ಟೋಲ್‌, ವಾಹನ, ಗ್ಯಾಸ್‌ ದರ ಹೆಚ್ಚಳ: ಇಂದಿನಿಂದ ಆಗುವ ಬದಲಾವಣೆಗಳಿವು

ಏ.1 ರಿಂದ ಉಂಟಾಗುವ ಬದಲಾವಣೆಗಳು ಯಾವೆಲ್ಲಾ? ಸಂಕ್ಷಿಪ್ತ ಮಾಹಿತಿ ಇಲ್ಲಿದೆ.

* 6 ಅಂಕೆಗಳ ಅಕ್ಷರಸಂಖ್ಯಾಯುಕ್ತ (alphanumeric) ಎಚ್‌ಯುಐಡಿ ಹೊಂದಿರುವ ಆಭರಣ ಹಾಗೂ ಕಲಾಕೃತಿಗಳನ್ನು ಮಾತ್ರ ಮಾರಾಟ ಮಾಡಲು ಸಾಧ್ಯ.

* ಎಕ್ಸ್‌ಪ್ರೆಸ್‌ವೇ ಟೋಲ್‌ ದರ ಶೇ 3.5 ರಿಂದ ಶೇ 7 ರಷ್ಟು ಏರಿಕೆಯಾಗಲಿದೆ.

* ಸರ್ಕಾರೇತರ ವೇತನದಾರರ ರಜೆ ನಗದೀಕರಣ ಮೇಲಿನ ತೆರಿಗೆ ವಿನಾಯಿತಿ ₹ 3,00,000 ಲಕ್ಷದಿಂದ ₹ 25,00,000 ಕ್ಕೆ ಏರಿಕೆಯಾಗಲಿದೆ. 2023ರ ಬಜೆಟ್‌ನಲ್ಲಿ ಈ ಘೋಷಣೆಯಾಗಿತ್ತು.

* ₹ 2,000ಕ್ಕಿಂತ ಮೇಲ್ಪಟ್ಟ ಯುಪಿಐ ವಹಿವಾಟಿಗೆ ವ್ಯಾಪಾರಿಗಳಿಗೆ ಶೇ 1.1 ರಷ್ಟು ಕಾರ್ಯಸಾಧ್ಯತಾ ಶುಲ್ಕ ಅನ್ವಯವಾಗಲಿದೆ.

* ಆಮ್ಲಜನಕ ಔಷಧಗಳು, ನೋವುನಿವಾರಕಗಳು ಹಾಗೂ ಜೀವರಕ್ಷಕ ಔಷಧಿಗಳ ಬೆಲೆ ಏರಿಕೆಯಾಗಲಿವೆ.

* ಪೆಟ್ರೋಲಿಯಂ ಉತ್ಪನ್ನ ಸರಬರಾಜುದಾರರು ಹೊಸ ಆರ್ಥಿಕ ವರ್ಷಕ್ಕೆ ಬೆಲೆ ಪರಿಷ್ಕರಣೆ ಮಾಡುವುದರಿಂದ ಗ್ಯಾಸ್ ಬೆಲೆ ಏರಿಕೆಯಾಗಲಿದೆ. ವಾಣಿಜ್ಯ ಎಲ್‌ಪಿಜಿ ದರ ₹ 250ಗಿಂತ ಹೆಚ್ಚಳವಾಗುವ ಸಾಧ್ಯತೆ ಇದೆ.

* ಎಲ್ಲಾ ಹೊಸ ವಾಹನಗಳು ಬಿಎಸ್‌–6 ಶ್ರೇಣಿಯ ಎರಡನೇ ಹಂತದ ಹೊಗೆ ಹೊರಸೂಸುವಿಕೆ ಮಾನದಂಡವನ್ನು ಪಾಲಿಸುವುದು ಕಡ್ಡಾಯ.

* ಎಲ್ಲಾ ವೇತನದಾರರಿಗೆ ಹೊಸ ಆದಾಯ ತೆರಿಗೆ ಪದ್ಧತಿಯು ಡಿಫಾಲ್ಟ್‌ ತೆರಿಗೆ ಪದ್ಧತಿಯಾಗಿರಲಿದೆ.

* ಹಿರಿಯ ನಾಗರಿಕರ ಉಳಿತಾಯ ಯೋಜನೆಯ ಗರಿಷ್ಠ ಮಿತಿ ₹ 30,00,000 ಲಕ್ಷಕ್ಕೆ ಏರಿಕೆಯಾಗಲಿದೆ.

* ವಾರ್ಷಿಕ 5 ಲಕ್ಷ ಪ್ರೀಮಿಯಂ ಹೊಂದಿರುವ ಜೀವ ವಿಮೆ ತೆರಿಗೆ ವ್ಯಾಪ್ತಿಗೆ ಒಳಪಡಲಿದೆ.