ಷೇರುಪೇಟೆಯಲ್ಲಿ ಪೇಟಿಎಂ ಷೇರು: ವಹಿವಾಟು ಮೊದಲ ದಿನವೇ ಶೇ 21ಕ್ಕೂ ಹೆಚ್ಚು ಕುಸಿತ

ನವದೆಹಲಿ: ಪೇಟಿಎಂನ ಮಾತೃ ಸಂಸ್ಥೆ ಒನ್97 ಕಮ್ಯುನಿಕೇಷನ್ಸ್ ಲಿಮಿಟೆಡ್ನ ಷೇರುಗಳು ಇಂದು ವಹಿವಾಟಿಗೆ ತೆರೆದುಕೊಂಡಿದ್ದು, ಆರಂಭಿಕ ವಹಿವಾಟಿನಲ್ಲಿ ಶೇಕಡ 9ರಷ್ಟು ಕುಸಿತ ದಾಖಲಿಸಿತು.

. ಕಂಪನಿಯು ಇತ್ತೀಚೆಗಷ್ಟೇ ಐಪಿಒ ಮೂಲಕ ಪ್ರತಿ ಷೇರಿಗೆ ₹2,150 ಬೆಲೆಗೆ ಷೇರು ವಿತರಣೆ ಮಾಡಿದೆ. ಗುರುವಾರ ಷೇರುಪೇಟೆ ವಹಿವಾಟು ಆರಂಭವಾಗುತ್ತಿದ್ದಂತೆ ಒನ್97 ಕಮ್ಯುನಿಕೇಷನ್ಸ್ ಲಿಮಿಟೆಡ್ನ ಷೇರು ಶೇಕಡ 9ರಷ್ಟು ಇಳಿಕೆಯಾಗಿ ₹1,955ತಲುಪಿತು. ನಂತರ ಮತ್ತಷ್ಟು ಕುಸಿತಕ್ಕೆ ಒಳಗಾದ ಷೇರು ಬೆಲೆ ಶೇಕಡ 20.7ರಷ್ಟು ಕಡಿಮೆಯಾಗಿ ₹1,705.55 ಮುಟ್ಟಿತು.

. ಮಧ್ಯಾಹ್ನ 12ರ ವೇಳೆಗೆ ಪ್ರತಿ ಷೇರು ಬೆಲೆ ₹1,655.20ಕ್ಕೆ ಇಳಿಕೆಯಾಗಿದೆ.

. ದೇಶದ ಷೇರುಪೇಟೆಗಳಲ್ಲಿ ಮಾರಾಟದ ಒತ್ತಡ ಉಂಟಾಗಿದ್ದು, ಮುಂಬೈ ಷೇರುಪೇಟೆ ಸಂವೇದಿ ಸೂಚ್ಯಂಕ ಸೆನ್ಸೆಕ್ಸ್ 526.10 ಅಂಶ ಕಡಿಮೆಯಾಗಿ 59,482.23 ಅಂಶ ತಲುಪಿದೆ. ರಾಷ್ಟ್ರೀಯ ಷೇರುಪೇಟೆ ಸಂವೇದಿ ಸೂಚ್ಯಂಕ ನಿಫ್ಟಿ 160.50 ಅಂಶ ಕುಸಿದು 17,738.15 ಅಂಶಗಳಲ್ಲಿ ವಹಿವಾಟು ನಡೆದಿದೆ. ಆಟೊಮೊಬೈಲ್ ಮತ್ತು ಐಟಿ ಕಂಪನಿಗಳ ಷೇರುಗಳಲ್ಲಿ ಹೆಚ್ಚಿನ ಕುಸಿತ ದಾಖಲಾಗಿದೆ.

. ಕಂಪನಿಯ ಮಾರುಕಟ್ಟೆ ಮೌಲ್ಯ ಸುಮಾರು ₹1,26,737 ಕೋಟಿ ಆಗಿದೆ. ಕಳೆದ ವಾರ ಪೇಟಿಎಂನ ₹18,300 ಕೋಟಿ ಮೊತ್ತದ ಐಪಿಒದಲ್ಲಿ 1.89 ಪಟ್ಟು ಹೆಚ್ಚು ಬಿಡ್ ಸಲ್ಲಿಕೆಯಾಗಿತ್ತು. ಪೇಟಿಎಂ ಐಪಿಒ ದೇಶದ ಅತಿ ದೊಡ್ಡ ಮೊತ್ತದ ಐಪಿಒ ಎಂದು ದಾಖಲಾಗಿದೆ. ಸುಮಾರು ಹತ್ತು ವರ್ಷಗಳ ಹಿಂದೆ ಕೋಲ್ ಇಂಡಿಯಾ ₹15,000 ಕೋಟಿ ಮೊತ್ತದ ಐಪಿಒ ನಡೆಸಿತ್ತು.

. ಇದನ್ನೂ ಓದಿ: ಐಪಿಒ ಹೂಡಿಕೆ: ಅರಿತರೆ ಲಾಭ, ಆತುರಪಟ್ಟರೆ ನಷ್ಟ | Prajavani

. ಒಟ್ಟು 4.83 ಕೋಟಿ ಷೇರುಗಳನ್ನು ಒನ್97 ಕಮ್ಯುನಿಕೇಷನ್ಸ್ ಲಿಮಿಟೆಡ್ ವಿತರಿಸಿದೆ. ಷೇರುಪೇಟೆಯಿಂದ ಐಪಿಒದಲ್ಲಿ ಹೂಡಿಕೆದಾರರಿಂದ 9.14 ಕೋಟಿ ಷೇರುಗಳಿಗೆ ಬಿಡ್ ಸಲ್ಲಿಕೆಯಾಗಿತ್ತು. ಐಪಿಒದಲ್ಲಿ ಪ್ರತಿ ಷೇರು ಬೆಲೆ ₹2,080ರಿಂದ ₹2,150 ನಿಗದಿಯಾಗಿತ್ತು.

. 2000ನೇ ಇಸವಿಯಲ್ಲಿ ಆರಂಭವಾದ ಒನ್97 ಕಮ್ಯುನಿಕೇಷನ್ಸ್ ಲಿಮಿಟೆಡ್, ಭಾರತದ ಗ್ರಾಹಕರು ಮತ್ತು ವ್ಯಾಪಾರಿಗಳಿಗೆ ಡಿಜಿಟಲ್ ಸೇವೆಗಳನ್ನು ಒದಗಿಸುವ ಪ್ರಮುಖ ಸಂಸ್ಥೆಯಾಗಿ ಬೆಳೆದಿದೆ. ಹಣಕಾಸು, ಪಾವತಿ, ಹೂಡಿಕೆ ಸೇವೆಗಳಿಂದ ಹಿಡಿದು ವಸ್ತುಗಳ ಖರೀದಿ, ಬುಕ್ಕಿಂಗ್ ವರೆಗೂ ಹಲವು ಸೇವೆಗಳನ್ನು ಪೇಟಿಎಂ ಮೂಲಕ ಕಂಪನಿಯು ಒದಗಿಸುತ್ತಿದೆ.

. ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ವಾಟ್ಸ್ಆ್ಯಪ್ , ಎಕ್ಸ್ , ಫೇಸ್ಬುಕ್ ಮತ್ತು ಇನ್ಸ್ಟಾಗ್ರಾಂ ನಲ್ಲಿ ಪ್ರಜಾವಾಣಿ ಫಾಲೋ ಮಾಡಿ.

ಷೇರುಪೇಟೆಯಲ್ಲಿ ಪೇಟಿಎಂ ಷೇರು: ವಹಿವಾಟು ಮೊದಲ ದಿನವೇ ಶೇ 21ಕ್ಕೂ ಹೆಚ್ಚು ಕುಸಿತ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಚಿನಕುರುಳಿ Cartoon: 9 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ನವದೆಹಲಿಯ ಕರ್ನಾಟಕ ಭವನದ ಸಿಎಂ ಅವರ ಆ ‘ಸ್ವೀಟ್‌’ ರೂಮಲ್ಲಿ ಡಿಸಿಎಂ ದರ್ಬಾರ್‌!

ಟೆನಿಸ್ ಆಟಗಾರರು ಭಾರತ-ಪಾಕ್ ಪಂದ್ಯಕ್ಕೆ ಸಮನಾದ ಒತ್ತಡ ನಿಭಾಯಿಸುತ್ತಾರೆ: ಕೊಹ್ಲಿ

ನಾಯಕನಾಗಿ ಗಿಲ್‌ ಹನಿಮೂನ್ ಅವಧಿ ಆನಂದಿಸುತ್ತಿದ್ದಾರೆ: ಗಂಗೂಲಿ

Wimbledon | ಸೆಮಿಗೆ ಸಬಲೆಂಕಾ, ಫ್ರಿಟ್ಜ್‌

Ind vs Eng Test: ಲಾರ್ಡ್ಸ್‌ನಲ್ಲಿ ಸವಾಲಿನ ಪಿಚ್‌ ನಿರೀಕ್ಷೆ

ಒಳನೋಟ | ಬೇಸಾಯಕ್ಕೆ ಯುವಜನ ಬೇಕಾಗಿದ್ದಾರೆ! ಕೃಷಿ ಒಲ್ಲೆ ಎನ್ನುವವರೇ ಹೆಚ್ಚು

ಒಳನೋಟ: ಸೋರುವ ಕೊಠಡಿಯಲ್ಲೇ ಕಲಿಕೆ!

ಒಳನೋಟ: ಹದಗೆಟ್ಟ ಹಾಸ್ಟೆಲ್‌ ‘ಆರೋಗ್ಯ’.. ಸರಿಯಾಗದ SC, ST, OBC ವಸತಿಶಾಲೆಗಳು

ಒಳನೋಟ | ರಾಜ್ಯದಲ್ಲಿ ವಿದೇಶಿ ಹಣ್ಣುಗಳ ದಿಬ್ಬಣ

ಚಿನಕುರುಳಿ | ಮಂಗಳವಾರ, 08 ಜುಲೈ 2025

ಚಿನಕುರುಳಿ Cartoon: 9 ಜುಲೈ 2025

ಅಸ್ಸಾಂ ಮೂಲದ ಈ ಚೆಲುವೆ ಅಮೆರಿಕದಲ್ಲಿ ಪೋರ್ನ್ ಇಂಡಸ್ಟ್ರಿಗೆ ಎಂಟ್ರಿಯಾದರೇ?

ನವದೆಹಲಿಯ ಕರ್ನಾಟಕ ಭವನದ ಸಿಎಂ ಅವರ ಆ ‘ಸ್ವೀಟ್‌’ ರೂಮಲ್ಲಿ ಡಿಸಿಎಂ ದರ್ಬಾರ್‌!