ಬೆಂಗಳೂರು: ಹೋಂಡಾ ಮೋಟರ್‌ ಸೈಕಲ್‌ ಆ್ಯಂಡ್‌ ಸ್ಕೂಟರ್‌ ಇಂಡಿಯಾ ಪ್ರವೇಟ್‌ ಲಿಮಿಟೆಡ್‌, ಜಪಾನ್‌ ತಂತ್ರಜ್ಞಾನದ ನೆರವಿನಿಂದ ದೇಶೀಯವಾಗಿ ತಯಾರಿಸಿರುವ, ಆಕರ್ಷಕ ನೋಟದ ‘ಹೋಂಡಾ ಸಿಬಿ300ಆರ್‌’ ಬೈಕ್‌ ಶೀಘ್ರದಲ್ಲಿಯೇ ಭಾರತದ ರಸ್ತೆಗಳ ಮೇಲೆ ಸಂಚರಿಸಲಿದೆ.
ದೇಶದಾದ್ಯಂತ ಇರುವ ಆಯ್ದ ಹೋಂಡಾ ಡೀಲರ್‌ ಶಿಪ್‌ಗಳಲ್ಲಿ ₹ 5 ಸಾವಿರಪಾವತಿಸಿ ಬೈಕ್‌ ಬುಕಿಂಗ್‌ ಮಾಡಬಹುದಾಗಿದೆ.
‘ನಿಯೊ ಸ್ಪೋರ್ಟ್ಸ್‌ ಕೆಫೆ’ ಪರಿಕಲ್ಪನೆಯ ವಿನ್ಯಾಸದ ‘ಸಿಬಿ300ಆರ್‌’ ಬೈಕ್‌ ಅನ್ನು ಭಾರತದಲ್ಲಿಯೇ ತಯಾರಿಸಲಾಗಿದೆ. ಇದರ ಎಕ್ಸ್‌ಷೋರೂಂ ಬೆಲೆ ₹ 2.5 ಲಕ್ಷಕ್ಕಿಂತ ಕಡಿಮೆ ಇರಲಿದೆ.
‘ಅತ್ಯಾಧುನಿಕ ತಂತ್ರಜ್ಞಾನ ಒಳಗೊಂಡಿರುವ ಬೈಕ್‌, ಸವಾರರಿಗೆ ರೋಚಕ ಅನುಭವ ನೀಡಲಿದೆ. 286 ಸಿಸಿ ಸಾಮರ್ಥ್ಯದ, ಸಿಂಗಲ್‌ ಸಿಲಿಂಡರ್‌ ಎಂಜಿನ್‌ ಬೈಕ್‌ ವಿಶ್ವದಾದ್ಯಂತ ಸವಾರರ ಮೆಚ್ಚುಗೆಗೆ ಪಾತ್ರವಾಗಿದೆ’ ಎಂದು ಸಂಸ್ಥೆಯ ಹಿರಿಯ ಉಪಾಧ್ಯಕ್ಷ ಯದ್ವಿಂದರ್‌ ಸಿಂಗ್‌ ಗುಲೇರಿಯಾ ಹೇಳಿದ್ದಾರೆ.
