ನವದೆಹಲಿ: ವೈವಿಧ್ಯಮಯ ವಹಿವಾಟು ನಡೆಸುವ ಉದ್ದಿಮೆ ಸಂಸ್ಥೆ ಐಟಿಸಿ, ಮಸಾಲೆತಯಾರಿಸುವ ಸನ್‌ರೈಸ್‌ ಫುಡ್ಸ್‌ ಪ್ರೈವೇಟ್ ಲಿಮಿಟೆಡ್‌ (ಎಸ್‌ಎಫ್‌ಎಪಿಎಲ್‌) ಖರೀದಿಸಿದೆ.
ಈ ಸ್ವಾಧೀನ ಪ್ರಕ್ರಿಯೆಯ ಒಟ್ಟಾರೆ ಮೊತ್ತದ ವಿವರಗಳನ್ನು ಕಂಪನಿಯು ಬಹಿರಂಗಪಡಿಸಿಲ್ಲ. ಮೂಲಗಳ ಪ್ರಕಾರ, ಖರೀದಿ ಮೊತ್ತ ₹1,800 ಕೋಟಿಗಳಿಂದ ₹2,000 ಕೋಟಿಗಳಷ್ಟು ಇರಲಿದೆ.
70 ವರ್ಷಗಳಿಂದ ವಹಿವಾಟು ನಡೆಸುತ್ತಿರುವ ಸನ್‌ರೈಸ್‌, ಪೂರ್ವ ಭಾರತದ ಮಾರುಕಟ್ಟೆಯಲ್ಲಿ ಮುಂಚೂಣಿಯಲ್ಲಿ ಇದೆ. ಈ ಉದ್ದೇಶಿತ ಸ್ವಾಧೀನದಿಂದ ತನ್ನ ತ್ವರಿತವಾಗಿ ಬಿಕರಿಯಾಗುವ ಗ್ರಾಹಕ ಉತ್ಪನ್ನಗಳ (ಎಫ್‌ಎಂಸಿಜಿ) ವಹಿವಾಟು ಗಮನಾರ್ಹವಾಗಿ ಹೆಚ್ಚಳಗೊಳ್ಳಲಿದೆ ಎಂದು ಐಟಿಸಿ ತಿಳಿಸಿದೆ. ಷೇರು ಖರೀದಿ ಮೂಲಕ ಈ ಸ್ವಾಧೀನ ಪ್ರಕ್ರಿಯೆ ನಡೆದಿದೆ.
ITC enters into a Share Purchase Agreement to acquire 100% equity share capital of Sunrise Foods Private Limited. Get the details at: https://t.co/9rBnYB5TQ7
