ಜೆಎಸ್‌ಡಬ್ಲ್ಯು ಸ್ಟೀಲ್‌ ಸಾಮರ್ಥ್ಯ ವೃದ್ಧಿ

‘ಈ ಘಟಕದಲ್ಲಿ ಸದ್ಯಕ್ಕೆ ವರ್ಷಕ್ಕೆ 1.20 ಕೋಟಿ ಟನ್‌ ಉಕ್ಕು ತಯಾರಾಗುತ್ತಿದೆ. ಎರಡು ಹಂತದಲ್ಲಿ ತಯಾರಿಕಾ ಸಾಮರ್ಥ್ಯವನ್ನು 2.40 ಕೋಟಿ ಟನ್‌ಗೆ ಹೆಚ್ಚಿಸಲು ಯೋಜನೆ ರೂಪಿಸಲಾಗಿದೆ.ಆ ಮೂಲಕ ಇದನ್ನು ವಿಶ್ವದಲ್ಲಿಯೇ ಅತಿ ಹೆಚ್ಚು ಉಕ್ಕು ತಯಾರಿಕಾ ಘಟಕವನ್ನಾಗಿ ರೂಪಿಸುವ ಗುರಿ ಹೊಂದಿದ್ದೇವೆ' ಎಂದು ಜೆಎಸ್‌ಡಬ್ಲ್ಯು ಸ್ಟೀಲ್‌ನ ಉಪ ವ್ಯವಸ್ಥಾಪಕ ನಿರ್ದೆಶಕ ವಿನೋದ್‌ ನಾವಲ್‌ ಅವರು ಸುದ್ದಿಗೋಷ್ಠಿಯಲ್ಲಿ ತಿಳಿಸಿದರು.

‘ರಾಜ್ಯದಲ್ಲಿ ಕಬ್ಬಿಣದ ಅದಿರಿನ ಕೊರತೆ ಇದ್ದು, ಆಸ್ಟ್ರೇಲಿಯಾದಿಂದ 40 ಲಕ್ಷ ಟನ್‌ ಆಮದು ಮಾಡಿಕೊಳ್ಳಲಾಗುವುದು. ಕಂಪನಿಯ ತಯಾರಿಕಾ ಸಾಮರ್ಥ್ಯ ಹೆಚ್ಚಿಸಲು ಒಟ್ಟಾರೆ ₹ 45 ಸಾವಿರ ಕೋಟಿ ಹೂಡಿಕೆ ಮಾಡಲಾಗುವುದು’ ಎಂದು ತಿಳಿಸಿದರು.

ಡೆಮಿಂಗ್‌ ಪ್ರಶಸ್ತಿ:ವಿಜಯನಗರ ಘಟಕದಲ್ಲಿ ಗುಣಮಟ್ಟ ನಿರ್ವಹಣೆಗೆ (ಟಿಕ್ಯುಎಂ)ಸಂಬಂಧಿಸಿದಂತೆ ಜಾಪನೀಸ್‌ ಯೂನಿಯನ್‌ ಆಫ್‌ ಸೈಂಟಿಸ್ಟ್ಸ್ ಆ್ಯಂಡ್‌ ಎಂಜಿನಿಯರ್ಸ್‌ನ (ಜೂಸ್‌) ಪ್ರತಿಷ್ಠಿತ ಡೆಮಿಂಗ್‌ ಪ್ರಶಸ್ತಿ ಲಭಿಸಿದೆ.

2020ರ ವೇಳೆಗೆ ತಮಿಳುನಾಡಿನ ಸೇಲಂಮತ್ತು ಮಹಾರಾಷ್ಟ್ರದ ಡೊಲ್ವಿ ಘಟಕಗಳಲ್ಲಿಯೂ ‘ಟಿಕ್ಯುಎಂ’ ಜಾರಿಗೊಳಿಸಲು ಕಂಪನಿ ಉದ್ದೇಶಿಸಿದೆ.