‘ನಮ್ಮಲ್ಲಿ ಉದ್ದಿಮೆಗಳಿಗೆ ಉತ್ತೇಜನ ನೀಡುವ ವಲಯಗಳನ್ನು ಸ್ಥಾಪಿಸಲಾಗಿದೆ. ವಿದೇಶಿ ಹೂಡಿಕೆದಾರರಿಗೆ ಮೊದಲ ಐದು ವರ್ಷಗಳವರೆಗೆ ಕಾರ್ಪೊರೇಟ್ ತೆರಿಗೆ ಪಾವತಿಯಿಂದ ಸಂಪೂರ್ಣ ವಿನಾಯಿತಿ ನೀಡಲಾಗಿದೆ. ನಂತರದ ವರ್ಷಗಳಲ್ಲಿ ವಾರ್ಷಿಕ ಶೇಕಡ 15ರಷ್ಟು ತೆರಿಗೆ ಪಾವತಿಸಬೇಕಾಗುತ್ತದೆ. ಆರಂಭದ ಹದಿನೈದು ವರ್ಷಗಳವರೆಗೆ ವೃತ್ತಿ ತೆರಿಗೆಯಿಂದ ವಿನಾಯಿತಿ ಇದೆ’ ಎಂದು ಮೊರಕ್ಕೊ ದೇಶದ ಹೂಡಿಕೆ ಮತ್ತು ರಫ್ತು ಅಭಿವೃದ್ಧಿ ಸಂಸ್ಥೆಯ (ಎಎಂಡಿಐಇ) ಮಹಾನಿರ್ದೇಶಕ ಯೂಸಫ್ ಎಲ್ ಬಾರಿ ತಿಳಿಸಿದ್ದಾರೆ.
