ಹೆಚ್ಚಿದ ಆವಕ: ಬೆಳ್ಳುಳ್ಳಿ ದರ ಕುಸಿತ– ಗ್ರಾಹಕರು ನಿರಾಳ!

ಹಾವೇರಿ: ಜಿಲ್ಲೆಯ ವಿವಿಧೆಡೆ ರೈತರು ಬೆಳ್ಳುಳ್ಳಿ ಬೆಳೆದಿದ್ದಾರೆ. ಆದರೆ, ದರ ಕುಸಿತಗೊಂಡಿರುವುದು ಅವರಲ್ಲಿ ಬೇಸರ ಮೂಡಿಸಿದೆ. ಹಲಗೇರಿ ಮಾರುಕಟ್ಟೆ ಮತ್ತು ರಾಣೆಬೆನ್ನೂರು ಎಪಿಎಂಸಿ ಉಪ ಮಾರುಕಟ್ಟೆಯಲ್ಲಿ ಬೆಳ್ಳುಳ್ಳಿ ವಹಿವಾಟು ನಡೆಯುತ್ತದೆ. ಎರಡು ತಿಂಗಳ ಹಿಂದೆ ಹೈಬ್ರಿಡ್ ಬೆಳ್ಳುಳ್ಳಿ ದರವು ಕ್ವಿಂಟಲ್‌ಗೆ ₹34 ಸಾವಿರದಿಂದ ₹37 ಸಾವಿರ ದರ ಇತ್ತು. ಈಗ ಕ್ವಿಂಟಲ್‌ಗೆ ₹3,000 ದಿಂದ ₹3,500 ಸಾವಿರಕ್ಕೆ ಇಳಿದಿದೆ.

ಗದಗ: ಜಿಲ್ಲೆಯ ಲಕ್ಷ್ಮೇಶ್ವರ ತಾಲ್ಲೂಕಿನ ರಾಮಗೇರಿ, ಬಸಾಪುರ, ಮಾಗಡಿ, ಯಳವತ್ತಿ, ಯತ್ನಳ್ಳಿ, ಮಾಡಳ್ಳಿ ಭಾಗದಲ್ಲಿ ಸುಮಾರು 200 ಎಕರೆಯಲ್ಲಿ ಬೆಳ್ಳುಳ್ಳಿ ಬೆಳೆಯಲಾಗಿದೆ. ಪ್ರತಿ ವರ್ಷ ಇಷ್ಟೇ ಪ್ರಮಾಣದಲ್ಲಿ ಬೆಳೆಯಲಾಗುತ್ತದೆ’ ಎಂಬುದು ತೋಟಗಾರಿಕೆ ಇಲಾಖೆಯ ಉಪ ನಿರ್ದೇಶಕ ಶಶಿಕಾಂತ ಕೋಟಿಮನಿ ಅವರ ವಿವರಣೆ. ‘ಜಿಲ್ಲೆಯಲ್ಲಿ ಎರಡು ತಿಂಗಳ ಹಿಂದೆ ಬೆಳ್ಳುಳ್ಳಿ ದರ ಕ್ವಿಂಟಲ್‌ಗೆ ₹30 ಸಾವಿರದಿಂದ ₹40 ಸಾವಿರ ಇತ್ತು. ಸದ್ಯ ₹5 ಸಾವಿರದಿಂದ ₹6 ಸಾವಿರ ಇದೆ. ಇನ್ನು ಎರಡು ವಾರ ಕಳೆದರೆ ಮತ್ತೆ ದರ ಏರಿಕೆಯಾಗಬಹುದು’ ಎನ್ನುತ್ತಾರೆ ವ್ಯಾಪಾರಿ ಮಾಳಗಿಮನಿ.