ದೇಶದ ಆರ್ಥಿಕತೆ ‘ಸ್ಥಿರ’ ಎಂದ ಮೂಡಿಸ್

ಆದರೆ, ಸಾಲದ ಹೊರೆ ಹಾಗೂ ಸಾಲವನ್ನು ‍ಪಡೆಯುವ ವಿಚಾರದಲ್ಲಿ ಹೆಚ್ಚಿನ ಸಾಮರ್ಥ್ಯ ಇಲ್ಲದಿರುವುದರಿಂದ ಎದುರಾಗಬಹುದಾದ ಅಪಾಯಗಳು ಉಳಿದುಕೊಂಡಿವೆ ಎಂದು ಸಂಸ್ಥೆ ಎಚ್ಚರಿಸಿದೆ.

ಆರ್ಥಿಕ ಚೇತರಿಕೆಯು ನಡೆಯುತ್ತಿದೆ. ಆರ್ಥಿಕ ಚಟುವಟಿಕೆಗಳು ಚುರುಕು ಪಡೆಯುತ್ತಿವೆ. ಮುಂದಿನ ಕೆಲವು ವರ್ಷಗಳಲ್ಲಿ ವಿತ್ತೀಯ ಕೊರತೆಯು ಹಂತಹಂತವಾಗಿ ಕಡಿಮೆ ಆಗುತ್ತದೆ ಎಂದು ಸಂಸ್ಥೆ ಹೇಳಿದೆ.

ಪ್ರಸಕ್ತ ಹಣಕಾಸು ವರ್ಷದಲ್ಲಿ ದೇಶದ ಜಿಡಿಪಿ ಬೆಳವಣಿಗೆ ದರವು 2019ರ ಮಟ್ಟಕ್ಕಿಂತ ಹೆಚ್ಚಿನದಾಗಿರಲಿದೆ ಎಂದು ಮೂಡಿಸ್ ಅಂದಾಜು ಮಾಡಿದೆ. ಈ ವರ್ಷ ಶೇ 9.3ರಷ್ಟು ಬೆಳವಣಿಗೆ, ಮುಂದಿನ ವರ್ಷದಲ್ಲಿ ಶೇ 7.9ರಷ್ಟು ಬೆಳವಣಿಗೆ ಇರಲಿದೆ ಎಂದು ಹೇಳಿದೆ.