ಎಲ್‌ಐಸಿ: ₹13,763 ಕೋಟಿ ಲಾಭ

2022–23ರ ಇದೇ ಅವಧಿಯಲ್ಲಿ ನಿಗಮವು ₹13,428 ಕೋಟಿ ಲಾಭ ಗಳಿಸಿತ್ತು. ಈ ಲಾಭಕ್ಕೆ ಹೋಲಿಸಿದರೆ ಶೇ 2ರಷ್ಟು ಏರಿಕೆಯಾಗಿದೆ. ವರಮಾನವು ₹2 ಲಕ್ಷ ಕೋಟಿಯಿಂದ ₹2.50 ಲಕ್ಷ ಕೋಟಿಗೆ ಹೆಚ್ಚಳವಾಗಿದೆ ಎಂದು ನಿಗಮವು ಷೇರುಪೇಟೆಗೆ ಸೋಮವಾರ ತಿಳಿಸಿದೆ.

ಮೊದಲ ವರ್ಷದ ಎಲ್‌ಐಸಿ ಕಂತು ತುಂಬುವಿಕೆ ವರಮಾನದಲ್ಲಿ ಸುಧಾರಣೆಯಾಗಿದ್ದು, ₹12,811 ಕೋಟಿಯಿಂದ ₹13,810 ಕೋಟಿಗೆ ಏರಿಕೆಯಾಗಿದೆ. ನವೀಕರಿಸಿದ ಪ್ರೀಮಿಯಂ ಮೂಲಕ ಗಳಿಸಿದ ವರಮಾನವು ₹76,009 ಕೋಟಿಯಿಂದ ₹77,368 ಕೋಟಿಗೆ ಹೆಚ್ಚಳವಾಗಿದೆ.

2023–24ರ ಪೂರ್ಣ ಹಣಕಾಸು ವರ್ಷದಲ್ಲಿ ನಿಗಮದ ಲಾಭವು ₹40,676 ಕೋಟಿಗೆ ಏರಿಕೆಯಾಗಿದೆ. ಹಿಂದಿನ ಇದೇ ಅವಧಿಯಲ್ಲಿ ₹36,397 ಕೋಟಿ ಲಾಭ ಗಳಿಸಿತ್ತು ಎಂದು ತಿಳಿಸಿದೆ.