ಟ್ವಿಟ್ಟರ್ನ ಆಂಡ್ರಾಯ್ಡ್ ಮೊಬೈಲ್ ಆಪರೇಟಿಂಗ್ ಸಿಸ್ಟಂ ವಿಭಾಗದಲ್ಲಿ ಕೆಲಸ ಮಾಡುತ್ತಿದ್ದ ಎರಿಕ್ ಫ್ರೋನ್ಹೋಪರ್ ಎಂಬ ಎಂಜಿನಿಯರ್, ಮಸ್ಕ್ ಅವರ ಹಳೇಯ ಟ್ವೀಟ್ ಅನ್ನು ಮೆನ್ಷನ್ ಮಾಡಿ, ‘ಟ್ವಿಟ್ಟರ್ನ ತಾಂತ್ರಿಕತೆ ಬಗ್ಗೆ ಮಸ್ಕ್ ಅವರಿಗೆ ಇರುವ ತಿಳಿವಳಿಕೆ ತಪ್ಪು‘ ಎಂದು ಹೇಳಿದ್ದರು.
ಇದಕ್ಕೆ ಉತ್ತರಿಸಿದ್ದ ಮಸ್ಕ್, ‘ಆಂಡ್ರಾಯ್ಡ್ನಲ್ಲಿ ಟ್ವಿಟ್ಟರ್ ನಿಧಾನವಾಗಿ ಕೆಲಸ ಮಾಡುತ್ತಿದೆ. ಇದನ್ನು ಸರಿಪಡಿಸಲು ನೀನು ಏನು ಮಾಡಿರುವೆ?‘ ಎಂದು ಪ್ರಶ್ನಿಸಿದ್ದಾರೆ.
ಇದಕ್ಕೆ ಸರಣಿ ಟ್ವೀಟ್ಗಳ ಮೂಲಕ ಎರಿಕ್ ಫ್ರೋನ್ಹೋಪರ್ ಉತ್ತರ ನೀಡಿದ್ದಾರೆ. ಈ ನಡುವೆ ಮತ್ತೊಬ್ಬ ಬಳಕೆದಾರ ‘ಈ ವಿಷಯವನ್ನೇಕೆ ನಿಮ್ಮ ಹೊಸ ಬಾಸ್ಗೆ ವೈಯಕ್ತಿಕವಾಗಿ ತಿಳಿಸಬಾರದು?‘ ಎಂದು ಪ್ರಶ್ನೆ ಮಾಡಿದ್ದಾರೆ.
ಇದಕ್ಕೆ ಉತ್ತರಿಸಿರುವ ಎರಿಕ್ ಫ್ರೋನ್ಹೋಪರ್, ‘ಅವರೂ ಕೂಡ ವೈಯಕ್ತಿಕವಾಗಿ ಪ್ರಶ್ನೆ ಕೇಳಬಹುದಿತ್ತು‘ ಎಂದು ಉತ್ತರಿಸಿದ್ದಾರೆ.
ಇದರ ಬೆನ್ನಲ್ಲೇ ಎರಿಕ್ ಫ್ರೋನ್ಹೋಪರ್ ಅವರನ್ನು ಕೆಲಸದಿಂದ ಕಿತ್ತು ಹಾಕಲಾಗಿದೆ ಎಂದು ಮಸ್ಕ್ ಬರೆದುಕೊಂಡಿದ್ದಾರೆ.