ಗುರುವಾರ , ಆಗಸ್ಟ್ 6, 2020
27 °C
ಮರು ಖರೀದಿಯಲ್ಲಿ 22.46 ಕೋಟಿ ಷೇರು ಮಾರಾಟ

ವಿಪ್ರೊ:₹7300 ಕೋಟಿ ಬೆಲೆಯ ಷೇರು ಮಾರಿದ ಪ್ರವರ್ತಕರು

ಪಿಟಿಐ Updated:

ಅಕ್ಷರ ಗಾತ್ರ : | |

ನವದೆಹಲಿ: ವಿಪ್ರೊ ಸಂಸ್ಥೆಯ ಷೇರುಗಳ ಮರು ಖರೀದಿಯಲ್ಲಿ ಅಜೀಂ ಪ್ರೇಮ್‌ಜಿ ಮತ್ತು ಪ್ರವರ್ತಕ ಸಮೂಹದ ಇತರ ಸಂಸ್ಥೆಗಳು ₹ 7,300 ಕೋಟಿ ಮೊತ್ತದ 22.46 ಕೋಟಿ ಷೇರುಗಳನ್ನು ಮಾರಾಟ ಮಾಡಿವೆ.

ಆಗಸ್ಟ್‌ ತಿಂಗಳಾಂತ್ಯಕ್ಕೆ ಕೊನೆಗೊಂಡ ಈ ಮರುಖರೀದಿ ಪ್ರಕ್ರಿಯೆಯಲ್ಲಿ, ಪ್ರತಿ ಷೇರಿಗೆ ₹ 325ರಂತೆ 32.3 ಕೋಟಿ ಷೇರುಗಳನ್ನು ಮರು ಖರೀದಿಸಲಾಗಿದೆ. ಈ ಉದ್ದೇಶಕ್ಕೆ ₹ 10,499.99 ಕೋಟಿ ನಿಗದಿಪಡಿಸಲಾಗಿತ್ತು ಎಂದು ವಿಪ್ರೊ, ಷೇರುಪೇಟೆಗೆ ಮಾಹಿತಿ ನೀಡಿದೆ.

ಅಜೀಂ ಪ್ರೇಮ್‌ಜಿ ಟ್ರಸ್ಟ್‌ನ 4.05 ಕೋಟಿ ಮತ್ತು ಅಜೀಂ ಪ್ರೇಮ್‌ಜಿ ಅವರ 1.22 ಕೋಟಿ ಷೇರುಗಳನ್ನು ಮರು ಖರೀದಿ ಮಾಡಲಾಗಿದೆ. ಈ ಪ್ರಕ್ರಿಯೆಯಲ್ಲಿ ಭಾರತೀಯ ಜೀವ ವಿಮಾ ನಿಗಮವು (ಎಲ್‌ಐಸಿ) 1.34 ಕೋಟಿ ಷೇರುಗಳನ್ನು ಮಾರಾಟ ಮಾಡಿದೆ. ಮರು ಖರೀದಿ ನಂತರ ಸಂಸ್ಥೆಯಲ್ಲಿನ ಪ್ರವರ್ತಕರ ಪಾಲು  ಶೇ 74.05ರಷ್ಟಿದೆ.

ಪ್ರಜಾವಾಣಿ ಫೇಸ್‌ಬುಕ್ ಪುಟವನ್ನು ಲೈಕ್ ಮಾಡಿ, ಪ್ರಮುಖ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಿರಿ.

ಪ್ರಜಾವಾಣಿಯನ್ನು ಟ್ವಿಟರ್‌ನಲ್ಲಿ ಇಲ್ಲಿ ಫಾಲೋ ಮಾಡಿ.

ಟೆಲಿಗ್ರಾಂ ಮೂಲಕ ನಮ್ಮ ಸುದ್ದಿಗಳ ಅಪ್‌ಡೇಟ್ಸ್ ಪಡೆಯಲು ಇಲ್ಲಿ ಕ್ಲಿಕ್ ಮಾಡಿ.

ಈ ವಿಭಾಗದಿಂದ ಇನ್ನಷ್ಟು