಮತ್ತು ಆಂತರಿಕ ವ್ಯಾಪಾರ ಇಲಾಖೆಯ ಜಂಟಿ ಕಾರ್ಯದರ್ಶಿ ಸಂಜೀವ್‌ ಹೇಳಿದ್ದಾರೆ.
ಕಡಿಮೆ ಗುಣಮಟ್ಟದ ಸರಕುಗಳ ಆಮದು ತಡೆಯುವ ಉದ್ದೇಶದಿಂದ ಈ ಕ್ರಮ ಎಂದು ತಿಳಿಸಿದ್ದಾರೆ. ಈ ಆದೇಶಗಳ ಅಡಿಯಲ್ಲಿ315 ಉತ್ಪನ್ನಗಳು ಬರಲಿವೆ. ಬಿಐಎಸ್‌ ಮಾರ್ಕ್‌ ಇಲ್ಲದೇ ಈ ಉತ್ಪನ್ನಗಳ ತಯಾರಿಕೆ, ಮಾರಾಟ/ವ್ಯಾಪಾರ, ಆಮದು ಮತ್ತು ದಾಸ್ತಾನು ಮಾಡುವಂತೆ ಇಲ್ಲ ಎಂದು ಅವರು ಹೇಳಿದ್ದಾರೆ.
