ನವದೆಹಲಿ: ಹೀರೊ ಎಲೆಕ್ಟ್ರಿಕ್‌ ಕಂಪನಿಯು ವಿದ್ಯುತ್ ಚಾಲಿತ ದ್ವಿಚಕ್ರ ವಾಹನಗಳ ಬೆಲೆಯನ್ನು ಗರಿಷ್ಠ ಶೇಕಡ 33ರವರೆಗೆ ಇಳಿಕೆ ಮಾಡಿದೆ. ಫೇಮ್‌–2 ಯೋಜನೆಯ ಅಡಿಯಲ್ಲಿ ಕೇಂದ್ರ ಸರ್ಕಾರವು ಕೆಲವು ಸಬ್ಸಿಡಿಗಳನ್ನು ಘೋಷಿಸಿದ ಬೆನ್ನಲ್ಲೇ ಕಂಪನಿ ಈ ಕ್ರಮ ಕೈಗೊಂಡಿದೆ.
ಬೆಲೆ ಇಳಿಕೆಯ ನಂತರ ಫೋಟೊನ್ ಎಚ್‌ಎಕ್ಸ್‌ ಮಾದರಿಯ ಬೆಲೆಯು ₹ 71,449 ಆಗಿದೆ (ಮೊದಲಿನ ಬೆಲೆ ₹ 79,940). ಮೂರು ಬ್ಯಾಟರಿಗಳು ಇರುವ ಎನ್‌ವೈಎಕ್ಸ್‌ ಎಚ್‌ಎಕ್ಸ್‌ ದ್ವಿಚಕ್ರ ವಾಹನದ ಬೆಲೆಯು ₹ 85,136ಕ್ಕೆ ತಗ್ಗಿದೆ (ಮೊದಲಿನ ಬೆಲೆ ₹ 1.13 ಲಕ್ಷ).
ಆಪ್ಟಿಮಾ ಇಆರ್‌ ಮಾದರಿಯ ಬೆಲೆಯು ₹ 58,980ಕ್ಕೆ ಇಳಿದಿದೆ ಎಂದು ಕಂಪನಿ ಹೇಳಿದೆ.
