ಆರ್‌ಐಎಲ್‌: ಹಕ್ಕಿನ ಷೇರುಖರೀದಿಸಲು ಕಂತು ಸೌಲಭ್ಯ

ನವದೆಹಲಿ : ರಿಲಯನ್ಸ್ ಇಂಡಸ್ಟ್ರೀಸ್ನ (ಆರ್ಐಎಲ್) ಹಕ್ಕಿನ ಷೇರುಗಳನ್ನು ಖರೀದಿಸಲು ಮುಂದಾಗುವ ಕಂಪನಿಯ ಷೇರುದಾರರಿಗೆ ಕಂತುಗಳಲ್ಲಿ ಹಣ ಪಾವತಿಸುವ ಸೌಲಭ್ಯ ಒದಗಿಸಲಾಗಿದೆ.

. ₹ 53,125 ಕೋಟಿ ಮೊತ್ತದ ಹಕ್ಕಿನ ಷೇರುಗಳನ್ನು ಖರೀದಿಸುವವರು ಮೊದಲ ಕಂತಿನಲ್ಲಿ ಶೇ 25ರಷ್ಟು ಮತ್ತು ಉಳಿದ ಮೊತ್ತವನ್ನು ಮುಂದಿನ ವರ್ಷದಲ್ಲಿ ಎರಡು ಕಂತುಗಳಲ್ಲಿ ಪಾವತಿಸುವ ಅವಕಾಶ ಕಲ್ಪಿಸಲಾಗಿದೆ.

. ಹಕ್ಕಿನ ಷೇರುಗಳ ನೀಡಿಕೆ ಇದೇ 20ರಂದು ಆರಂಭಗೊಂಡು ಜೂನ್ 3ಕ್ಕೆ ಕೊನೆಗೊಳ್ಳಲಿದೆ. ಪ್ರತಿ 15 ಷೇರಿಗೆ ಒಂದು ಹಕ್ಕಿನ ಷೇರಿನ ರೂಪದಲ್ಲಿ (1;15) ₹ 1,257ರ ದರದಲ್ಲಿ ನೀಡಲು ಕಂಪನಿ ನಿರ್ಧರಿಸಿದೆ.

. ಹಕ್ಕಿನ ಷೇರು ಖರೀದಿಸುವಾಗ ಶೇ 25ರಷ್ಟನ್ನು ಪಾವತಿಸಬಹುದು. 2021ರ ಮೇನಲ್ಲಿ ಇಷ್ಟೇ ಮೊತ್ತವನ್ನು ಪಾವತಿಸಬಹುದು. ಉಳಿದ ಶೇ 50ರಷ್ಟನ್ನು ನವೆಂಬರ್ನಲ್ಲಿ ಪಾವತಿಸಲು ಅವಕಾಶ ನೀಡಲಾಗುವುದು ಎಂದು ಕಂಪನಿಯು ಷೇರುಪೇಟೆಗೆ ಮಾಹಿತಿ ನೀಡಿದೆ.

. ತೈಲದಿಂದ ಮೊಬೈಲ್ವರೆಗೆ ವೈವಿಧ್ಯಮಯ ವಹಿವಾಟು ನಡೆಸುವ ಕೋಟ್ಯಧಿಪತಿ ಮುಕೇಶ್ ಅಂಬಾನಿ ಒಡೆತನದ ರಿಲಯನ್ಸ್ ಇಂಡಸ್ಟ್ರೀಸ್ (ಆರ್ಐಎಲ್), ಹಕ್ಕಿನ ಷೇರುಗಳ ಮೂಲಕ ₹ 53,125 ಕೋಟಿ ಸಂಗ್ರಹಿಸಲು ಮುಂದಾಗಿದೆ.

. ಮೂರು ದಶಕಗಳ ಅವಧಿಯಲ್ಲಿನ ಅತಿದೊಡ್ಡ ಮತ್ತು ಮೊದಲ ಹಕ್ಕಿನ ಷೇರು ನೀಡಿಕೆ ಇದಾಗಿದೆ. ಕಂಪನಿಯ ಹಾಲಿ ಷೇರುದಾರರಿಗೆ ಹಕ್ಕಿನ ಷೇರುಗಳನ್ನು ನೀಡಿ ಈ ಮೊತ್ತ ಸಂಗ್ರಹಿಸಲು ಉದ್ದೇಶಿಸಲಾಗಿದೆ. ಕಂಪನಿಯನ್ನು ಸಾಲದಿಂದ ಮುಕ್ತಗೊಳಿಸುವ ಯೋಜನೆಯ ಅಂಗವಾಗಿ ಈ ಕ್ರಮಕ್ಕೆ ಮುಂದಾಗಿದೆ.

. ಏನಿದು ಹಕ್ಕಿನ ಷೇರು: ಕಂಪನಿಯೊಂದು ತನ್ನ ಷೇರುದಾರರು ಹೊಂದಿರುವ ಷೇರುಗಳನ್ನು ಆಧರಿಸಿ, ಅನುಪಾತ ರೂಪದಲ್ಲಿ ಅವರಿಗೆ ವಿಶೇಷ ದರಕ್ಕೆ ಷೇರುಗಳನ್ನು ಮಾರಾಟ ಮಾಡಿ ಹಣ ಸಂಗ್ರಹಿಸುವುದಕ್ಕೆ ಹಕ್ಕಿನ ಷೇರು ನೀಡಿಕೆ ಎನ್ನುತ್ತಾರೆ. ಸಾಮಾನ್ಯವಾಗಿ ನಗದು ಬಿಕ್ಕಟ್ಟು ಎದುರಿಸುವ ಕಂಪನಿಯು ಹಣ ಸಂಗ್ರಹಿಸಲು ಹಕ್ಕಿನ ಷೇರು ಬಳಸಿಕೊಳ್ಳುತ್ತದೆ.

. ‘ಆರ್ಐಎಲ್’ ವಿಷಯದಲ್ಲಿ ಇದು ಭಿನ್ನವಾಗಿದೆ. ಕಂಪನಿಯು ಸಾಲದಿಂದ ಮುಕ್ತಗೊಳ್ಳಲು, ಷೇರುದಾರರಿಗೆ ಪುರಸ್ಕಾರ ನೀಡಲು ಮತ್ತು ವಹಿವಾಟಿನ ಪ್ರಗತಿ ಬಗ್ಗೆ ಪ್ರವರ್ತಕರಲ್ಲಿನ ವಿಶ್ವಾಸದ ಪ್ರತೀಕವಾಗಿ ಈ ಕ್ರಮಕ್ಕೆ ಮುಂದಾಗಿದೆ.

. ಅಂಕಿ ಅಂಶ

. ₹ 1,257: ಹಕ್ಕಿನ ಷೇರು ಬೆಲೆ

. ₹ 314.25: ಆರಂಭದಲ್ಲಿ 25 %ರಷ್ಟು ಮೊದಲ ಕಂತು

. ₹ 314.25: 2021ರ ಮೇನಲ್ಲಿ 25 %ರಷ್ಟು ಎರಡನೇ ಕಂತು

. ₹ 628.50: 2021ರ ನವೆಂಬರ್ನಲ್ಲಿ 50 % ರಷ್ಟು ಪಾವತಿ

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಆರ್‌ಐಎಲ್‌: ಹಕ್ಕಿನ ಷೇರುಖರೀದಿಸಲು ಕಂತು ಸೌಲಭ್ಯ

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ

IND vs ENG U19: ಸೂರ್ಯವಂಶಿ ಮತ್ತೆ ‘ವೈಭವ’

ಕೆನಡಾ ಓಪನ್‌: ಸೆಮಿಫೈನಲ್‌ಗೆ ಶ್ರೀಕಾಂತ್

Wimbledon: ಸಬಲೆಂಕಾ, ಸಿನ್ನರ್‌ ಮುನ್ನಡೆ

IND vs ENG U19: ಅತಿ ವೇಗದ ಶತಕ ಸಿಡಿಸಿ ಇತಿಹಾಸ ನಿರ್ಮಿಸಿದ ವೈಭವ್ ಸೂರ್ಯವಂಶಿ

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಒಳನೋಟ | ಕಾಲ್ತುಳಿತ ಪ್ರಕರಣ: ಸಾವಿನ ಮನೆ ಬಾಗಿಲು ತೆರೆದವರಾರು?

ಚಿನಕುರುಳಿ | 05 ಜುಲೈ 2025, ಶನಿವಾರ

ಚುರುಮುರಿ | ಮೌಂಟನ್ ಮೀಟಿಂಗ್!

ದಿನ ಭವಿಷ್ಯ | ಆತುರಗತಿಯಲ್ಲಿ ಓಡುವ ನಿಮ್ಮ ಯೋಚನೆಗೆ ಕಡಿವಾಣ ಹಾಕಿ

ಹುಬ್ಬಳ್ಳಿ | ವೇಶ್ಯಾವಾಟಿಕೆ; ಮಹಿಳೆಯರ ರಕ್ಷಣೆ: ಸುರಂಗ ಮಾರ್ಗದ ಅಡಗುತಾಣ ಪತ್ತೆ