ಸ್ಟಾಕ್‌ಹೋಮ್‌: ನೋಕಿಯಾ ಕಂಪನಿಯು ವೆಚ್ಚ ಕಡಿಮೆ ಮಾಡಿಕೊಳ್ಳುವ ಪ್ರಯತ್ನದ ಭಾಗವಾಗಿ 14 ಸಾವಿರ ಸಿಬ್ಬಂದಿಯನ್ನು ಕೆಲಸದಿಂದ ತೆಗೆಯುವುದಾಗಿ ಗುರುವಾರ ಹೇಳಿದೆ.
ಮೂರನೇ ತ್ರೈಮಾಸಿಕದಲ್ಲಿ 5ಜಿ ಸಾಧನಗಳನ್ನೂ ಒಳಗೊಂಡು ಒಟ್ಟು ಮಾರಾಟದಲ್ಲಿ ಇಳಿಕೆ ಕಂಡುಬಂದಿದೆ. ಹೀಗಾಗಿ ವೆಚ್ಚ ತಗ್ಗಿಸಲು ಕಂಪನಿಯು ಈ ನಿರ್ಧಾರಕ್ಕೆ ಬಂದಿದೆ. ಕಂಪನಿಯು ತನ್ನ ಒಟ್ಟು ವೆಚ್ಚವನ್ನು 2026ರ ಒಳಗಾಗಿ ₹6,988 ಕೋಟಿಯಿಂದ ₹9,960 ಕೋಟಿಯವರೆಗೆ ತಗ್ಗಿಸುವ ಗುರಿಯನ್ನು ಇಟ್ಟುಕೊಂಡಿದೆ.
ಮೂರನೇ ತ್ರೈಮಾಸಿಕದಲ್ಲಿ ಕಂಪನಿಯ ಮಾರಾಟವು ₹54,912 ಕೋಟಿಯಿಂದ ₹43,824 ಕೋಟಿಗೆ ಇಳಿಕೆ ಕಂಡಿದೆ.
