ಗುರುವಾರ , ಅಕ್ಟೋಬರ್ 24, 2019
21 °C

ಜಿಎಸ್‌ಟಿ ಸಂಗ್ರಹದಲ್ಲಿ ಇಳಿಕೆ; ಇದು 19 ತಿಂಗಳಲ್ಲಿ ಕನಿಷ್ಠ ಸಂಗ್ರಹ 

Published:
Updated:

ನವದೆಹಲಿಸರಕು ಮತ್ತು ಸೇವಾ ತೆರಿಗೆ (ಜಿಎಸ್‌ಟಿ) ಸಂಗ್ರಹ ಇಳಿಕೆಯಾಗಿದ್ದು, ಸೆಪ್ಟೆಂಬರ್ ತಿಂಗಳಲ್ಲಿ ಕೇವಲ ₹91,916 ಕೋಟಿ ಸಂಗ್ರಹವಾಗಿದೆ. ಕಳೆದ 19 ತಿಂಗಳಲ್ಲಿ ಕನಿಷ್ಠ ಸಂಗ್ರಹವಾಗಿದೆ ಇದು. 

ಮಂದಗತಿಯ ಆರ್ಥಿಕ ಬೆಳವಣಿಗೆಯು ಜಿಎಸ್‌ಟಿ ಸಂಗ್ರಹದ ಮೇಲೆಯೂ ಪರಿಣಾಮ ಬೀರುತ್ತಿದೆ. ತಿಂಗಳಿನಿಂದ ತಿಂಗಳಿಗೆ ಸಂಗ್ರಹದಲ್ಲಿ ಇಳಿಕೆ ಕಂಡುಬರುತ್ತಿದೆ.

2018 ಸಪ್ಟೆಂಬರ್ ತಿಂಗಳ  ಜಿಎಸ್‌ಟಿ ಸಂಗ್ರಹಕ್ಕೆ ಹೋಲಿಸಿದರೆ  ಈ ವರ್ಷದ ಜಿಎಸ್‌ಟಿ ಸಂಗ್ರಹ  2.67 ಶೇಕಡಾ ಇಳಿಕೆಯಾಗಿದೆ. ಕಳೆದ ವರ್ಷ ಜಿಎಸ್‌ಟಿ ಸಂಗ್ರಹ ₹94,442 ಕೋಟಿ ಆಗಿತ್ತು.

 ಇದನ್ನೂ ಓದಿ: ಕರ ಸಮಾಧಾನ ‘ಸಬ್‌ಕಾ ವಿಶ್ವಾಸ್ ’
 
2019 ಸೆಪ್ಟೆಂಬರ್‌ನಲ್ಲಿ ಒಟ್ಟು ಜಿಎಸ್‌ಟಿ ಆದಾಯ ₹91,916 ಆಗಿದೆ. ಇದರಲ್ಲಿ ಕೇಂದ್ರ ಜಿಎಸ್‌ಟಿ (ಸಿಜಿಎಸ್‌ಟಿ) ₹16, 630 ಕೋಟಿ,  ರಾಜ್ಯ ಜಿಎಸ್‌ಟಿ  (ಎಸ್‌ಜಿಎಸ್‌ಟಿ)  ₹22, 598 ಕೋಟಿ, ಸಂಯೋಜಿತ ಜಿಎಸ್‌ಟಿ (ಐಜಿಎಸ್‌ಟಿ ) ₹45,069 ಕೋಟಿ (  ರಫ್ತುನಿಂದ ಸಂಗ್ರಹವಾದ  22,097 ಸೇರಿಸಿ) ಮತ್ತು  ಸೆಸ್  ₹7,620 ಕೋಟಿ (ಆಮದುನಿಂದ ಸಂಗ್ರಹವಾದ ₹728 ಕೋಟಿ ಸೇರಿಸಿ)  ಸಂಗ್ರಹವಾಗಿದೆ ಎಂದು ವಿತ್ತ ಸಚಿವಾಲಯ ಹೇಳಿದೆ.

 ಜಿಎಸ್‌ಟಿ ಸಂಗ್ರಹವು ಸಿಜಿಎಸ್‌ಟಿ, ಎಸ್‌ಜಿಎಸ್‌ಟಿ  ಮತ್ತು ಸಂಯೋಜಿತ ಜಿಎಸ್‌ಟಿಯ ಒಟ್ಟು ಮೊತ್ತವಾಗಿದೆ.   
ಕೇಂದ್ರ ಸರ್ಕಾರ ಮತ್ತು ರಾಜ್ಯ ಸರ್ಕಾರ ಸೆಪ್ಟೆಂಬರ್ ತಿಂಗಳಲ್ಲಿ  ₹37,761 ಕೋಟಿ ಸಿಜಿಎಸ್‌ಟಿ ಮತ್ತು ₹37,719 ಕೋಟಿ ಎಸ್‌ಜಿಎಸ್‌ಟಿ ಗಳಿಸಿದೆ.

ಆಗಸ್ಟ್‌ನಲ್ಲಿ ₹ 98,202 ಕೋಟಿ ಸಂಗ್ರಹವಾಗಿತ್ತು. ಸೆಪ್ಟೆಂಬರ್‌ನಲ್ಲಿ ₹ 91,916 ಕೋಟಿಗೆ ಇಳಿಕೆಯಾಗಿದೆ ಎಂದು ಕೇಂದ್ರ ಹಣಕಾಸು ಸಚಿವಾಲಯ ಮಾಹಿತಿ ನೀಡಿದೆ.

2019ರ ಜನವರಿಯಿಂದ ಆಗಸ್ಟ್‌ ಅವಧಿಯಲ್ಲಿ ಮೂರನೇ ಬಾರಿಗೆ ಜಿಎಸ್‌ಟಿ ಸಂಗ್ರಹವು ₹ 1 ಲಕ್ಷ ಕೋಟಿ
ಗಿಂತಲೂ ಕೆಳಕ್ಕೆ ಇಳಿದಿದೆ. ಆಗಸ್ಟ್‌ ತಿಂಗಳ ಜಿಎಸ್‌ಟಿಆರ್‌ 3ಬಿ ಸಲ್ಲಿಕೆಯು ಸೆಪ್ಟೆಂಬರ್‌ 30ರವರೆಗೆ 75.94 ಲಕ್ಷದಷ್ಟಾಗಿದೆ.

ಇದನ್ನೂ ಓದಿ: ಜಿಎಸ್‌ಟಿ ಸಂಗ್ರಹ ₹98,202 ಕೋಟಿಗೆ ಇಳಿಕೆ

ಚುನಾವಣಾ ಫಲಿತಾಂಶ 2019 | ಹರಿಯಾಣ ಮತ್ತು ಮಹಾರಾಷ್ಟ್ರ ವಿಧಾನಸಭೆ 2019 ಚುನಾವಣೆಗೆ ಸಂಬಂಧಿಸಿದ ಸಮಗ್ರ ಸುದ್ದಿ, ಮಾಹಿತಿ, ವಿಶ್ಲೇಷಣೆ ಇಲ್ಲಿ ಲಭ್ಯ.

ಮಹಾರಾಷ್ಟ್ರ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ

ಹರಿಯಾಣ ವಿಧಾನಸಭೆಯ ಫಲಿತಾಂಶಕ್ಕಾಗಿ ಇಲ್ಲಿ ಕ್ಲಿಕ್ ಮಾಡಿ

ಪ್ರತಿಕ್ರಿಯಿಸಿ (+)