ನವದೆಹಲಿ: ತನ್ನ ರಿಟೇಲ್ ವಹಿವಾಟಿನ ಷೇರುಗಳನ್ನು ಜಿಐಸಿ ಮತ್ತು ಟಿಪಿಜಿ ಕಂಪನಿಗಳಿಗೆ ಮಾರಾಟ ಮಾಡುವ ಮೂಲಕ ₹ 7,350 ಕೋಟಿ ಸಂಗ್ರಹಿಸುವುದಾಗಿ ರಿಲಯನ್ಸ್ ಇಂಡಸ್ಟ್ರೀಸ್ ಶನಿವಾರ ತಿಳಿಸಿದೆ.
ಜಿಐಸಿ ಕಂಪನಿಯು ಶೇ 1.22 ರಷ್ಟು ಷೇರುಗಳನ್ನು ಖರೀದಿಸುವ ಮೂಲಕ ₹ 5,512.5 ಕೋಟಿ ಹೂಡಿಕೆ ಮಾಡಿದ್ದು, ಟಪಿಜಿ ಕಂಪನಿಯು ಶೇ 0.41ರಷ್ಟು ಷೇರುಗಳನ್ನು ಖರೀದಿಸಿ ₹ 1,837.5 ಕೋಟಿ ಹೂಡಿಕೆ ಮಾಡಿದೆ ಎಂದು ರಿಲಯನ್ಸ್ ತನ್ನ ಪ್ರಕಟಣೆಯಲ್ಲಿ ತಿಳಿಸಿದೆ.
ರಿಲಯನ್ಸ್ ಇಂಡಸ್ಟ್ರೀಸ್ ಸೆಪ್ಟೆಂಬರ್ 9 ರಿಂದ ಇಲ್ಲಿಯವರೆಗೆ ಶೇ 7.28 ರಷ್ಟು ಷೇರುಗಳನ್ನು ಮಾರಾಟ ಮಾಡಿದ್ದು ₹ 32,197.50 ಕೋಟಿ ಸಂಗ್ರಹಿಸಿದೆ.
ರಿಲಯನ್ಸ್ ರಿಟೇಲ್ ದೇಶದಾದ್ಯಂತ 7 ಸಾವಿರ ಪಟ್ಟಣಗಳಲ್ಲಿ 12 ಸಾವಿರ ಮಳಿಗೆಗಳನ್ನು ಹೊಂದಿದೆ. ದಿನಸಿ, ಎಲೆಕ್ಟ್ರಾನಿಕ್ಸ್ ಮತ್ತು ಸಿದ್ಧ ಉಡುಪುಗಳನ್ನು ಮಾರಾಟ ಮಾಡುತ್ತಿದೆ. 2019–20ರಲ್ಲಿ ರಿಲಯನ್ಸ್ ರಿಟೇಲ್ನ ವರಮಾನ ₹ 1.63 ಲಕ್ಷ ಕೋಟಿ ಇತ್ತು.