ಮಂಗಳವಾರ, ಅಕ್ಟೋಬರ್ 27, 2020
19 °C

‘ಜಿಯೊ’ದತ್ತ 45 ಲಕ್ಷ ಗ್ರಾಹಕರು

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ಏರ್‌ಟೆಲ್‌ ಕಂಪನಿಯು ಜೂನ್‌ ತಿಂಗಳಿನಲ್ಲಿ 48.2 ಲಕ್ಷ ಗ್ರಾಹಕರನ್ನು ಕಳೆದುಕೊಂಡಿದೆ. ವೊಡಾಫೋನ್ ಐಡಿಯಾ ಲಿಮಿಟೆಡ್ (ವಿಐಎಲ್‌) ಕಂಪನಿಯು ಈ ಅವಧಿಯಲ್ಲಿ 11.3 ಲಕ್ಷ ಗ್ರಾಹಕರನ್ನು ಕಳೆದುಕೊಂಡಿದೆ.

ಇದೇ ಅವಧಿಯಲ್ಲಿ 45 ಲಕ್ಷ ಗ್ರಾಹಕರನ್ನು ಜಿಯೊ ತನ್ನ ತೆಕ್ಕೆಗೆ ಸೆಳೆದುಕೊಂಡಿದೆ ಎಂದು ಭಾರತೀಯ ದೂರಸಂಪರ್ಕ ನಿಯಂತ್ರಣ ಪ್ರಾಧಿಕಾರ (ಟ್ರಾಯ್) ಬಿಡುಗಡೆ ಮಾಡಿರುವ ಅಂಕಿ–ಅಂಶಗಳು ಹೇಳಿವೆ.

ದೇಶದ ಒಟ್ಟಾರೆ ಮೊಬೈಲ್‌ ಗ್ರಾಹಕರ ಪ್ರಮಾಣದಲ್ಲಿ ಜೂನ್‌ ತಿಂಗಳಲ್ಲಿ ಶೇಕಡ 0.28ರಷ್ಟು ಇಳಿಕೆ ಕಂಡುಬಂದಿದೆ. ಈ ಇಳಿಕೆಯು ನಗರ ಪ್ರದೇಶಗಳಲ್ಲಿ ಶೇ 0.18ರಷ್ಟು, ಗ್ರಾಮೀಣ ಪ್ರದೇಶಗಳಲ್ಲಿ ಶೇ 0.40ರಷ್ಟು ಇದೆ ಎಂದು ಟ್ರಾಯ್ ಹೇಳಿದೆ. ಜೂನ್‌ ಅಂತ್ಯಕ್ಕೆ ಜಿಯೊ ಗ್ರಾಹಕರ ಒಟ್ಟು ಸಂಖ್ಯೆ 39.7 ಕೋಟಿಗೆ ಏರಿಕೆಯಾಗಿದೆ.

ಏರ್‌ಟೆಲ್‌ ಗ್ರಾಹಕರ ಸಂಖ್ಯೆ 31.6 ಕೋಟಿ ಆಗಿದೆ. ಇದರಲ್ಲಿ ಟಾಟಾ ಟೆಲಿಸರ್ವಿಸಸ್‌ನ ಗ್ರಾಹಕರೂ ಸೇರಿದ್ದಾರೆ. ಇದೇ ಅವಧಿಯಲ್ಲಿ ವಿಐಎಲ್‌ ಗ್ರಾಹಕರ ಸಂಖ್ಯೆ 30.5 ಕೋಟಿ ಆಗಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು