ಹಣಕಾಸು, ಆಟೊ ವಲಯ: ಹೆಚ್ಚಿದ ವಿದೇಶಿ ಹೂಡಿಕೆ

ವಿದೇಶಿ ಹೂಡಿಕೆದಾರರು ಮೇ ತಿಂಗಳಿನಲ್ಲಿ ₹ 43,838 ಕೋಟಿ (ಎನ್‌ಎಸ್‌ಡಿಎಲ್ ಮಾಹಿತಿ) ಹೂಡಿಕೆ ಮಾಡಿದ್ದಾರೆ. ಇದರಲ್ಲಿ ಹೆಚ್ಚಿನ ಪಾಲನ್ನು ಹಣಕಾಸು ಸೇವೆಗಳು, ಆಟೊ, ಆಟೊ ಬಿಡಿಭಾಗಗಳು, ಬಂಡವಾಳ ಸರಕುಗಳು ಮತ್ತು ಎಫ್‌ಎಂಸಿಜಿ ವಲಯದಲ್ಲಿ ತೊಡಗಿಸಿದ್ದಾರೆ. ಜೂನ್‌ನಲ್ಲಿಯೂ ಹೂಡಿಕೆಯನ್ನು ಮುಂದುವರಿಸಿದ್ದು, ಹಣಕಾಸು ಮತ್ತು ಆಟೊ ವಲಯದಲ್ಲಿ ಹೆಚ್ಚಿನ ಬಂಡವಾಳ ತೊಡಗಿಸುವ ನಿರೀಕ್ಷೆ ಇದೆ ಎಂದು ವಿಜಯಕುಮಾರ್‌ ‘ಪ್ರಜಾವಾಣಿ’ಗೆ ಮಾಹಿತಿ ನೀಡಿದರು.

ಮೇನಲ್ಲಿ ಐ.ಟಿ. ಮತ್ತು ಲೋಹ ವಲಯಗಳ ಷೇರುಗಳನ್ನು ಮಾರಾಟ ಮಾಡಿದ್ದಾರೆ. ಆದರೆ, ಏಪ್ರಿಲ್‌ಗೆ ಹೋಲಿಸಿದರೆ ಮಾರಾಟದ ಪ್ರಮಾಣ ಕಡಿಮೆ ಆಗಿದೆ ಎಂದು ತಿಳಿಸಿದರು.

ಜಾಗತಿಕವಾಗಿ ಮೇ ತಿಂಗಳಿನಲ್ಲಿ ಜಪಾನ್‌, ದಕ್ಷಿಣ ಕೊರಿಯಾ, ತೈವಾನ್‌ ಮತ್ತು ಭಾರತದ ಮಾರುಕಟ್ಟೆಗಳಲ್ಲಿ ವಿದೇಶಿ ಬಂಡವಾಳ ಹೂಡಿಕೆ ಆಗಿದ್ದು, ಚೀನಾದಿಂದ ಬಂಡವಾಳ ಹಿಂತೆಗೆತ ಆಗಿದೆ. ಜೂನ್‌ನಲ್ಲಿಯೂ ಇದೇ ಪ್ರವೃತ್ತಿ ಮುಂದುವರಿಯುವ ಲಕ್ಷಣಗಳು ಗೋಚರಿಸುತ್ತಿವೆ. ಎಫ್‌ಪಿಐ ಒಳಹರಿವು ಮುಂದುವರಿದಿರುವುದರಿಂದಾಗಿ ನಿಫ್ಟಿಯು ಶೇ 10ರಷ್ಟು ಏರಿಕೆ ಕಂಡಿದೆ. ಮಾರ್ಚ್‌ನಲ್ಲಿ ಕನಿಷ್ಠ ಮಟ್ಟವನ್ನು ತಲುಪಿತ್ತು ಎಂದರು ಅವರು ಹೇಳಿದರು.

ಎಫ್‌ಐಐ ಒಳಹರಿವಿನ ವಿವರ (ಕೋಟಿಗಳಲ್ಲಿ)

ಜೂ. 5;₹701 ಮಾರಾಟ

ಜೂ. 6;₹386 ಖರೀದಿ

ಜೂ. 7;₹1,182 ಖರೀದಿ

ಜೂ. 8;₹212 ಖರೀದಿ

ಜೂ. 9;₹309 ಮಾರಾಟ