ದೇಶದ ತಯಾರಿಕಾ ವಲಯದ ವಹಿವಾಟಿನಲ್ಲಿ ಏರಿಕೆ

ಜೂನ್‌ನಲ್ಲಿ 48.1 ರಷ್ಟಿದ್ದಐಎಚ್‌ಎಸ್‌ ಮಾರ್ಕಿಟ್‌ ಇಂಡಿಯಾದ ಪಿಎಂಐ ಸೂಚ್ಯಂಕವು ಜುಲೈ ವೇಳೆಗೆ 55.3ಕ್ಕೆ ಏರಿಕೆಯಾಗಿದೆ.

‘ದೇಶದ ತಯಾರಿಕಾ ವಲಯದ ಚಟುವಟಿಕೆಗಳು ಜೂನ್‌ನಲ್ಲಿ ಕುಗ್ಗಿತ್ತು. ಆದರೆ ಇದೀಗ ತಯಾರಿಕಾ ವಲಯವು ಚೇತರಿಸಿಕೊಳ್ಳುತ್ತಿದೆ. ಮೂರನೇ ಒಂದು ಭಾಗದಷ್ಟು ಕಂಪೆನಿಗಳ ಮಾಸಿಕ ಉತ್ಪಾದನೆಯು ವಿಸ್ತರಣೆಗೊಂಡಿದೆ. ಜುಲೈ ವೇಳೆಗೆ ಸ್ಥಳೀಯ ಕೋವಿಡ್‌ ನಿಯಮಗಳನ್ನು ಸಡಿಲಗೊಳಿಸಲಾಯಿತು. ಅಲ್ಲದೆ ಬೇಡಿಕೆ ಪ್ರಮಾಣದಲ್ಲೂ ಸುಧಾರಣೆ ಉಂಟಾದ್ದರಿಂದ ವಹಿವಾಟಿನಲ್ಲಿ ಏರಿಕೆಯಾಗಿದೆ’ ಎಂದು ಐಎಚ್‌ಎಚ್‌ ಮಾರ್ಕಿಟ್‌ನ ಅರ್ಥಶಾಸ್ತ್ರದ ಸಹಾಯಕ ನಿರ್ದೇಶಕರಾದ ಪಾಲಿಯಾನ ಡಿ. ಲಿಮಾ ಅವರು ಹೇಳಿದರು.

‘ಕೋವಿಡ್‌ ಪಿಡುಗು ಹೀಗೆಯೇ ಕಡಿಮೆಯಾಗುತ್ತಾ ಹೋದರೆ 2021ರ ಸಾಲಿನಲ್ಲಿ ಕೈಗಾರಿಕಾ ಉತ್ಪಾದನೆಯಲ್ಲಿ ಶೇಕಡ 9.7 ವಾರ್ಷಿಕ ಹೆಚ್ಚಳ ಉಂಟಾಗಬಹುದು ಎಂದು ನಿರೀಕ್ಷಿಸಲಾಗಿದೆ. ಅಲ್ಲದೆ ಜುಲೈ ತಿಂಗಳಲ್ಲಿ ಉದ್ಯೋಗ ಸೃಷ್ಟಿ ಪ್ರಮಾಣದಲ್ಲೂ ಸ್ವಲ್ಪಮಟ್ಟಿಗೆ ಏರಿಕೆಯಾಗಿದೆ’ ಎಂದು ಅವರು ತಿಳಿಸಿದರು.