ಮಂಗಳವಾರ, 19 ಮಾರ್ಚ್ 2024
×
ADVERTISEMENT
ಈ ಕ್ಷಣ :
ADVERTISEMENT
ADVERTISEMENT

ಕೊರೊನಾ: ತಿಂಗಳಲ್ಲಿ ಕರಗಿದ್ದು ₹33.31 ಲಕ್ಷ ಕೋಟಿ, ಷೇರುಪೇಟೆ ತತ್ತರ

ಹೆಚ್ಚಿನ ಬಂಡವಾಳ ಹೊರಹರಿವು
Last Updated 28 ಮಾರ್ಚ್ 2020, 20:00 IST
ಅಕ್ಷರ ಗಾತ್ರ

ಮುಂಬೈ: ಕೊರೊನಾ ವೈರಸ್‌ ಸೋಂಕು ಭಾರತದ ಷೇರುಪೇಟೆಗಳ ಮೇಲೆ ನಕಾರಾತ್ಮಕ ಪರಿಣಾಮ ಬೀರುತ್ತಿದೆ. ಸಾರ್ವಕಾಲಿಕ ದಾಖಲೆ ಮಟ್ಟದಲ್ಲಿದ್ದ ವಹಿವಾಟು ಇದೀಗ ಕುಸಿತದ ಹಾದಿ ಹಿಡಿದಿದ್ದು, ದಿನದಿಂದ ದಿನಕ್ಕೆ ಹೂಡಿಕೆದಾರರ ಸಂಪತ್ತು ಕರಗುತ್ತಲೇ ಇದೆ.

ಮಾರ್ಚ್‌ 2ರಂದು 38,144 ಅಂಶಗಳಲ್ಲಿ ವಹಿವಾಟು ಅಂತ್ಯಗೊಳಿಸಿದ್ದ ಮುಂಬೈ ಷೇರುಪೇಟೆ (ಬಿಎಸ್‌ಇ) ಸಂವೇದಿ ಸೂಚ್ಯಂಕ ಶುಕ್ರವಾರದ (ಮಾರ್ಚ್‌ 27) ಅಂತ್ಯಕ್ಕೆ 29,815ಕ್ಕೆ ಬಂದು ತಲುಪಿದೆ. ತಿಂಗಳ ವಹಿವಾಟಿನಲ್ಲಿ 8,329 ಅಂಶಗಳಷ್ಟು ಕುಸಿತ ಕಂಡಿದೆ. ತಿಂಗಳಿನಲ್ಲಿಯೇ ಎರಡು ಬಾರಿ ಸಾರ್ವಕಾಲಿಕ ದಾಖಲೆ ಕುಸಿತವನ್ನೂ ಅನುಭವಿಸಿದೆ.

ಮಂದಗತಿಯ ಆರ್ಥಿಕತೆಗೆ, ಕೊರೊನಾ ಪರಿಣಾಮವೂ ಸೇರಿಕೊಂಡು ಹೂಡಿಕೆ ಚಟುವಟಿಕೆಯ ಮೇಲೆ ಪ್ರತಿಕೂಲ ಪರಿಣಾಮ ಬೀರುತ್ತಿದೆ. ತಿಂಗಳಲ್ಲಿ ನಡೆದಿರುವ ವಹಿವಾಟಿನಲ್ಲಿಹೂಡಿಕೆದಾರರ ಸಂಪತ್ತು ₹145.80 ಲಕ್ಷ ಕೋಟಿಗಳಿಂದ ₹ 112.49 ಲಕ್ಷ ಕೋಟಿಗಳಿಗೆ ₹33.31 ಲಕ್ಷ ಕೋಟಿಗಳಷ್ಟು ಕರಗಿದೆ.

ರಾಷ್ಟ್ರೀಯ ಷೇರುಪೇಟೆ (ಎನ್‌ಎಸ್‌ಇ) ಸೂಚ್ಯಂಕ ನಿಫ್ಟಿ ಮಾರ್ಚ್‌ 2ರಂದು 11,132 ಅಂಶಗಳಲ್ಲಿ ವಹಿವಾಟು ಅಂತ್ಯಗೊಳಿಸಿತ್ತು. ಶುಕ್ರವಾರದ (ಮಾರ್ಚ್‌ 27) ಅಂತ್ಯಕ್ಕೆ 8,660 ಅಂಶಗಳಿಗೆ 2,472 ಅಂಶಗಳಷ್ಟು ಇಳಿಕೆ ಕಂಡಿದೆ.

ವಾರದ ವಹಿವಾಟು: ಸತತ ಆರನೇ ವಾರವೂ ಷೇರುಪೇಟೆಗಳ ವಹಿವಾಟು ನಕಾರಾತ್ಮಕವಾಗಿ ಅಂತ್ಯಗೊಂಡಿದೆ. ಕೊರೊನಾದಿಂದಾಗಿ ಅತಿಯಾದ ಮಾರಾಟದ ಒತ್ತಡ ಕಂಡುಬಂದಿದ್ದು, ವಿದೇಶಿ ಬಂಡವಾಳ ಹೊರಹರಿವು ಹೆಚ್ಚಾಗಿದೆ.

ತಾಜಾ ಸುದ್ದಿಗಾಗಿ ಪ್ರಜಾವಾಣಿ ಟೆಲಿಗ್ರಾಂ ಚಾನೆಲ್ ಸೇರಿಕೊಳ್ಳಿ | ಪ್ರಜಾವಾಣಿ ಆ್ಯಪ್ ಇಲ್ಲಿದೆ: ಆಂಡ್ರಾಯ್ಡ್ | ಐಒಎಸ್ | ನಮ್ಮ ಫೇಸ್‌ಬುಕ್ ಪುಟ ಫಾಲೋ ಮಾಡಿ.

ADVERTISEMENT
ADVERTISEMENT
ADVERTISEMENT
ADVERTISEMENT