ನವದೆಹಲಿ: ಸರಕು ಮತ್ತು ಸೇವಾ ತೆರಿಗೆ (ಜಿಎಸ್ಟಿ) ಸಂಗ್ರಹವು ಸೆಪ್ಟೆಂಬರ್ನಲ್ಲಿ ₹ 95,480 ಕೋಟಿಗೆ ತಲುಪಿದೆ. ಪ್ರಸಕ್ತ ಹಣಕಾಸು ವರ್ಷದಲ್ಲಿ ಸಂಗ್ರಹ ಆಗಿರುವ ಗರಿಷ್ಠ ಮೊತ್ತ ಇದು ಎಂದು ಕೇಂದ್ರ ಹಣಕಾಸು ಸಚಿವಾಲಯ ಹೇಳಿದೆ.
2019ರ ಸೆಪ್ಟೆಂಬರ್ಗೆ ಹೋಲಿಸಿದರೆ ಈ ವರ್ಷದ ಸೆಪ್ಟೆಂಬರ್ನಲ್ಲಿ ಶೇಕಡ 4ರಷ್ಟು ಹೆಚ್ಚು ಹಣ ಸಂಗ್ರಹವಾಗಿದೆ.
ಸಂಗ್ರಹವಾಗಿರುವ ಒಟ್ಟಾರೆ ತೆರಿಗೆಯಲ್ಲಿ ಕೇಂದ್ರ ಜಿಎಸ್ಟಿ ಪಾಲು ₹ 17,741 ಕೋಟಿ, ರಾಜ್ಯ ಜಿಎಸ್ಟಿ ಪಾಲು ₹ 23,131 ಕೋಟಿ, ಸಮಗ್ರ ಜಿಎಸ್ಟಿ ₹ 47,484 ಕೋಟಿ ಹಾಗೂ ಸೆಸ್ ₹ 7,124 ಕೋಟಿ ಎಂದು ಸಚಿವಾಲಯ ತಿಳಿಸಿದೆ.