ಬುಧವಾರ, ಏಪ್ರಿಲ್ 21, 2021
29 °C

ಅದಾನಿ ಗ್ರೀನ್‌ನಲ್ಲಿ ಟೋಟಲ್ ಹೂಡಿಕೆ

ಪಿಟಿಐ Updated:

ಅಕ್ಷರ ಗಾತ್ರ : | |

DH File

ನವದೆಹಲಿ: ಫ್ರಾನ್ಸ್‌ನ ತೈಲ ಮತ್ತು ಇಂಧನ ಕಂಪನಿ ‘ಟೋಟಲ್‌’, ಅದಾನಿ ಗ್ರೀನ್‌ ಎನರ್ಜಿ ಲಿಮಿಟೆಡ್‌ (ಎಜಿಇಎಲ್) ಕಂಪನಿಯಲ್ಲಿನ ಶೇಕಡ 20ರಷ್ಟು ಷೇರುಗಳನ್ನು ಖರೀದಿಸಲು ಒಪ್ಪಂದ ಮಾಡಿಕೊಂಡಿದೆ. ಸರಿಸುಮಾರು ₹18 ಸಾವಿರ ಕೋಟಿ ಮೊತ್ತದ ಒಪ್ಪಂದ ಇದು. ಅದಾನಿ ಗ್ರೀನ್‌ ಎನರ್ಜಿಯಲ್ಲಿನ ಪ್ರವರ್ತಕರ ಪಾಲು ಹಾಗೂ ಸೌರ ವಿದ್ಯುತ್ ಉತ್ಪಾದನಾ ವಿಭಾಗದಲ್ಲಿನ ಕೆಲವು ಆಸ್ತಿಗಳನ್ನು ‘ಟೋಟಲ್’ ಖರೀದಿಸಲಿದೆ.

ಅದಾನಿ ಗ್ರೀನ್‌ ಎನರ್ಜಿ ಕಂಪನಿಯ ಈಗಿನ ಮಾರುಕಟ್ಟೆ ಮೌಲ್ಯವು ₹1.49 ಲಕ್ಷ ಕೋಟಿ. ಇದರಲ್ಲಿ ಶೇಕಡ 20ರಷ್ಟು ಷೇರುಗಳ ಮೌಲ್ಯವು ₹30 ಸಾವಿರ ಕೋಟಿ ಆಗುತ್ತದೆ. ಆದರೆ, ಟೋಟಲ್ ಕಂಪನಿಗೆ ಕಡಿಮೆ ಮೌಲ್ಯಕ್ಕೆ ಷೇರುಗಳನ್ನು ಮಾರಾಟ ಮಾಡಲಾಗುತ್ತಿದೆ ಎಂದು ಮೂಲಗಳು ಹೇಳಿವೆ.

ಟೋಟಲ್ ಕಂಪನಿಯು ಷೇರುಗಳಿಗಾಗಿ ₹14,600 ಕೋಟಿ ಹಾಗೂ ಸೌರ ವಿದ್ಯುತ್ ಉತ್ಪಾದನಾ ವ್ಯವಸ್ಥೆಯಲ್ಲಿನ ಪಾಲು ಖರೀದಿಗೆ ₹3,600 ಕೋಟಿ ಪಾವತಿಸಿರಬಹುದು ಎಂದು ಅಂದಾಜಿಸಲಾಗಿದೆ.

ಕೇಂದ್ರ ಬಜೆಟ್ 2021 ಪೂರ್ಣ ಮಾಹಿತಿ ಇಲ್ಲಿದೆ

ತಾಜಾ ಸುದ್ದಿಗಳಿಗಾಗಿ ಪ್ರಜಾವಾಣಿ ಆ್ಯಪ್ ಡೌನ್‌ಲೋಡ್ ಮಾಡಿಕೊಳ್ಳಿ: ಆಂಡ್ರಾಯ್ಡ್ ಆ್ಯಪ್ | ಐಒಎಸ್ ಆ್ಯಪ್

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನುಫಾಲೋ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು