ಶೇ 11.5ರಷ್ಟು ಬೆಳವಣಿಗೆ ಕಾಣಲಿರುವ ಭಾರತ

ಭಾರತದ ನಂತರದ ಸ್ಥಾನದಲ್ಲಿ ಚೀನಾ (ಶೇ 8.1ರಷ್ಟು ಬೆಳವಣಿಗೆ ಸಾಧಿಸುವ ಅಂದಾಜು), ಸ್ಪೇನ್ (ಶೇ 5.9ರಷ್ಟು) ಮತ್ತು ಫ್ರಾನ್ಸ್ (ಶೇ 5.5) ಇವೆ. 2020ರಲ್ಲಿ ಭಾರತದ ಅರ್ಥ ವ್ಯವಸ್ಥೆಯು ಶೇ (–) 8ರಷ್ಟು ಕುಸಿತ ಕಂಡಿರುವ ಅಂದಾಜು ಇದೆ ಎಂದು ಐಎಂಎಫ್ ಹೇಳಿದೆ. 2020ರಲ್ಲಿ ಬೆಳವಣಿಗೆ ಸಾಧಿಸಿರುವ ಪ್ರಮುಖ ಅರ್ಥ ವ್ಯವಸ್ಥೆ ಚೀನಾದ್ದು ಮಾತ್ರ.

2022ರಲ್ಲಿ ಭಾರತದ ಅರ್ಥ ವ್ಯವಸ್ಥೆಯು ಶೇ 6.8ರಷ್ಟು ಬೆಳವಣಿಗೆ ಕಾಣಲಿದೆ, ಚೀನಾದ ಅರ್ಥ ವ್ಯವಸ್ಥೆ ಶೇ 5.6ರಷ್ಟು ಬೆಳವಣಿಗೆ ದಾಖಲಿಸಲಿದೆ ಎಂದು ಐಎಂಎಫ್ ಅಂದಾಜು ಮಾಡಿದೆ. ಹೊಸದಾಗಿ ಮಾಡಿರುವ ಅಂದಾಜಿನ ಕಾರಣದಿಂದಾಗಿ, ಭಾರತವು ವಿಶ್ವದಲ್ಲಿ ಅತ್ಯಂತ ವೇಗವಾಗಿ ಬೆಳವಣಿಗೆ ಕಾಣುತ್ತಿರುವ ಅರ್ಥ ವ್ಯವಸ್ಥೆಗಳಲ್ಲಿ ಒಂದು ಎಂಬ ಹೆಗ್ಗಳಿಕೆಯನ್ನು ಮತ್ತೆ ಪಡೆದುಕೊಂಡಂತೆ ಆಗಿದೆ.