ಮಂಗಳವಾರ, ಸೆಪ್ಟೆಂಬರ್ 28, 2021
24 °C

ದೇಶದ ತಯಾರಿಕಾ ವಲಯದ ವಹಿವಾಟಿನಲ್ಲಿ ಏರಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

Prajavani

ನವದೆಹಲಿ:‘ದೇಶದ ತಯಾರಿಕಾ ವಲಯದ ವಹಿವಾಟು ಜುಲೈನಲ್ಲಿ ಏರಿಕೆ ಕಂಡಿದೆ. ಇದು ಮೂರು ತಿಂಗಳಲ್ಲಿ ಉಂಟಾದ ಪ್ರಬಲ ಬೆಳವಣಿಗೆಯಾಗಿದೆ’ ಎಂದು ಮಾಸಿಕ ಸಮೀಕ್ಷೆಯೊಂದು ಸೋಮವಾರ ಹೇಳಿದೆ.

ಜೂನ್‌ನಲ್ಲಿ 48.1 ರಷ್ಟಿದ್ದ ಐಎಚ್‌ಎಸ್‌ ಮಾರ್ಕಿಟ್‌ ಇಂಡಿಯಾದ ಪಿಎಂಐ ಸೂಚ್ಯಂಕವು ಜುಲೈ ವೇಳೆಗೆ 55.3ಕ್ಕೆ ಏರಿಕೆಯಾಗಿದೆ.

‘ದೇಶದ ತಯಾರಿಕಾ ವಲಯದ ಚಟುವಟಿಕೆಗಳು ಜೂನ್‌ನಲ್ಲಿ ಕುಗ್ಗಿತ್ತು. ಆದರೆ ಇದೀಗ ತಯಾರಿಕಾ ವಲಯವು ಚೇತರಿಸಿಕೊಳ್ಳುತ್ತಿದೆ. ಮೂರನೇ ಒಂದು ಭಾಗದಷ್ಟು ಕಂಪೆನಿಗಳ ಮಾಸಿಕ ಉತ್ಪಾದನೆಯು ವಿಸ್ತರಣೆಗೊಂಡಿದೆ. ಜುಲೈ ವೇಳೆಗೆ ಸ್ಥಳೀಯ ಕೋವಿಡ್‌ ನಿಯಮಗಳನ್ನು ಸಡಿಲಗೊಳಿಸಲಾಯಿತು. ಅಲ್ಲದೆ ಬೇಡಿಕೆ ಪ್ರಮಾಣದಲ್ಲೂ ಸುಧಾರಣೆ ಉಂಟಾದ್ದರಿಂದ ವಹಿವಾಟಿನಲ್ಲಿ ಏರಿಕೆಯಾಗಿದೆ’ ಎಂದು ಐಎಚ್‌ಎಚ್‌ ಮಾರ್ಕಿಟ್‌ನ ಅರ್ಥಶಾಸ್ತ್ರದ ಸಹಾಯಕ ನಿರ್ದೇಶಕರಾದ ಪಾಲಿಯಾನ ಡಿ. ಲಿಮಾ ಅವರು ಹೇಳಿದರು.

‘ಕೋವಿಡ್‌ ಪಿಡುಗು ಹೀಗೆಯೇ ಕಡಿಮೆಯಾಗುತ್ತಾ ಹೋದರೆ 2021ರ ಸಾಲಿನಲ್ಲಿ ಕೈಗಾರಿಕಾ ಉತ್ಪಾದನೆಯಲ್ಲಿ ಶೇಕಡ 9.7 ವಾರ್ಷಿಕ ಹೆಚ್ಚಳ ಉಂಟಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಅಲ್ಲದೆ ಜುಲೈ ತಿಂಗಳಲ್ಲಿ ಉದ್ಯೋಗ ಸೃಷ್ಟಿ ಪ್ರಮಾಣದಲ್ಲೂ ಸ್ವಲ್ಪಮಟ್ಟಿಗೆ ಏರಿಕೆಯಾಗಿದೆ’ ಎಂದು ಅವರು ತಿಳಿಸಿದರು.

 

ತಾಜಾ ಮಾಹಿತಿ ಪಡೆಯಲು ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು